रिलायबल सामूहिक लगानी कोषअन्तर्गत सञ्चालन हुने ‘रिलायबल समृद्धि योजना–२’ को इकाई बिक्री यही वैशाख २९ गतेदेखि हुने भएको छ । रिलायबल लाइफ इन्स्योरेन्स कोष प्रवद्धक र रिलायबल क्यापिटल योजना व्यवस्थापक रहेको यो योजना’को १० करोड इकाइको बिक्री आवेदन खुला गर्न लागिएको हो ।

कुल निष्कासनमध्ये बीज पूँजीबापत १ करोड ४० लाख कोष प्रवद्धक रिलायबल लाइफ इन्स्योरेन्स र १० लाख इकाई योजना व्यवस्थापक रिलायबल क्यापिटललाई सुरक्षित राखि बाँकी रहने ८ करोड ५० लाख इकाई सर्वसाधारणहरुमा निष्कासन गरिनेछ ।

लगानीकर्ताले न्यूनतम १०० कित्ता र अधिकतममा १ करोड इकाइका लागि आवेदन दिन सक्नेछन् । लगानीकर्ताले नेपाल धितोपत्र बोर्डबाट धितोपत्र दरखास्त संकलनको लागि अनुमति प्राप्त बैंक तथा वित्तीय संस्थाहरु (आस्वा सदस्य) का आस्वा सेवा प्रदान गर्ने सम्पूर्ण कार्यालयहरुबाट आवेदन दिन सक्नेछन्।

यो योजनाको इकाई बिक्री बन्द छिटोमा जेठ १ गते र ढिलोमा जेठ १२ गते बैंकिङ समयपछि हुनेछ । योजनाको धितोपत्र निष्काशन तथा बिक्री प्रबन्धकको रुपमा रिलायबल क्यापिटल लिमिटेड रहेको छ।

काठमाडौं — मल्टीपर्पस फाइनान्सले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ। सार्वजनिक विवरणअनुसार कम्पनीको खुद नाफामा उल्लेख्य गिरावट आएको छ।

समीक्षा अवधिमा कम्पनीले ५३ लाख २३ हजार रुपैयाँ खुद नाफा कमाएको छ, जुन अघिल्लो आर्थिक वर्षको सोही अवधिको २ करोड १६ लाख रुपैयाँको तुलनामा ७५.४१ प्रतिशतले कम हो। कम्पनीका अनुसार खुद ब्याज आम्दानी घट्नु र सञ्चालन खर्च बढ्नु नै नाफा घट्नुका प्रमुख कारण हुन्।

कम्पनीको खुद ब्याज आम्दानी १८.०९ प्रतिशतले घटेर ५ करोड ३१ लाख रुपैयाँमा सीमित भएको छ। त्यस्तै सञ्चालन खर्च ४ करोड १५ लाखबाट बढेर ५ करोड २९ लाख रुपैयाँ पुगेको छ। यसै कारण खुद सञ्चालन आम्दानी पनि ७ करोड ४० लाखबाट घटेर ६ करोड १२ लाख रुपैयाँमा झरेको छ।

यस अवधिमा कम्पनीको खराब कर्जा अनुपात ५.३६ प्रतिशतबाट बढेर ७.४४ प्रतिशत पुगेको छ, जसले वित्तीय जोखिम बढेको संकेत गर्छ।

६१ करोड रुपैयाँ चुक्तापुँजी रहेको कम्पनीको रिटेन्ड अर्निङ १ करोड ६३ लाख रुपैयाँ पुगेको छ भने रिजर्भ ९ करोड ९ लाख रुपैयाँमा सीमित भएको छ। अघिल्लो वर्ष यी क्रमशः १ करोड २१ लाख र १३ करोड ६० लाख रुपैयाँ रहेका थिए।

सकारात्मक पक्षतर्फ, कम्पनीको निक्षेप संकलन र कर्जा प्रवाह दुवैमा वृद्धि भएको छ। निक्षेप ३ अर्ब १७ करोडबाट बढेर ३ अर्ब ६४ करोड रुपैयाँ पुगेको छ भने कर्जा प्रवाह १ अर्ब ८८ करोडबाट बढेर २ अर्ब १५ करोड रुपैयाँ पुगेको छ।

समीक्षा अवधिसम्म कम्पनीको प्रतिसेयर आम्दानी (EPS) १.१६ रुपैयाँ, प्रतिसेयर नेटवर्थ ११९.३१ रुपैयाँ, प्रतिसेयर कुल सम्पत्ति मूल्य ७२६.१२ रुपैयाँ, मूल्य–आम्दानी अनुपात ५७६.८१ गुणा र तरलता अनुपात ४७.३५ प्रतिशत रहेको छ।

एभरेष्ट बैंकको नाफा घट्यो, वितरणयोग्य मुनाफा भने बढ्यो

काठमाडौँ । एभरेष्ट बैंक लिमिटेडले चालु आर्थिक वर्षको तेस्रो त्रैमाससम्ममा ३ अर्ब ३२ करोड रुपैयाँ खुद नाफा आर्जन गरेको छ। यो नाफा गत आर्थिक वर्षको सोही अवधिको तुलनामा ३.७१ प्रतिशतले कम हो। अघिल्लो वर्ष यही अवधिसम्म बैंकले ३ अर्ब ४५ करोड रुपैयाँ खुद नाफा कमाएको थियो।

यद्यपि, बैंकको वितरणयोग्य मुनाफा भने बढेको छ। समीक्षा अवधिमा बैंकले ४ अर्ब ४ करोड रुपैयाँ वितरणयोग्य मुनाफा आर्जन गरेको छ, जुन अघिल्लो वर्षको तुलनामा १०.०५ प्रतिशतले बढी हो।

पश्चिम एशियामा उत्पन्न द्वन्द्वका कारण सिर्जित विषम परिस्थितिका बाबजुद बैंकले आफ्नो व्यवसायिक प्रदर्शनमा सुधार देखाएको छ। बैंकको खुद ब्याज आम्दानी १.३३ प्रतिशतले वृद्धि भई ६ अर्ब ८३ करोड रुपैयाँ पुगेको छ। त्यस्तै, खुद शुल्क तथा कमिशन आम्दानी पनि उल्लेख्य रूपमा बढेर १ अर्ब ४५ करोड रुपैयाँ पुगेको छ, जुन अघिल्लो वर्ष १ अर्ब ९ करोड रुपैयाँ थियो।

१३ अर्ब ७२ करोड रुपैयाँ चुक्तापूँजी रहेको बैंकको रिटेन्ड अर्निङ ४ अर्ब ४ करोड रुपैयाँ पुगेको छ। साथै, रिजर्भ कोष १५ अर्ब ५० करोड रुपैयाँ पुगेको छ, जुन अघिल्लो वर्ष १३ अर्ब ८६ करोड रुपैयाँ थियो।

बैंकले निस्क्रिय कर्जा घटाउन पनि सफलता हासिल गरेको छ। अघिल्लो वर्ष ०.६४ प्रतिशत रहेको निस्क्रिय कर्जाको अनुपात घटेर ०.६१ प्रतिशतमा झरेको छ।

यस अवधिमा बैंकको रिटर्न अन इक्विटी (आरओई) भने घटेको छ। अघिल्लो वर्ष १५.८२ प्रतिशत रहेको आरओई घटेर १३.५६ प्रतिशतमा सीमित भएको छ। तर प्रतिसेयर नेटवर्थ भने २३५.४७ रुपैयाँबाट बढेर २४४.२७ रुपैयाँ पुगेको छ।

समीक्षा अवधिसम्म बैंकको कुल निक्षेप ३ खर्ब २ अर्ब ४३ करोड रुपैयाँ पुगेको छ भने कुल कर्जा प्रवाह २ खर्ब ५० अर्ब रुपैयाँ रहेको छ। अघिल्लो वर्ष सोही अवधिमा निक्षेप २ खर्ब ९८ अर्ब ८१ करोड रुपैयाँ र कर्जा प्रवाह २ खर्ब १३ अर्ब ४३ करोड रुपैयाँ थियो।

बैंकको कस्ट अफ फण्ड ४.११ प्रतिशतबाट घटेर ३.३१ प्रतिशतमा आएको छ भने आधार दर ५.४५ प्रतिशतबाट घटेर ४.५७ प्रतिशतमा झरेको छ।

यस अवधिमा बैंकको प्रति सेयर आम्दानी (ईपीएस) ३२.३५ रुपैयाँ, पी/ई अनुपात २१.५८ गुणा र तरलता अनुपात २६.७४ प्रतिशत कायम रहेको छ।

एपोलो हाईड्रो पावर लिमिटेडको आईपीओमा खरिद आवेदन दिने आज अन्तिम दिन रहेको छ । कम्पनीले सर्वसाधारणका लागि गत चैत २६ गतेदेखि आईपीओ निष्कासन गरेको थियो । कम्पनीले दोस्रो चरणमा कुल ७ लाख ८० हजार २०० कित्ता आईपीओ बिक्रीमा ल्याएको हो। यो आईपीओमा न्यूनतम १० कित्तादेखि अधिकतममा ९४ हजार कित्तासम्मका लागि आवेदन दिन सकिनेछ। लगानीकर्ताले सि–आस्बा प्रणालीमार्फत बैंक तथा वित्तीय संस्था वा मेरो सेयर प्रयोग गरेर आवेदन दिन सक्नेछन्। कम्पनीको आईपीओ निष्कासन तथा बिक्री प्रबन्धकको रुपमा हिमालयन क्यापिटल लिमिटेड रहेको छ ।

चन्द्रागिरी इन्भेष्टमेन्ट ग्रुप लिमिटेडले आइपीओ निष्कासन गर्ने भएको छ । कम्पनीले १० करोड रुपैयाँ बराबरको १० लाख कित्ता सेयर सर्बसाधारणका लागि निष्कासन गर्ने भएको हो ।
कम्पनीको शनिबार सम्पन्न पहिलो साधारणसभाले आइपिओ निस्कासन गर्ने प्रस्ताव पारित गरेको हो । कम्पनीको अधिकृत पूँजी ५० करोड रुपैयाँ छ ।

कम्पनीको साधारणसभाले चुक्ता पूँजीको ४ प्रतिशतका दरले नगद लाभांश वितरण गर्ने प्रस्ताव पनि पारित गरेको छ । यसै गरी साधारणसभाले ६ जना संचालक निर्बिरोध चयन गरेको छ ।

निर्वाचनबाट निर्विरोध निर्वाचित हुने संचालकहरुमा राजन श्रेष्ठ, रामराजा आचार्य, प्रकाशमान श्रेष्ठ, धिरेन्द्र श्रेष्ठ, शंकर महर्जन र बीरेन्द्र श्रेष्ठ रहेका छन् । साधारणसभाले अध्यक्ष राजन श्रेष्ठले प्रस्तुत गरेको बार्षिक प्रतिवेदन र लेखा परीक्षकको प्रतिवेदन पारित गरेको छ ।

होल्डिङ कम्पनीका रुपमा रहेको चन्द्रागिरी इन्भेष्टमेन्ट ग्रुप लिमिटेडले इन्द्रेणी मस्रुम फार्म, द निलय होटल्स लिमिटेड, काउले भाइनियार्ड एग्रो, एभरेष्ट कलर र मेरो किसार्नलगायतका कम्पनीमा लगानी गरेको अध्यक्ष राजन श्रेष्ठले जानकारी दिए ।

अप्पर लोहरे खोला हाइड्रोपावर कम्पनीले चालु आर्थिक वर्षको दोस्रो त्रैमासिक वित्तीय विवरण सार्वजनिक गरेको छ। विवरणअनुसार कम्पनीले यस अवधिसम्म ४९ लाख ७७ हजार रुपैयाँ नाफा कमाएको छ, जुन गत आर्थिक वर्षको सोही अवधिमा भएको २ करोड १५ लाख २१ हजार रुपैयाँ घाटाको तुलनामा उल्लेखनीय सुधार हो।

कम्पनीको नाफामा सुधार हुनुमा विद्युत बिक्रीबाट हुने आम्दानीमा भएको उल्लेख्य वृद्धि मुख्य कारण रहेको छ। दोस्रो त्रैमाससम्म कम्पनीले विद्युत बिक्रीमार्फत २ करोड ७० लाख २६ हजार रुपैयाँ आम्दानी गरेको छ, जुन गत वर्षको सोही अवधिको ९० लाख ४० हजार रुपैयाँको तुलनामा १९८.९६ प्रतिशतले बढी हो।

वित्तीय सूचकांकतर्फ हेर्दा, कम्पनीको प्रतिसेयर आम्दानी (ईपीएस) ०.९८ रुपैयाँ, प्रतिसेयर नेटवर्थ ९४.६९ रुपैयाँ, मूल्य आम्दानी अनुपात (पीई रेसियो) ४६१.२१ गुणा र तरलता अनुपात ०.६४ रहेको छ।

काठमाडौं — काठमाडौँ उपत्यकामा सार्वजनिक बिदा पर्दा देशभर सेयर कारोबार बन्द गरिने व्यवस्थाप्रति लगानीकर्ता शिव चन्द्रले असन्तुष्टि व्यक्त गरेका छन्।

उनले काठमाडौँ केन्द्रित निर्णयले मोफसलका लगानीकर्तामाथि अन्याय भइरहेको उल्लेख गर्दै “नेपाल धितोपत्र बोर्ड हो कि काठमाडौँ धितोपत्र बोर्ड?” भन्ने प्रश्न उठाएका छन्।

उनका अनुसार देशभरबाट अनलाइन प्रणालीमार्फत सेयर कारोबार भइरहेको वर्तमान अवस्थामा काठमाडौँमा मात्र बिदा हुँदा सम्पूर्ण बजार बन्द गर्नु उपयुक्त नभएको बताएका छन्।

यसले काठमाडौँ बाहिर रहेका लगानीकर्ताको पहुँच र अधिकारमा असर पर्ने भन्दै उनले सम्बन्धित निकायले यस विषयमा पुनर्विचार गर्नुपर्ने आवश्यकता औंल्याएका छन्।

विशेषगरी नेपाल स्टक एक्सचेञ्ज जस्तो डिजिटल प्लेटफर्ममार्फत कारोबार भइरहेको अवस्थामा भौगोलिक आधारमा बजार बन्द गर्नु व्यवहारिक नदेखिएको उनको भनाइ छ।

लगानीकर्ताहरूबीच पनि यस विषयमा बहस बढ्दै गएको छ भने बजार सञ्चालन प्रणालीलाई अझ समावेशी र देशव्यापी बनाउने माग उठ्न थालेको छ।