सिद्धार्थ प्रिमियर इन्स्योरेन्स कम्पनीले आर्थिक वर्ष २०७८–७९ को चौथो त्रैमाससम्म ३६ करोड ३५ लाख रुपैयाँ खुद नाफा आर्जन गरेको छ कम्पनीले . कमाएको यो मुनाफा अघिल्लो आर्थिक वर्षको तुलनामा भने ४६.६६ प्रतिशतले कम हो।

समीक्षा अवधिसम्म कम्पनीको लगानी, कर्जा तथा अन्यबाट हुने आय २६.९५ प्रतिशतले घटेसँगै नाफामा संकुचन आएको हो। यो अवधिसम्म कम्पनीले ८७ करोड ८३ लाख रुपैयाँ यस्तो आम्दानी गरेको छ।

कम्पनिले समिक्षा अबधिमा १ अर्ब १४ करोड ६ लाख रुपैयाँ मात्रै प्रिमियम कलेक्सन गरेको छ।

कम्पनीले बीमा कोषको आकार भने १४.२१ प्रतिशतले बढाएर २ अर्ब ५० करोड रुपैयाँ भएको छ।

जगेडा कोषको आकारसमेत २६.१२ प्रतिशतले बढेर कोषमा ८९ करोड ५६ लाख रुपैयाँ सञ्चिति रहेको छ।

बीमा कोष र जगेडा कोषको आकार वृद्धि हुँदा महाविपत्ति कोषको आकार भने ९.५४ प्रतिशतले घटेर १३ करोड ८० लाख रुपैयाँमा खुम्चिएको छ।

कम्पनीको प्रतिसेयर आम्दानी (ईपीएस) १८.८४ रुपैयाँ कायम भएको छ।

यसका साथै कम्पनीको मूल्य आम्दानी अनुपात (पीइ रेसियो) ४१.३१ गुणा, प्रतिसेयर नेटवर्थ २२५.९१ रुपैयाँ रहेको देखिन्छ ।

आज साउन ३० गते स्थानीयका लागि जारी मिड सोलु हाइड्रोपावरको आईपीओ भर्ने अन्तिम दिन रहेको छ।

विदेशमा रहेका नेपाली श्रमिकका लागि मिड सोलु हाइड्रोपावरको आईपीओमा गत साउन २८ गतेसम्म आवेदन दिन पाउने व्यवस्था गरिएको थियो। स्थानीयलाई भने आवेदन दिने म्याद थप गरी साउन ३० गतेसम्म दिन पाइने व्यवस्था गरिएको छ।

यो आईपीओमा स्थानीयले आज बैंकिङ समयसम्म आवेदन दिन पाउनेछन्। कम्पनीले १०० अंकित दरका ७ लाख ४८ हजार ४०० कित्ता सेयर स्थानीयका लागि जारी गरेको छ।

कम्पनीले स्थानीयका लागि छुट्याइएको कुल कित्तामध्ये ५ लाख ६१ हजार ३०० कित्ता सेयर आयोजना अतिप्रभावित क्षेत्र सोलुखुम्बुको सोलुदुधकुण्ड नगरपालिका वडा नं. ३, ४, ५, ६, ७ र ११ का बासिन्दालाई जारी गरेको छ। बाँकी १ लाख ८७ हजार १ सय कित्ता सेयर आयोजना प्रभावित सोलुखुम्बु जिल्लामा बसोबास गर्ने स्थानीयका लागि बिक्री खुला गरिएको छ।

स्थानीयले सोलुखुम्बुको सल्लेरीमा रहेको एनआईसी एसिया बैंक, सोलुदूधकुण्डमा रहेको लक्ष्मी सनराइज बैंक, लुक्लामा रहेको राष्ट्रिय वाणिज्य बैंक, सल्लेहरीमा रहेको राष्ट्रिय वाणिज्य बैंक र नाम्चेबजारमा रहेको राष्ट्रिय वाणिज्य बैंकबाट आवेदन दिन सक्नेछन्।

यो आईपीओको बिक्री प्रबन्धकमा एनआईसी एसिया क्यापिटल रहेको छ।