९ वटा बीमा कम्पनीले पुजी बढाउन हकप्रद निस्कासन गर्ने भएका छन् । धितोपत्र बोर्डमा हकप्रद निष्कासनको अनुमति माग्ने ९ वटा बीमा कम्पनीमध्ये एलआइसी नेपाल र एनएलजी इन्स्योरेन्सले अनुमती प्राप्त गरिसकेका छन ।

एलआइसी नेपालले ८८.४५ प्रतिशत अर्थात् १ः०.८८ अनुपातमा र एनएलजी इन्स्योरेन्सले ६६ प्रतिशत अर्थात् १०ः६.६ अनुपातमा हकप्रद निष्कासन गर्ने भएका छन ।

धितोपत्र बोर्डको पाइपलाइनमा ३ वटा जीवन बीमा कम्पनी र ४ वटा निर्जीवन बीमा कम्पनी छन् ।

जीवन बीमातर्फ सन नेपाल लाइफले १ः०.२७ को अनुपातमा , एशियन लाइफ इन्स्योरेन्सले १ः०.४२ अनुपातमा अर्थात् चुक्तापुँजीको ४२ प्रतिशत हकप्रद र प्रभु महालक्ष्मी लाइफ इन्स्योरेन्स कम्पनीले कायम चुक्तापुँजीको १७ प्रतिशत अर्थात् १ः०.१७ अनुपातमा हकप्रद जारी गर्न अनुमति मागेको छ ।

यता निर्जीवनतर्फ ५ वटा कम्पनीले हकपद निष्कासनको अनुमति मागेका छन् । नेको इन्स्योरेन्सले कायम चुक्तापुँजीको २५ प्रतिशत अर्थात १ः०.२५ अनुपातमा, प्रभु इन्स्योरेन्सले पनि कायम चुक्तापुँजीको ५० प्रतिशत अर्थात् १ः०.५०१५ अनुपातमा हकप्रद जारी गर्न अनुमति मागेको छ ।

त्यस्तै नेपाल इन्स्योरेन्सले हाल कायम चुक्तापुँजीको ४० प्रतिशत अर्थात १०ः४ अनुपातमा र युनाइटेड अजोड इन्स्योरेन्सले १५ प्रतिशत हकप्रद निष्कासनको लागि बोर्डसँग अनुमति माग गरेको छ ।

नेपाल स्टक एक्सचेञ्ज(नेप्से)मा नेशनल लाइफ इन्स्योरेन्स कम्पनी लिमिटेडको बोनस सेयर सूचीकृत भएको छ । आज नेप्सेमा कम्पनीको २० लाख ४ हजार ६६६.५७ कित्ता बोनस सेयर सूचीकृत भएको हो ।

कम्पनीले गत आवका लागि १० प्रतिशत नगद लाभांश र ४ प्रतिशत बोनस सेयर गरी कुल १४ प्रतिशत लाभांश घोषणा गरेको थियो । सोही ४ प्रतिशतले हुन आउने २० लाख ४ हजार ६६६.५७ कित्ता सेयर आज नेप्सेमा सूचीकृत भएको हो ।

रुरु जलविद्युत परियोजना लिमिटेडको सेयरमूल्य समायोजन गरिएको छ । कम्पनीले प्रस्ताव गरेको १५ प्रतिशत बोनस सेयरका लागि कम्पनीको सेयरमूल्य समायोजन गरिएको हो ।

मुल्य समायोजनपछी कम्पनीको सेयरमूल्य प्रतिकित्ता ७६४.३५ रुपैयाँ भएको छ ।समायोजन अघि कम्पनीको सेयरमूल्य प्रतिकित्ता ८७९ रुपैयाँ थियो ।

कम्पनीले १५ प्रतिशत बोनस सेयर र ०.७८९ प्रतिशत नगद लाभांश(कर प्रयोजनका लागि) गरी कुल १५.७८९ प्रतिशत लाभांश दिएको छ ।

छिमेक लघुवित्त वित्तीय संस्था लिमिटेडले संस्थापक सेयर लिलाम बिक्रीमा राखिएको छ । संस्थाले संस्थापक सेयरधनीको स्वामित्वमा रहेको २ हजार ९९९ कित्ता संस्थापक सेयर बिक्रीमा राखेको हो ।

यो सेयर खरिदका लागि संस्थाको विद्यमान संस्थापक सेयरधनीहरुले मात्रै खरिद आवेदन दिन सक्नेछन् ।

सेयरको न्यूनतम मूल्य प्रतिकित्ता ४३० रुपैयाँ तोकिएको छ । सेयर खरिद गर्न इच्छुक लगानीकर्ताले सूचना प्रकाशित भएको ३५ दिनभित्र मध्य बानेश्वर काठमाण्डौमा रहेको संस्थाको केन्द्रीय कार्यालयमा आवेदन पेश गर्नुपर्नेछ ।

निर्धारित मितिभित्र आवेदन नपरेमा अन्य व्यक्ति तथा कम्पनीलाई उक्त सेयर बिक्री गरिने संस्थाले जनाएको छ ।

सुपर खुदी हाइड्रो पावरमा नेपाल हाईड्रो डेभलपर लिमिटेडले लगानी गर्ने निर्णय गरेको छ । कम्पनीको असोज २३ गतृ बसेको सञ्चालक समितिको बैठकले यस्तो निर्णय गरेको हो ।

बैठकले सुपर खुदी हाइड्रो पावर लिमिटेड द्वारा प्रर्वद्धित माथिल्लो खुदी जलविद्युत आयोजना (२६ मेवा) मा अधिकतम १० करोड रुपैयाँ ( रु.१०० अंकित १० लाख कित्ता सेयरसम्म लगानी गर्ने सर्वसम्मत निर्णय गरेको छ ।