महालक्ष्मी विकास बैंकको प्रमुख कार्यकारी अधिकृत(सीईओ)मा दिपेश लम्साल नियुक्त भएका छन् ।
माघ २३ गते बसेको बैंक सञ्चालक समितिको बैठकले रिक्त प्रमुख कार्यकारी अधिकृत पदमा लम्साललाई नियुक्त गर्ने निर्णय गरेको हो ।

बैंकको वरिष्ठ नायव प्रमुख कार्यकारी अधिकृतको पदमा कार्यरत लम्साल तत्कालीन प्रमुख कार्यकारी अधिकृत बोधराज देवकोटाको राजीनामापछि निमित्त प्रमुख कार्यकारी अधिकृतको भूमिकामा थिए । त्यसअघि पनि उनले निमित्त प्रमुख कार्यकारी अधिकृतको रुपमा सफलतापूर्वक जिम्मेवारी सम्हालिसकेका थिए ।

विगत १५ वर्षदेखि महालक्ष्मी विकास बैंकमा कार्यरत लम्सालसँग विभिन्न वाणिज्य बैंक तथा विकास बैंकमा गरी करिब २८ वर्षको बैंकिङ अनुभव छ ।

बैंक परिवारको तर्फबाट दरबारमार्गस्थित केन्द्रीय कार्यालयमा नवनियुक्त सीईओ लम्साललाई स्वागत गर्ने कार्यक्रम समेत गरिएको थियो ।

सो कार्यक्रममा लम्सालले बैंकप्रतिको जनविश्वास, निष्ठा कायम राख्दै गुणस्तरीय सेवा प्रदान गर्न सधैं तत्पर रहने प्रतिबद्धता व्यक्त गरे । साथै उनले बैंकको लक्ष्य र उद्देश्य प्राप्तिका लागि सम्पूर्ण कर्मचारीलाई प्रयत्नशील रहन आग्रह गरे ।

युनाइटेड इदि मर्दि एण्ड आरबी हाईड्रोपावर लिमिटेडले चालु आवको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ ।

विवरण अनुसार कम्पनीले समीक्षा अवधिसम्म २ करोड २० लाख रुपैयाँ खुद नाफा कमाएको छ । यो रकम गत वर्षको सोहि अवधिको तुलनामा २०.१९ प्रतिशत घटी हो । अघिल्लो आवको को दोस्रो त्रैमाससम्म कम्पनीको खुद नाफा २ करोड ७६ लाख रुपैयाँ थियो ।

कम्पनीको विद्युत बिक्रीबाटको आम्दानी ७.४८ प्रतिशतले घटेर ९ करोड ४३ लाख रुपैयाँ भएको देखिन्छ । अघिल्लो आवको दोस्रो त्रैमाससम्म ७९ करोड ६९ लाख रुपैयाँ रहेको कम्पनीको आयोजना खर्च घटेर ७८ लाख ९८ हजार रुपैयाँ भएको छ । त्यस्तै कम्पनीको कुल सञ्चालन खर्च ५.८९ प्रतिशतले घटेर १ करोड ४५ लाख रुपैयाँमा सीमित भएको छ ।

कम्पनीको दीर्घकालिन ऋण ९१ करोडढ ७३ लाख रुपैयाँ रहेको छ ।

समीक्षा अवधिसम्म संस्थाको वार्षिकीकरण प्रतिसेयर आम्दानी(ईपीएस) १०.५० रुपैयाँ, प्रतिसेयर नेटवर्थ १११.२५ र मूल्य आम्दानी अनुपात ३९.५३६५ गुणा रहेको छ ।

वरुण हाईड्रोपावर कम्पनी लिमिटेडले चालु आवको दोस्रो त्रैमाससम्म ३ करोड ७३ लाख रुपैयाँ घाटा खाएको छ । कम्पनीले अघिल्लो आवको सोहि अवधिसम्म भने १ करोड ६५ लाख रुपैयाँ नाफामा थियो । गत असार २ गतेको बाढीले हेवा खोला जलविद्युत आयोजनाको विद्युत उत्पादन बन्द हुँदा कम्पनी घाटामा गएको हो ।

समीक्षा अवधिसम्म कम्पनीको आयोजना खर्च बढेर १ करोड १७ लाख रुपैयाँ पुगेको देखिन्छ । अघिल्लो आवको दोस्रो त्रैमाससम्म यो खर्च ५० लाख १४ हजार रुपैयाँ थियो । समीक्षा अवधिसम्म कम्पनीको प्रशासनिक खर्चमा भने ६४.८९ प्रतिशतले घट्दै ६४ लाख ४२ हजार रुपैयाँ भएको छ । कम्पनीको रिटेन्ड अर्निङ २ करोड १२ लाख रुपैयाँले ऋणात्मक अवस्थामा छ ।

समीक्षा अवधिसम्म कम्पनीको प्रतिसेयर आम्दानी(ईपीएस)१३.९४ रुपैयाँ ऋणात्मक,प्रतिसेयर नेटवर्थ १०४.२० रुपैयाँ,प्रतिसेयर कुल सम्पत्तिको मूल्य १४०.०७ रुपैयाँ,मूल्य आम्दानी अनुपात १८.३६ गुणा ऋणात्मक र तरलता अनुपात ८.८३ गुणा कायम भएको छ ।

माथिल्लो मैलुङ खोला जलविद्युत लिमिटेडको घाटामा १४.११ प्रतिशतले कमी भएको छ । कम्पनी गत आर्थिक वर्षको दोस्रो त्रैमाससम्म ९२ लाख ४७ हजार रुपैयाँ घाटामा रहेकोमा चालु आवको समीक्षा अवधिसम्म त्यसलाई घटाएर ७८ लाख ४२ हजार बनाएको छ ।

कम्पनीको आम्दानीमा २६.१९ प्रतिशतले कमी आएको छ । अघिल्लो आवको दोस्रो त्रैमाससम्म २६ करोड ११ लाख रुपैयाँ रहेको कम्पनीको आम्दानी घटेर १९ करोड २७ लाख रुपैयाँ भएको छ । कम्पनीको वित्त आम्दानी ४ लाख ७३ हजार रुपैयाँ रहेको छ ।

कम्पनीको रिटेन्ड अर्निङ ५ करोड ६० लाख रुपैयाँले ऋणात्मक र रिर्जभको आकार ४ लाख २८ हजार रुपैयाँबराबरको छ ।

कम्पनीको प्रतिसेयर आम्दानी ०.९६ रुपैयाँ ऋणात्मक र प्रतिसेयर नेटवर्थ ९४.३४ रुपैयाँ कायम भएको छ ।

सानिमा माई हाईड्रोपावर लिमिटेडले चालु आवको दोस्रो त्रैमाससम्म ३३ करोड ४१ लाख रुपैयाँ खुद नाफा कमाएको छ ।
यो रकम गत वर्षको सोहि अवधिको तुलनामा ३.३९ प्रतिशतले बढी हो । अघिल्लो आवको दोस्रो त्रैमाससम्म कम्हपनीले ३२ करोड ३१ लाख रुपैयाँ खुद नाफा आर्जन गरेको थियो ।

कम्पनीले विद्युत बिक्रीबाट हुने आम्दानी अघिल्लो आवको सोहि अवधिको तुलनामा १.१३ प्रतिशतले कम अर्थात ४९ करोड ९२ लाख रुपैयाँ आर्जन गरेको छ । कम्पनीके वित्त आम्दानी १९.३४ प्रतिशतले बढ्दै २ करोड ७२ लाख रुपैयाँ पुगेको छ ।

समीक्षा अवधिसम्म कम्पनीको सञ्चालन मुनाफा ३८ करोड १८ लाख बाट घटेर ३६ करोड ९५ लाख रुपैयाँमा सीमित भएको छ । कम्पनीको प्रशासनिक तथा अन्य सञ्चालन खर्च ८ करोड ७८ लाख रुपैयाँले ऋणात्मक रहेको छ ।

कम्पनीको रिटेन्ड अर्निङ १ अर्ब ४० करोड र अन्य रिजर्भ १ अर्ब ३४ करोड रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस)१०.८२ रुपैयाँ,प्रतिसेयर नेटवर्थ १८९.१० रुपैयाँ र मूल्य आम्दानी अनुपात ३४.५६ गुणा कायम भएको छ ।

नेपाल लाइफ इन्स्योरेन्स कम्पनी लिमिटेडले चालु आर्थिक वर्ष २०८०÷८१ को दोस्रो त्रैमाससम्ममा १९ अर्ब ७१ करोड २३ लाख रुपैयाँ खुद बीमाशुल्क आर्जन गरेको छ।
यो रकम गत वर्षको सोहि अवधिको तुलनामा ७.१३ प्रतिशतले धेरै हो। अघिल्लो आवको दोस्रो त्रैमाससम्ममा कम्पनीले १८ अर्ब ४० करोड रुपैयाँ खुद बीमाशुल्क आर्जन गरेको थियो।

यस्तै समिक्षा अवधिसम्म कम्पनीले लगानी कर्जा तथा अन्यबाट हुने आय बापत ७ अर्ब ४८ करोड ३८ लाख रुपैयाँ आर्जन गरेको छ। अघिल्लो वर्षको पहिलो त्रैमाससम्ममा यो रकम ६ अर्ब ५४ करोड ५८ लाख रुपैयाँमा सीमित थियो।

त्यस्तै समीक्षा अवधिमा कम्पनीले २४ अर्ब ९५ करोड ९० लाख रुपैयाँ खुद दाबी भुक्तानी गरेको छ। जुन अघिल्लो आवको तुलनामा १०.८८ प्रतिशतले धेरै हो । अघिल्लो वर्षको सोही अवधिमा यो रकम २२ अर्ब ५१ करोड ५ लाख रुपैयाँ थियो।

दोस्रो त्रैमासको अन्त्यसम्म कम्पनीले ४२ करोड ७७ लाख रुपैयाँ खुद मुनाफा कमाएको छ। यो रकम अघिल्लो वर्षको सोही अवधिकोभन्दा १२.९० प्रतिशतले बढी हो। अघिल्लो वर्ष कम्पनीले ३७ करोड ८८ लाख रुपैयाँ मुनाफा आर्जन गरेको थियो। समीक्षा अवधिसम्ममा अघिल्लो वर्षको तुलनामा कम्पनीको कुल खर्च बढेको छ।

कम्पनीको खर्च २७ अर्ब २९ करोड ५९ लाख रहेको छ। अघिल्लो वर्ष कम्पनीको खर्च २४ अर्ब ८८ करोड ३० लाख रुपैयाँ थियो। कम्पनीको रिटेन्ड अर्निङ्ग १ अर्ब ३ करोड रुपैयाँ रहेको छ ।

यस्तै कम्पनीको प्रतिसेयर आम्दानी १०.४२ रुपैयाँ, पीई अनुपात ६२.८६ गुणा र प्रतिसेयर नेटवर्थ १२८.०१ रुपैयाँ रहेको छ ।