नेपाल राष्ट्र बैंकले ई-सेवामा १० मुख्य सेयरधनी छनौट गर्दै पब्लिक कम्पनी हुन अनुमति प्रदान गरेको छ ।
कम्पनिले दुई महिना नै पब्लिक कम्पनी हुन राष्ट्र बैंक भुक्तानी प्रणाली विभागमा दिएको निबेदन उपर कारबाही अगाडि बढाउदा उक्त निर्णय गरिएको हो ।
प्राप्त निवेदनमा उल्लेखित संस्थापकको ‘फिट एन्ड प्रपर टेस्ट’ तथा अन्य आबस्यक प्रक्रिया पूरा गरी पब्लिकमा जान अनुमती पाएको हो ।
पब्लिकमा जान ई-सेवाले पठाएका १० जना मध्ये पाँचजना एफ वानकै ठूला लगानीकर्ता हुन् भने पाँचजना एफवान स्थापना हुँदादेखिका कर्मचारी हुन्।
राष्ट्र बैंकले एफवान सफ्टबाट ई-सेवाको संस्थापक सेयरधनी बन्न अनुमति दिएका ठूला सेयरधनीमा विश्वास ढकाल, असगर अली, सम्भव सिरोहिया, सुवास शर्मा र सुभाष सापकोटा छन् भने बाँकी पाँच एफवानका पुराना कर्मचारी हुन्।
ई-सेवाको संस्थापक सेयर स्वामित्वमा विश्वास ढकालको ३५ प्रतिशत, असगर अली २५ प्रतिशत, सम्भव सिरोहिया २० प्रतिशत, सुभाष सापकोटो ५ प्रतिशत र सुवास शर्माको १० प्रतिशत तथा अन्य ६ कर्मचारीलाई भने बाँकी रहेको सेयरबाट दामासाहीमा सेयर स्वामित्वमा संस्थापक बन्ने गरी कागजातलाई सदर गर्दै पब्लिक कम्पनी हुन अनुमती दिएको हो ।
अब ई-सेवाले कम्पनी रजिस्ट्रारको कार्यालयमा आवश्यक प्रक्रिया पूरा गरिसकेपछी कम्पनी पब्लिक कम्पनिको नामले कार्य गर्न पाउनेछ । ईसेवाले आइपिओ ल्याउने गरी अघी बड्ने तयारी समेत गरेको छ ।
