नेपाल धितोपत्र बोर्डको संचालक समितिको बुधबार सम्पन्न बैठकले ब्रोकर कमिसन १० प्रतिशत घटाउने गरी निर्णय गरेको हो ।
अब यो निर्णयलाई अर्थ मन्त्रालयमा स्वीकृतिका लागि पठाइनेछ । अर्थ मन्त्रालयले स्विक्रिती दिएपछी मात्र कार्यान्वयनमा आउने छ ।
हालको कमिसनको माथिल्लो सिमा ०.४० प्रतिशत रहेको छ भने तल्लो सिमा ०.२७ प्रतिशत रहेको छ। अर्थमन्त्रालयले बोर्डको निर्णय स्वीकृति भए माथिल्लो सिमा घटेर ०.३६ प्रतिशत रहने र तल्लो सिमा घटेर ०.२४३ प्रतिशत हुनेछ ।
कुमारी बैंकको १० हजार कित्ता सेयर बिक्रीमा राखिएको छ।
बैंकले संस्थापक सेयरधनी दिपक शर्माको नाममा रहेको १० हजार कित्ता संस्थापक सेयर बिक्रीमा राखेको हो। यो सेयरमा जोकोही सर्वसाधारण र संस्थाले खरिद आवेदन पेस गर्न सक्नेछन्।
यसअघि संस्थापक सेयरधनीका लागि भनेर आबेदन माग गर्दा तोकिएको समयमा संस्थापक सेयरधनीबाट खरिद आवेदन नपरेको हुनाले हाल सर्वसाधारणका बिक्री खुला गरिएको छ।
सर्बसाधारणले यो सेयर खरिद गर्नका लागि ३५ दिनभित्र कुमारी बैंकको कर्पोरेट कार्यालय र कुमारी क्यापिटलको कार्यालयमा आबेदन दिनु पर्नेछ ।
राष्ट्रिय वाणिज्य बैंकले कात्तिक मसान्तसम्म ब्याज भुक्तानी गर्ने ऋणीलाई ५ प्रतिशत छुट दिने निर्णय गरेको छ ।
बैंकले एक सूचना जारी गरी कात्तिक मसान्तसम्म सबै प्रकारको ब्याज भुक्तानीमा ५ प्रतिशत छुट दिने घोषणा गरेको हो ।
बैंकले दसैंतिहार र छठ पर्वलाई लक्षित गरी ब्याज रकममा छुट सुविधा उपलब्ध गराएको जानकारी दिएको हो ।
अधिकांश वाणिज्य बैंकले ब्याजदर घटाएको ब्याजदर कात्तिक १ (आज) देखि लागू हुने छ । कार्तिक महिनाका लागि भनेर प्रकासित ब्याजदर अधिकांश वाणिज्य बैंकले ब्याजदर घटाएका हुन् । बजारमा पर्याप्त तरलता भएपछी बैंकहरुले ब्याजदर घटाएका थिए ।
कार्त्तिक महिनाका लागि १४ बैंकले व्यक्तिगत मुद्दती निक्षेपको ब्याजदर घटाउदा दुई वटा बैंकले बढाएका छन् । चारवटा बैंकले भने ब्याजदर स्थिर राखेका छन ।
सबैभन्दा बढी ब्याजदर एभरेष्ट बैंकले घटाएको छ । बैंकले असोजमा भन्दा कात्तिकमा १.८३ प्रतिशत विन्दुले ब्याज घटाएको हो । त्यस्तै प्राइम कमर्सियल बैंकले १.११ प्रतिशत विन्दुले, नेपाल इन्भेष्टमेन्ट मेगा बैंकले १.०२ प्रतिशतले र नविल बैंकले असोजमा भन्दा १.०३ प्रतिशत विन्दुले ब्याज घटाएका छन् ।
अन्तरबैंक ब्याजदर अहिले २ प्रतिशतभन्दा तल छ ।
हाल सन्चालनमा रहेका बिभिन्न वाणिज्य बैंकहरुले चालु आर्थिक वर्षको दुई महिनामा १६ अर्ब ६४ करोड ८६ लाख रुपैयाँ नाफा कमाएका छन ।
यस अबधिमा २० वटा बैंकले १६ अर्ब ६४ करोड ८६ लाख रुपैयाँ नाफा कमाउदा सबै भन्दा धेरै नाफा कमाउने बैंक ग्लोबल आइएमई रहेको छ ।
राष्ट्र बैंकका अनुसार ५ वटा बैंकले अर्ब बढी नाफा कमाएका छन् । बाँकी १५ बैंकको नाफा अर्बभन्दा कम देखिएको छ ।
दोश्रो धेरै नाफा कमाउनेमा नबिल बैंक र तेस्रोमा नेपाल इन्भेष्टमेन्ट मेगा बैंक रहेका छन् ।
भदौसम्म ग्लोबल आइएमई बैंकले १ अर्ब ७५ करोड ५८ लाख रुपैयाँ नाफा कमाउदा नबिल बैंकले १ अर्ब ५६ करोड ४५ लाख रुपैयाँ नाफा कमाएको छ ।
यस्तै नेपाल इन्भेष्टमेन्ट मेगा बैंकले दुई महिनामा १ अर्ब ४८ करोड ६५ लाख रुपैयाँ कमाउदा हिमालयन बैंकले १ अर्ब २३ करोड २४ लाख, कुमारी बैंकले १ अर्ब १४ करोड ५३ लाख रुपैयाँ नाफा आर्जन गरेको देखिन्छ ।
यस अबधिमा सबैभन्दा कम नाफा कमाउनेमा नेपाल एसबीआई बैंक रहेको छ । यस बैंकले सो अबधिमा जम्मा २७ करोड २९ लाख रुपैयाँ नाफा आर्जन गरेको देखिन्छ ।
राष्ट्रिय वाणिज्य बैंकले दुई महिनामा ८७ करोड, प्राइम बैंकले ८३ करोड ६५ लाख, लक्ष्मी सनराइज बैंकले ८१ करोड ४० लाख, एनआईसी एसिया बैंकले ८० करोड, एनएमबि बैंकले ७६ करोड ७० लाख, एभरेष्ट बैंकले ७१ करोड २५ लाख, नेपाल बैंकले ७० करोड ७१ लाख रुपैयाँ नाफा कमाएका छन ।
यस्तै प्रभु बैंकले चालु आवको दुई महिनामा ६६ करोड ४१ लाख, कृषि विकास बैंकले ६१ करोड ५६ लाख, सिद्धार्थ बैंकले ५८ करोड ६५ लाख, सानिमा बैंकले ५१ करोड २० लाख, स्टयान्डर्ड चार्टर्ड बैंकले ४८ करोड ४५ लाख, सिटिजन्स बैंकले ४४ करोड ३१ लाख, माछापुच्छ्रे बैंकले ३७ करोड ६३ रुपैयाँ नाफा आर्जन गरेको देखिन्छ ।
नेपाल इलेक्ट्रोनिक पेमेन्ट सिस्टम्स् लिमिटेड (नेप्स)ले प्रिमियममा आइपिओ निस्कासन गर्ने मुख्य उदेस्यसहित आफ्नो १० औँ वार्षिक साधारणसभा बोलाएको छ।
कम्पनी सञ्चालक समितिको बैठकले वार्षिक साधारणसभा आगामी कात्तिक २३ गते काठमाण्डौको हात्तीसारस्थित आरण्य बुटिक होटेलमा अपराह्न ४ बजेबाट सुरु हुने भनेर निर्णय गरेको छ ।
कम्पनिको साधारण सभाले प्रिमियममा आईपीओ ल्याउने प्रस्ताब पारित गर्नेछ। यसका लागि आवश्यक अन्य प्रक्रिया अगाडि बढाउन सञ्चालक समितिलाई अख्तियारी प्रदान गर्ने विशेष प्रस्ताव सभाले अनुमोदन गर्नेछ।
कम्पनिको साधारण सभाले आर्थिक वर्ष २०७९–८०का लागि प्रस्तावित २० प्रतिशत बोनस सेयर र १.०५३ प्रतिशत नगद लाभांश सहीत कुल २१.०५३ प्रतिशतले लाभांश अनुमोदन गर्नेछ।
सभाले नेप्स र अन्य उपयुक्त संस्था आपसमा गाभ्न, गाभिन वा प्राप्ति गर्न उपयुक्त देखिएमा आवश्यक सम्पूर्ण प्रक्रिया अगाडि बढाउन सञ्चालक समितिलाई अख्तियारी प्रदान गर्ने प्रस्ताव स्वीकृति गर्नेछ।
सभाले गत आर्थिक वर्षको वार्षिक र लेखापरीक्षकको प्रतिवेदन अनुमोदन गर्नेछ।
सर्वोत्तम सिमेन्टले बुक बिल्डिङ विधिबाट सेयर निष्कासन गर्न धितोपत्र बोर्डबाट अनुमति पाएको छ । बोर्डले सोमबार कम्पनीलाई प्रतिकित्ता ४०१ रुपैयाँका दरले बुक बिल्डिङ विधिबाट सेयर निष्कासन गर्न अनुमति दिएको हो ।
अब कम्पनीले पहिलो चरणमा योग्य संस्थागत लगानीकर्तालाई ४० प्रतिशत सेयर निष्कासन गर्ने छन् । कम्पनीले योग्य संस्थागत लगानीकर्तालाई प्रतिकित्ता ५०१ रुपैयाँदेखि ७५१ रुपैयाँसम्म निष्कासन गर्न प्रस्ताव गरेको थियो ।
कम्पनीको आधार मूल्य ५०१ रुपैयाँ तय गरी बिक्री मूल्यमा माथिल्लो सीमा आधार मूल्यबाट २० प्रतिशतसम्म माथि जानसक्ने गरी ६०१ रुपैयाँ र तल्लो सीमा आधार मूल्यबाट २० प्रतिशतसम्म कम हुनेगरी ४०१ रुपैयाँभित्र योग्य संस्थागत लगानीकर्तालाई बुक बिल्डिङ बिधिबाट आईपीओ निष्काशन गर्न बोर्डले स्वीकृति दिएको हो ।
कम्पनीले योग्य संस्थागत लगानीकर्ताबाट लिएको आशयकमूल्यका आधारमा आधार मूल्यमा २० प्रतिशत थप गरी हुने माथिल्लो सीमा ७५१ रुपैयाँ ५० पैसा र तल्लो सीमा ५०१ रुपैयाँ हुनेगरी बोर्डमा आवेदन दिएको थियो । तर, उक्त मूल्य भन्दा कममा बोर्डले स्वीकृति दिएको हो ।
सर्वोत्तम सिमेन्ट बुक बिल्डिङ विधिबाट आईपीओ निष्काशन गर्ने पहिलो कम्पनी भएको छ । अब कम्पनीले योग्य संस्थागत लगानीकर्ताबाट आईपीओको लागि आन्ह्वान गर्नेछ । a
सर्वोत्तम सिमेन्टको बुक बिलिडङ विधिमा आईपीओ निष्काशन र सोही कम्पनीको सेयर खरिद प्रकरणले नेपाल धितोपत्र बोर्डका तत्कालिन अध्यक्ष भिष्मराज ढुंगाना बर्खास्त भएका थिए ।
आज सेयर बजार १३.१८ अङ्कले बढेको छ । आज ०.७१ प्रतिसतले बढ्दै सेयर बजार १८४.६२ को बिन्दुमा बन्द भएको छ ।
आज नेप्सेमा सुचिक्रित कम्पनिमध्ये १७३ कम्पनिको मुल्य बढेको छ भने ५७ कम्पनिको मुल्य घटेको छ ।
सेयर बजारमा आज १ अर्ब भन्दा माथिको कारोबार भएको छ ।
सेयर बजारमा आज सर्बाधिक कमाउने कम्पनीहरुमा श्वेत गंगा हाइड्रोपावर, सिद्धार्थ ईक्विटी फण्ड, लघुबित्त लगायतका कम्पनीहरु रहेका छन ।
त्यस्तै आज सर्बाधिक गुमाउने कम्पनिहरुमा हाथवे इन्भेस्ट्मेन्ट, सुपर माइ हाइड्रो, हिमालयन लघुबित्त, सानीमा ग्रोथ फण्ड लगायतका कम्पनीहरु रहेका छन ।
त्यसै गरी आज सर्बाधिक कारोबार हुने कम्पनिहरुमा हाथवे इन्भेस्ट्मेन्ट , सानीमा जिआइसी इन्सुरेन्स, एनआइसी एसिया बैंक, नबिल बैंक, रिलायबल नेपाल लाइफ इन्सुरेन्स लगायतका कम्पनिहरु रहेका छन ।
शिवम होल्डिङग्स लिमिटेडले प्रिमियम मुल्यमा जारी गर्ने मुख्य प्रस्ताब सहित आगामी कात्तिक २२ गते वार्षिक साधारण सभा बोलाएको छ ।
यस कम्पनिको सञ्चालक समितिको बैठकले कम्पनीको कार्यालय अनामनगर, काठमाण्डौमा बिहान ११ बजे सभा गर्ने निर्णय गरेको हो ।
साधारण सभाले कम्पनीको जारी पूँजी ५ अर्ब ८० करोड रुपैयाँको २० प्रतिशतले हुन आउने १ करोड १६ लाख किता आईपीओ प्रिमियम मूल्यमा निष्कासन गर्नका लागि सम्पूर्ण अख्तियारी सञ्चालक समितिलाई दिने प्रस्ताव पारित गर्ने तयारी रहेको छ ।
त्यस्तै उक्त साधारण सभाले आर्थिक वर्ष २०७९/८० को मुनाफा समेतबाट हाल कायम सेयरधनीहरुलाई चार प्रतिशतका दरले १७ करोड ४४ लाख नगद लाभांश दिने प्रस्ताव पारीत गर्ने तयारी गरेको छ ।
त्यस्तै सभाले कम्पनीको सञ्चालकमा सात जना रहेकोमा घटाएर पाँच जना कायम गर्ने तयारी गरेको छ ।
दिव्यश्वरी हाइड्रोपावर लिमिटेडको सञ्चालक समितिको हिजो सोमबार बसेको बैठकले चुक्तापुँजीको १ः२ अनुपातमा अर्थात २०० प्रतिशत हकप्रद जारी गर्ने निर्णय गरेको छ ।
यस अघीको १०० प्रतिसत हकप्रद सेयर जारी गर्ने निर्णय उल्ट्याउदै कम्पनिले यस्तो निर्णय गरेको हो ।
यसअघि गत असार १० गते बसेको सञ्चालक समितिको बैठकले चुक्तापुँजीको १ः१ अनुपातमा अर्थात १०० प्रतिशत हकप्रद ल्याउने निर्णय गरेको हो।
प्रस्तावित हकप्रद विद्युत नियमन आयोगबाट सहमति लिई स्वीकृतिका लागि आगामी वार्षिक साधारणसभामा पेस गरिने कम्पनीले जनाएको छ।
हकप्रद निष्कासनबाट प्राप्त हुने पुँजीमध्ये पाँच खपन हाइड्रोपावरमा ५१ प्रतिशत लगानी गर्ने निर्णय पनि कम्पनीले गरेको छ। बाँकी रकम बैंकबाट लिएको दीर्घकालीन कर्जाको भुक्तानी गर्ने निर्णय कम्पनीले गरेको छ।
यस कम्पनिको बुक भ्यालु अर्थात किताबी मुल्य १.११ रहेको छ ।
