रासायनिक मल उत्पादन गर्ने कारखाना खोल्न बहुवर्षीय योजना तयार गर्ने लक्ष्य लिएको पनि बताए। साथै सरकारले प्रत्येक पालिकामा एक शीत भण्डार बनाउने योजना अघि सारेको छ।

नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले एक वडा एक विशेष उत्पादनमा जोड दिने बताएका हुन्।

‘एक पालिका एक उत्पादन क्षेत्र नीतिमार्फत् आत्मनिर्भर स्थानीय अर्थतन्त्र बनाउन जोड दिइनेछ। उपयोगमा नआएका बाँझो जमिनमा कृषि खेती प्रवर्द्धन गर्न युवा लक्षित सहकारी तथा सामुदायिक खेती प्रणालीलाई प्रोत्साहित गरिने छ। कृषि उत्पादन, उत्पादकत्व वृद्धि गर्न चक्लाबन्दीलाई प्रोत्साहित गरिने छ,’ उनले भने।

उनले नदी उकास जमिनलाई भूमिहीन विपन्नलाई लक्षित गरी स्थानीय तहको समन्वयमा जग्गा विउ तथा कृषि प्रसार सेवा उपलब्ध गराउने पनि बताए।

सरकारले हिउँदमा मासिक ३० युनिटसम्म र वर्षायाममा मासिक ५० युनिट विद्युत खपत गर्ने उपभोक्तालाई निःशुल्क विद्युत उपलब्ध घोषणा गरेको छ ।

राष्ट्रपति रामचन्द्र पौडेलले संघीय संसदको संयुक्त बैठकमा पेश गरेको आगामी आर्थिक वर्ष २०८०/८१ को नीति तथा कार्यक्रममा विद्युत खपत बढाउने योजनासहित यस्तो घोषणा भएको हो ।

साथै २ वर्षभित्र सबै नागरिकको घरमा विद्युत सेवा पुर्‍याउने घोषणा गरेको छ । विपन्न नागरिकको घरमा निःशुल्क बिजुली मिटर जोड्ने घोषणा पनि भएको छ । खाना पकाउने ग्यसलाई विद्युतबाट प्रतिस्थापन गर्ने, हाइड्रोजन इनधनको उत्पादन सम्भाव्यताको अध्ययन गर्ने लगायतका घोषणा भएको छ ।

सरकारको नीति तथा कार्यक्रम शुक्रबार पेस गर्दैछ ।

प्रतिनिधिसभामा संघीय संसदको संयुक्त बैठकमा नीति तथा कार्यक्रम पेस गरिनेछ। बैठक दिउँसो ४ बजेका लागि बोलाइएको छ।

राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्नेछन्।

यसअघि अस्वस्थताका कारण राष्ट्रपति पौडेलबाट नीति तथा कार्यक्रम पेस नहुने भन्ने थियो त्यसैले नीति तथा कार्यक्रम प्रधानमन्त्री वा राष्ट्रपतिबाट पेस गर्ने सहमती थियो। तर, स्वास्थ्य अवस्था सामान्य भइसकेकोले राष्ट्रपति पौडेलले नै नीति तथा कार्यक्रम पेस गर्न लागेका हुन्।