इजरायल–हमास द्वन्दको असर विश्व बजारमा देखिन थालेको छ।

प्यालेस्टाइनी कट्टरपन्थी समूह हमासले इजरायलमाथि आक्रमणको बिशेष असर तेल बजारमा देखिएको छ। युद्द सुरु भएको २ दिनको अवधिमा अन्तर्राष्ट्रिय बजारमा कच्चा तेलको भाउ ८ प्रतिशतले बढिसकेको छ।

कच्चा तेलको भाउ सोमबारमात्रै ४ प्रतिशतले बढेको छ। योसँगै ब्रेन्ट क्रुड प्रतिब्यायरल ८७.५ डलरमा कारोबार भएको छ।

कच्चा तेलको भाउमा आएको उछालका कारण महँगी बढ्ने सम्भावना छ । पश्चिम एसियामा तनावका कारण तेलको मूल्य केही समय उच्च रहन सक्ने विज्ञहरुले बताएका छन्।

यसैबीच अस्थिरताको महौलमा लगानीका लागि सुरक्षित मानिने सुनको माग पनि ह्वात्तै बढेको छ। जसका कारण एकैदिन अन्तर्राष्ट्रिय बजारमा सुनको भाउ १ प्रतिशतले बढेको छ।

गत साता ओपेकले उत्पादन कटौती स्थिर राख्ने प्रस्ताव गरेपछि कच्चा तेलको मूल्य वर्षको उच्च भन्दा झन्डै ९ प्रतिशतले घटेको थियो।

भारतको केडिया कमोडिटीका प्रमुख अजय केडिया यो सैन्य द्वन्द्वका कारण कच्चा तेलको आपूर्तिमा अवरोध आउने डरले अहिले मूल्यमा उछाल आउन थालेको बताउँछन्। ‘इजरायल र हमासबीच चलिरहेको युद्धले तेल आपूर्तिमा तत्काल खतरा पर्दैन तर द्वन्द्व थप विनाशकारी युद्धमा परिणत हुने खतरा छ’, उनले भने, ‘र यदि अमेरिका र इरान यसमा अल्झिए भने कच्चा तेलको मूल्य द्रुत रुपमा बढ्न सक्छ।’

कच्चा तेलको मूल्य बढेमा बजारमा अन्य उपभोग्य सामग्रीको मूल्य पनि बढ्न थाल्ने केडिया बताउँछन्। ‘किनकि उत्पादन र ढुवानी लागत बढाउनेछ’, उनले भने। –एजेन्सीको सहयोगमा

सानिमा इक्विटी फन्डको नगद प्रतिफल इकाइधनीहरुको बैंक खातामा पठाउन सुरु गरेको छ।

योजना व्यवस्थापक सानिमा क्यापिटलले आज एक सूचना प्रकाशित गरी सानिमा इक्विटी फन्डको आर्थिक वर्ष २०७९–८०को नगद प्रतिफल सोमबार (असोज २२ गते)बाट इकाइधनीहरुको बैंक खातामा पठाउन सुरु गरेको जनाएको हो ।

गत असोज १३ गतेसम्म कायम इकाइधनीहरुको डिम्याट खातामा उल्लेखित बैंक खातामा नगद लाभांश पठाउन सुरु गरेको हो ।

नियमानुसार लाग्ने कर कट्टा गरी आईपीएसमार्फत नगद लाभांश जम्मा गरिएको क्यापिटलले जनाएको छ।

नगद प्रतिफल जम्मा भए नभएको यकिन गर्न र डिम्याट खातामा बैंक खाता अद्यावधिक गर्न पनि क्यापिटलले आग्रह गरेको छ।

राष्ट्रिय स्वतन्त्र पार्टीका सांसद एवं अर्थविद् डा. स्वर्णिम वाग्लेले बजेटमा तोकिएको समयसीमा भित्र सरकारले कामै गर्न सकेन भन्दै सरकारको चर्को आलोचना गरेका छन् ।

प्रतिनिधि सभा बैठकमा विशेष समय लिएर बोल्दै उनले नेपाल राष्ट्र बैंकले भने मुलुकको अर्थतन्त्रमा राहत दिने खालका नीतिहरु ल्याएको भन्दै स्वागत गरे । उनले मुलुकको आर्थिक दूरावस्थाका लागि नेपाल राष्ट्र बैंकलाई मात्रै जिम्मेवार ठहर्‍याउने कार्य गलत रहेको बताएका छन ।

‘सरकार आफैंले गर्नुपर्ने आर्थिक वृद्धिको काम भने केही पनि भएको छैन । कसिलो आयात र मौद्रिक नीतिले गर्दाखेरी शोधानान्तर स्थिति अलिक सुध्रिएको देखिएयता पनि सरकार आफैँले गर्छु भनेका काम चाहीँ कत्ति पनि नभएकोतर्फ म ध्यानाकर्षण गराउन चाहन्छु,’ उनले भने, ‘ यो बजेट म ४ महिनापछि फेरि पल्टाएर हेर्दैछु । धेरै कुराहरु असारसम्म गर्ने भनिएको थियो । केही कुराहरु साउनसम्म गर्छु भनिएको थियो । विभिन्न म्यादहरु कुनै पनि पूरा भएका छैनन् ।’

उनले अगाडि भने, ‘हामीले अर्थमन्त्रीलाई शंकाको लाभ दिएकै हो । तर त्यो स्पिरिट अनुसार काम भएको छैन’ उनले भने ।

उनले सरकारले केही काम नगरेपनी राष्ट्र बैंकले लिएका खुकुला नीतिले अर्थतन्त्रमा केही राहत मिलेको जनाएका छन ।

‘यस्तो सरकारी नैराश्यताका बीच पनि राष्ट्र बैंकले केही कसिला नीतिहरुलाई खुकुलो गरेको छ । त्यसको म स्वागत गर्न चाहन्छु’ उनले भने, ‘अर्थतन्त्रमा यसले केही राहत मिलेको छ । तर आर्थिक दूरावस्थाका लागि खालि केन्द्रीय बैंकलाई मात्रै जिम्मेवार ठहर्‍याउने परिपाटीबाट हामीले छुटकारा पाउनै पर्छ ।’

अख्तियार दुरूपयोग अनुसन्धान आयोगले मधेश प्रदेशका तत्कालीन मन्त्री विजय कुमारसहित सात जनाविरूद्ध भ्रष्टाचार मुद्दा दायर गरेको छ।

सर्लाही लालबन्दी नगरपालिकामा झलनाथ खनाल स्वास्थ्य विज्ञान प्रतिष्ठान, नेपालको सहकार्यमा ‘एन्टिभेनम प्रडक्सन एण्ड रिसर्च सेन्टर नेपाल स्थापना, व्यवस्थापन र सञ्चालन गर्ने कार्यमा अनियमितता गरेको भन्ने उजुरी निवेदनमा अनुसन्धान गर्दा भ्रष्टाचार भएको देखिएको भन्दै मुद्धा दर्ता गरेको हो ।

आफूसँग हुँदै नभएको अधिकार प्रयोग गरेर पैसा उपलब्ध गराएर भ्रस्टचार गरेको अख्तियारले ठहर गरेको छ ।

सर्पदंश विरूद्धको खोप उत्पादन तथा रिसर्च सेन्टर स्थापना गर्ने कार्यका लागि छुट्याइएको १७ करोड ९८ लाख ३३ हजार रूपैयाँ उक्त प्रतिष्ठानलाई दिएर हिनामिना गरेको भन्दै आइतबार अख्तियारले विशेष अदालतमा मुद्दा दायर गरेको हो।

मधेश प्रदेशका आर्थिक मामिला तथा योजना मन्त्रालयका तत्कालीन मन्त्री विजय कुमार, सर्लाही, लालबन्दी नगरपालिकाका तत्कालीन नगर प्रमुख मान बहादुर खड्का, आर्थिक मामिला तथा योजना मन्त्रालयका तत्कालीन सचिव प्रेम कुमार श्रेष्ठ, तत्कालीन झलनाथ खनाल स्वास्थ्य विज्ञान प्रतिष्ठान, नेपाल हाल राष्ट्रिय स्वास्थ्य विज्ञान तथा अनुसन्धान परिषद्‍का सञ्चालक समितिका पदाधिकारीहरू अध्यक्ष रेवती प्रसाद पन्त, महासचिव नवराज भण्डारी, कोषाध्यक्ष निरज भण्डारी र सदस्य देवेन्द्र रायविरूद्ध मुद्दा दायर भएको हो।