उन्नति सहकार्य लघुवित्त वित्तीय संस्थाले थप सार्वजनिक निष्कासन (एफपीओ) निष्कासन गर्ने निर्णय गरेको छ ।

कम्पनीले प्रतिकित्ता सय रुपैयाँका दरले १ करोड ७८ लाख ४५ हजार ४५१ रुपैयाँको १ लाख ७८ हजार ४५१ कित्ता एफपीओ निष्कासन गर्ने भएको हो ।

बैंक तथा वित्तीय संस्था सम्बन्धी ऐन २०७३ को दफा ९ बमोजिम सर्वसाधारणको पुँजी संरचना ३० प्रतिशत बनाउन कम्पनिले एफपिओ जारी गर्न लागेको हो ।

हाल यो लघुवित्तको पुँजी संरचना संस्थापक समूहको ७५.४५ प्रतिशत र सर्वसाधारणको २४.५५ प्रतिशत रहेको छ ।

कात्तिक २१ गतेदेखि निष्कासन हुने एफपीओमा २४ गतेसम्म आवेदन दिन सकिनेछ ।

एफपीओमा न्यूनतम १० देखि अधिकतम १ हजार कित्तासम्म आवेदन दिन सकिनेछ ।

यसको बिक्री प्रबन्धकमा सिद्धार्थ क्यापिटल रहेको छ ।

सोनापुर मिनरल्स एण्ड आयल लिमिटेड (SONA) को शेयर कारोबारमा आएको पहिलो दिन नै नकारात्मक सर्किट लागेको छ। कम्पनिले प्रतिशेयर १०० रुपैयाँ अंकित मूल्यमा १३७ रुपैयाँ ५८ पैसा प्रिमियम थप गरी प्रतिकित्ता २३७ रुपैयाँ ५८ पैसामा शेयर निष्काशन गरेको थियो ।

यस कम्पनि आज (कात्तिक १२ गते) देखि कारोबारमा आएको हो। कम्पनी दसैं अघी नै सुचिक्रित भएपनी बिचमा बिदा परेकोले आजबाट करोबारमा आएको हो । पहिलो कारोबारका लागि १४२ रुपैयाँ १ पैसादेखि ४२६ रुपैयाँ ३ पैसासम्मको ओपनिङ्ग रेञ्ज पाएको यस कम्पनीको शेयर यस दिनको स्पेशल प्रि ओपन सेसनमा ३५० रुपैयाँमा कारोबार खुलेको थियो। नियमित बजार सुरु भएपछी हाल यो सेयर ३१५ मा कारोबार भईरहेको छ ।

हाल कम्पनीको शेयरमा बिक्रीकर्ताको हाबी छन भने खरिदकर्ता शून्य छ।

सुनको मूल्यले नयाँ रेकर्ड बनाएको छ ।

दसैंपछिको कारोबारमा नयाँ रेकर्ड बनाएको हो । नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला १ लाख १६ हजार रूपैयाँ कायम भएको छ ।

दसैंअघि छापावाल सुनको मूल्य प्रतितोला १ लाख १५ हजार ५०० रुपैयाँ थियो ।

चाँदीको मूल्य भने स्थिर छ । दसैंअघि चाँदीको मूल्य प्रतितोला १ हजार ४ सय रूपैयाँ रहेकोमा हाल पनि सोही मुल्य रहेको छ ।