समाज लघुवित्त वित्तीय संस्था लिमिटेडले चालु आवको पहिलो त्रैमासको अपरिष्कृत वित्तीय विवरण सार्वजनिक गरेको छ । जसअनुसार संस्था ४२ लाख १२ हजार रुपैयाँ घाटामा रहेको छ ।

संस्थाको खुद ब्याज आम्दानी ३०.१२ प्रतिशतले घटेर २० लाख १२ हजार रुपैयाँमा खुम्चिएको छ । संस्थाको अन्य सञ्चालन आम्दानी समेत ८४.४७ प्रतिशतले घटेर ९ लाख ३५ हजार रुपैयाँ मात्र भएको छ ।

यस्तै संस्थाको सञ्चालन मुनाफा पनि ८८ लाख ८५ हजार रुपैयाँले ऋणात्मक छ ।

यो अवधिसम्म संस्थाको निक्षेप संकलन १६ करोड ५ लाख रुपैयाँबाट घटेर १३ करोड ७६ लाख रुपैयाँ पुगेको छ । संस्थाको कर्जा प्रवाह ४४ करोड २७ लाख रुपैयाँबाट घटेर ४३ करोड ६३ लाख रुपैयाँमा झरेको छ ।

समीक्षा अवधिसम्म संस्थाको प्रतिसेयर आम्दानी(ईपीएस) २८.०६ रुपैयाँले ऋणात्मक, प्रतिसेयर नेटवर्थ २०३.६४ रुपैयाँ र तरलता अनुपात ३.६७ प्रतिशत छ ।

पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेसहित ४ जनालाई अनुसन्धानका लागि थप १३ दिन म्याद थपिएको छ । जिल्ला अदालत कास्कीका न्यायाधीश नवराज दाहालको इजलासले जिल्ला प्रहरी कार्यालय कास्कीलाई लामिछानेसहित ४ जनालाई थप १३ दिन हिरासतमा राख्न अनुमति दिएको हो ।

अदालतले लामिछानेसँगै गोर्खा मिडिया नेटवर्कका अर्का सञ्चालक पूर्वडीआईजी छविलाल जोशी, लीला पछाईं र रामबहादुर खनाललाई १३ दिन हिरासतमा राख्न म्याद थप गरेको हो ।

फर्स्ट माइक्रोफाइनान्स लघुवित्त वित्तीय संस्था लिमिटेडले चालु आवको पहिलो त्रैमाससम्म ३ करोड १० लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ३८.६८ प्रतिशतले धेरे हो ।

अघिल्लो आवको सोही अवधिसम्म कम्पनीले ५ करोड ६ लाख रुपेयाँ खुद नाफा कमाएको थियो । यो अवधिसम्म कम्पनीको खुद ब्याज आम्दानी २५.१२ प्रतिशतले घटेर ६ करोड ५२ हजार रुपैयाँमा बनेको छ । यस्तै कम्पनीको खुद सञ्चालन आम्दानी ३३.९५ प्रतिशतले घटेर ५ करोड ९९ लाख रुपैयाँ भएको छ । १ अर्ब २३ करोड रुपैयाँबराबरको चुक्तापूँजी भएको कम्पनीको रिटेन्ड अर्निङ १२.०६ प्रतिशतले बढेर १३ करोड ३८ लाख रुपैयाँ पुगेको छ । कम्पनीको रिजर्भको आकार पनि २८ करोड ५३ लाखबाट बढेर ३० करोड १९ लाख रुपेयाँ पुगेको छ ।

संस्थाको वितरणयोग्य मुनाफा २० करोड ४७ लाखबाट घटेर १३ करोड ४३ लाखमा भएको छ । अघिल्लो आवसम्म १७.८४ प्रतिशत रहेको कम्पनीको लाभांश क्षमता घटेर १४.४० प्रतिशत भएको छ ।

कम्पनिको खराब कर्जा अनुपात १.९१ प्रतिशतबाट बढेर ४.४४ प्रतिशत पुगेको छ ।

समीक्षा अवधिसम्म कम्पनीको प्रतिसेयर आम्दानी १०.०८ रुपैयाँ, प्रतिसेयर नेटवर्थ १३५.३२ रुपैयाँ, प्रतिसेयर कुल सम्पत्तिको मूल्य ६३२.०१ रुपैयाँ, मूल्य आम्दानी अनुपात ८०.८५ गुणा र तरलता अनुपात २३.४८ प्रतिशत रहेको छ ।