रिडी पावर कम्पनी लिमिटेड चालु आवको दोस्रो त्रैमाससम्म अपरिस्क्रित विवरण सार्वजनिक गरेको छ । कम्पनी समिक्षा अबधी सम्म ९ करोड ३२ लाख रुपैयाँ घाटामा रहेको छ । अघिल्लो आवको सोहि अवधिसम्म भने कम्पनीले १ करोड ९६ लाख रुपैयाँ खुद नाफा आर्जन गरेको थियो ।

कम्पनीले उत्पादित विद्युत बिक्री गरी कुल ९ करोड ८२ लाख रुपैयाँ आर्जन गरेको छ । जुन अघिल्लो आवको सोहि अवधिको तुलनामा ४८.०९ प्रतिशतले कम हो ।

कम्पनीको कुल सञ्चालन खर्च २ करोड ९१ लाख रुपैयाँबाट बढेर ५ करोड ३ लाख रुपैयाँ पुगेको छ । कम्पनीको क्यापिटल रिजर्भको आकार ६ करोड ६९ लाख र रिजर्भ फण्डको आकार १२ करोड ५० लाख रुपैयाँले ऋणात्मक अवस्थामा छ ।

समीक्षा अवधिसम्म कम्पनीको प्रतिसेयर आम्दानी ११.९६ रुपैयाँले ऋणात्मक,प्रतिसेयर नेटवर्थ ९६.२५ रुपैयाँ,प्रतिसेयर कुल सम्पत्तिको मूल्य २२२.७५ रुपैयाँ र मूल्य आम्दानी अन्ुपात २०.९८ गुणा ऋणात्मक अवस्थामा छन् ।

अरुण भ्याली हाईड्रोपावर डेभलपमेन्ट कम्पनी लिमिटेडको नाफामा ५०.८८ प्रतिशतले कमी आएको छ ।

कम्पनीले चालु आवको दोस्रो त्रैमाससम्म २ करोड ३२ लाख रुपैयाँ खुद नाफा कमाएको छ । गत आवको दोस्रो त्रैमाससम्म कम्पनीको खुद नाफा ४ करोड ७३ लाख रुपैयाँ थियो ।

कम्पनीको विद्युत बिक्री आम्दानीमा ८२.४४ प्रतिशतले कमी आएको छ । कम्पनीले समीक्षा अवधिसम्म विद्युत बिक्रीबाट ३ करोड २० लाख रुपैयाँ आर्जन गरेको छ । गत वर्षको सोहि अवधिसम्म भने कम्पनीले विद्युत बिक्रीबाट १८ करोड २३ लाख कमाएको थियो । कम्पनीको अन्य आम्दानी भने २ करोड ४० लाखबाट बढेर १५ करेड २९ लाख रुपैयाँ पुगेको छ ।

कम्पनीको कुल खर्च ०.२३ प्रतिशतले बढ्दै १२ करोड २४ लाख रुपैयाँ पुगेको छ ।

कम्पनीको कुल चालु सम्पत्ति १ अर्ब ३ करोड र कुल चालु दायित्व ३९ करोड ४३ लाख रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी(वार्षिक)२.४९ रुपैयाँ, प्रतिसेयर कुल सम्पत्तिको मूल्य १९६.३५ रुपैयाँ, प्रतिसेयर नेटवर्थ १०४.४३ रुपैयाँ र मूल्य आम्दानी अनुपात ११०.३७ गुणा रहेको छ ।

सोनापुर मिनरल्स एण्ड आयल लिमिटेडले चालु आवको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ ।
जसअनुसार कम्पनी १४ करोड ७८ लाख रुपैयाँ घाटामा रहेको छ । अघिल्लो आवको सोहि अवधिसम्म भने कम्पनी २ करोड ६२ लाख रुपैयाँ नाफामा रहेको थियो ।

कम्पनीको खुद आम्दानी ९ करोड ५१ लाख रुपैयाँ रहेको छ । जुन अघिल्लो आवको सोहि अवधिको तुलनामा ७७.०७ प्रतिशतले कम हो । अघिल्लो आवको दोस्रो त्रैमाससम्म कम्पनीले ४१ करोड ५० लाख रुपैयाँ खुद आम्दानी गरेको थियो ।

कम्पनीको बिक्री तथा वितरण खर्च ७६ लाख ५६ हजार रुपैयाँले ऋणात्मक र प्रशासनिक खर्च ५ करोड ६८ लाख रुपैयाँले ऋणात्मक रहेको छ । कम्पनीको रिजर्भको आकार ६५ करोड ३३ लाख रुपैयाँ कायम भएके छ । जुन अघिल्लो आवको भन्दा १८.८३ प्रतिशतले कम हो ।

समीक्षा अवधिसम्म कम्पनीको प्रपतिसेयर आम्दानी ८.८१ रुपैयाँ ऋणात्मक अवस्थामा रहेको छ ।