नेपाल राष्ट्र बैंकले बिभिन्न आर्थिक विषयमा वाणिज्य बैंकका प्रमुख कार्यकारी अधिकृतसँग छलफल गर्ने भएको छ ।

राष्ट्र बैंकले छलफल कार्यक्रम बुधबार दिउँसो सवा ३ बजे होटल अलफ्टमा राखिएको छ ।

चालु आर्थिक वर्षको एकीकृत निर्देशन जारी गर्नु अघी वाणिज्य बैंकका प्रमुख कार्यकारी अधिकृतको धारणा बुझ्नका लागि यो छलफल कार्यक्रम राखिएको बुझिएको छ ।

नियमित प्रकृतिको यो छलफलमा पछिल्लो आर्थिक अवस्था, राष्ट्र बैंकले नियमले पारेको असर, कर्जा असुलीको अवस्था लगायतका विषयमा जानकारी लिन यो छलफल राखिएको बुझिएको छ ।

छलफलमा राष्ट्र बैंकका गभर्नर, डेपुटी गभर्नर , रेगुलेसन विभाग प्रमुख, सुपरभिजन विभाग प्रमुख लगायतका राष्ट्र बैंकका उच्च अधिकारी सहभागी हुन लागेका छन । ।

नेपाल स्टक एक्सचेन्जमा ५८ लाख बढी कित्ता सेयर थपिएको छ।

नेप्सेमा नेपाल पुनर्बीमा कम्पनीको कुल ५८ लाख १० हजार ४३७.५० कित्ता बोनस सेयर नेप्सेमा सूचीकृत भएको छ।

अघिल्लो आर्थिक वर्षमा नेपाल पुनर्बीमा कम्पनीले सेयरधनीहरुलाई वितरण गरेको ४.७५ प्रतिशत बोनस सेयर नेप्सेमा सूचीकृत भएको हो।

अपी पावर कम्पनीले करिब १२ लाख कित्ता सेयर आजबाट बिक्रीमा राखेको छ।

यो सेयरमा जोकोही व्यक्ति, कम्पनी र संघसंस्थाले खरिद आवेदन सकिने गरी कम्पनीले ११ लाख ९४ हजार ९३४ कित्ता सर्बसाधारण तर्फको अवितरित हकप्रद सेयर लिलामी प्रक्रियामार्फत बिक्रीमा राखेको हो।

यस सेयरको न्यूनतम मूल्य प्रतिकित्ता १०० रुपैयाँ राखिएको हुँदा लगानीकर्ताले बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ।

लगानीकर्ताले न्यूनतम १०० कित्ता र अधिकतम सेयर सबै कित्तामा आबेदन दिन सकिने कम्पनीले जनाएको छ।

बोलपत्र धितोपत्र बिक्री प्रबन्धक मुक्तिनाथ क्यापिटलको काठमाण्डौको नक्सालस्थित प्रधान कार्यालयमा तथा मुक्तिनाथ विकास बैंकका शाखाहरु मार्फत आबेदन पेस गर्न सकिनेछ।

आबेदन पेस गर्ने अन्तिम मिति असोज २४ गतेसम्म रहेको छ।

सांसद हरी ढकालले धितोपत्र बोर्ड नाम परिवर्तन गरेर अहिले ढिलोपत्र बोर्ड राख्नुपर्ने सुझाएका छन र सेयर बजारको नियामक निकाय धितोपत्र बोर्डले नेगेटिभ नेटवर्थ भएका कम्पनीलाई भकाभक आईपीओ बाँड्न दिएर आपुर्ती बढाएको भन्दै सम्सदमा आक्रोश ब्यक्त गरेका छन ।

मंगलबार प्रतिनिधि सभाको बैठकमा बोल्दै सांसद ढकालले नियामक निकाय सेयर लगानीकर्ताको सम्पत्ति तहसनहस पार्न लागेको दावी गर्दै यसको मुख्य कारण गलत नियुक्ती भनेका छन ।

उनले भनेका छन , ‘धितोपत्र बोर्डलाई मैले ढिलोपत्र बोर्ड भन्ने गरेको छु । लगानीकर्ताका लागि काम गर्न बनेको धितोपत्र बोर्डले केही पनि काम गर्दैन,’ उनले भने, ‘भरथेग सप्लाई छोड्नका लागि, नेगेटिभ नेटवर्थ भएका कम्पनीहरुलाई भकाभक आईपीओ बाँडनका लागि धितोपत्र बोर्ड छिटोपत्र बोर्ड भएको छ । त्यसमा केही न केही भएर नै ढिलोपत्र बोर्ड छिटोपत्र बोर्ड भएको हो ।’

ढकालले नियामक निकायल अनियन्त्रित भएर गलत काम गर्न उद्धत रहेकोतर्फ सन्केत गर्दै यसलाई राज्यको नियन्त्रणमा राख्न सरकारलाई आग्रह गरेका छन । धितोपत्र बोर्डमा सरकारले गरेको गलत नियुक्ती गलत भएको बताएका छन । उनको सङ्केत धितोपत्र बोर्ड प्रमुख रमेश कुमार हमालप्रती थियो । हमालले नेगटिभ नेटवर्थ भएका कम्पनिलाई आइपिओ निस्कासन गर्न दिएको र कमजोर कम्पनिलाई प्रिमियममा आइपिओ जारी गर्न दिएको भन्दै आक्रोश पोखेका छन ।

अर्थमन्त्री मैले भनेको गभर्नरले मानेनन् भनेर अर्थमत्री समस्याबाट भाग्न खोजेको आरोप लगाएका छन । यस्तो जवाफ सुनेपछी अहिले अर्थमन्त्रालय ठूलो हो की राष्ट्र बैंक ठूलो हो भन्ने प्रश्न रहेको उनले बताए ।

उनले अगाडि भने ‘राज्यलाई एकै महिनामा ३ अर्ब २५ करोडसम्म कर बुझाएको पुँजीबजार ध्वस्त हुँदा अर्थमन्त्री, नियामक नियकालाई कुनै चासो छैन, यसमा सरकारको गम्भिर ध्यानाकर्षण हुन आवश्यक छ ।’

सेयर बजारमा १२ करोडको सीमा राष्ट्र बैंकका गभर्नर महाप्रसाद अधिकारीले लगाएको र त्यो हटाउनु भन्न सबै लागि परेको ढकालले बताए । १२ करोडको सीमा लागू भएको २ वर्षपछि बल्ल नेकपा एमाले पनि यसको बिरोधमा देखिएको उनको तर्क छ ।

चालु आर्थिक वर्षमा नेपालको आर्थिक वृद्धिदर ३.९ प्रतिशत रहने विश्व बैंकले प्रक्षेपण गरेको छ।

सरकारले भने ६ प्रतिशत आर्थिक वृद्धिदर गर्ने लक्ष लिएको छ । गत आर्थिक वर्षमा नेपालको आर्थिक वृद्धिदर १.९ प्रतिशत थियो।

विश्व बैंकको नेपालको आर्थिक वृद्धिको लागि सहज बातावरण बन्दै गईरहेको जनाएको छ। मौद्रिक नीति खुकुलो बन्दै जानु, पर्यटन क्षेत्रमा सुधार आउनु, आयातमा लागेको प्रतिबन्ध हट्नुले नेपालको आर्थिक वृद्धिदर सन्तोषजनक हुने विश्व बैंकको बिस्लेषण रहेको छ।

विश्व बैंकले प्रतिबेदन सार्वजनिक गर्दै आगामी आर्थिक वर्ष २०८१–८२ मा नेपालको आर्थिक वृद्धिदर ५ प्रतिशत पुग्ने अनुमान गरेको छ।

आर्थिक बर्ष ०८०-८१ मा मूल्यवृद्धि भने ७.५ प्रतिशत पुग्ने विश्व बैंकले अनुमान गरेको छ। राष्ट्र बैंकले यो बर्ष ६.५ प्रतिशतमा मूल्यवृद्धि कायम राख्ने लक्ष्य राखेको छ।

दक्षिण एसियाको आर्थिक वृद्धिदर भने ५.८ प्रतिशत हुने प्रक्षेपण विश्व बैंकले गरेको छ।

काठमाण्डौ । सानिमा माई हाइड्रोपावर लिमिटेडले आर्थिक वर्ष २०७९–८०का लागि लाभांश प्रस्ताव गरेको छ।

कम्पनी सञ्चालक समितिको सोमबार बसेको बैठकले आर्थिक वर्ष २०७९–८०का लागि आफ्नो मुनाफामध्येबाट कुल १०.५२६३ प्रतिशतले लाभांश वितरण गर्ने प्रस्ताव गरेको हो। यसमध्ये १० प्रतिशतले हुन आउने ३० करोड ८९ लाख २५ हजार १०० रुपैयाँबराबरको बोनस सेयर र कर तिर्ने प्रायोजनका लागि ०.५२.६३ प्रतिशतले हुने १ करोड ६२ लाख ५९ हजार २१५.७९ रुपैयाँबराबरको नगद लाभांश छन्।

कम्पनीले १२औँ वार्षिक साधारणसभा आउँदो कात्तिक २३ गते आयोजना गर्ने निर्णय गरेको छ।

सभाले जुमखोला जलविद्युत आयोजना (५६मेवा)को प्रवर्द्धक कम्पनी सानिमा जुम हाइड्रोपावरको सेयरमा अधिकतम १ अर्ब ५० करोड रुपैयाँसम्म लगानी गर्ने, लगानीका लागि प्रवर्द्धक कम्पनी र सम्बन्धित पक्षहरुबीच सम्झौता गर्ने लगायतका प्रस्ताव साधारण सभामा पेस गरिनेछ । यि प्रस्ताब सभाले पारित गर्नेछ
लाभांश र वार्षिक साधारणसभा प्रयोजनार्थ कम्पनीले यही असोज २४ गते बुक क्लोज गर्ने निर्णय गरेकोले असोज २३ गतेसम्म कायम सेयरधनीहरुमात्रै लाभांश पाउनेछन र सभामा भाग पाउनेछन ।