घाटामा रहेको रिडी पावरले हकप्रद सेयर निष्कासन गर्ने भएको छ । चालु आर्थिक वर्षको दोस्रो त्रैमासमा कम्पनी ९ करोड २६ लाख रुपैयाँ नोक्सानीमा छ । कम्पनीको वार्षिक प्रतिसेयर आम्दानी ११ रुपैयाँ ९६ पैसा ऋणात्मक छ । कम्पनिले हकप्रद बिक्री गरेर ७७ करोड ४४ लाख रुपैयाँ उठाउने भएको छ ।
यस्तो अवस्थामा रहेको कम्पनीले फागुन १८ गतेदेखि ५० प्रतिशत हकप्रद सेयर निष्कासन गर्न लागेको हो । कम्पनीले हाल कायम चुक्तापूँजी १ अर्ब ५४ करोड ४९ लाख १ हजार २०० रुपैयाँबराबरको १ः०.५० अनुपातमा रु.१०० अंकित दरका ७७ लाख ४४ हजार ५०६ कित्ता हकप्रद निष्कासन गर्न लागेको हो ।

लगानीकर्ताले नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालयबाट आवेदन दिन सक्नेछन्। सीडीएससीको मेरो सेयरबाट पनि अनलाइन आवेदन सकिनेछ।

त्यस्तै, लगानीकर्ताले बिक्री प्रबन्धक मुक्तिनाथ क्यापिटलका साथै कम्पनीको केन्द्रीय कार्यालय, मुक्तिनाथ विकास बैंक र ग्लोबल आइएमई बैंकका तोकिएका शाखा कार्यालयहरुबाट आवेदन दिन सक्नेछन्।

यो हकप्रदमा आवेदन दिने अन्तिम मिति चैत ८ गते रहेको छ । हकप्रद निष्काशनपश्चात कम्पनीको चुक्तापूँजी २ अर्ब ३२ करोड ३३ लाख ५१ हजार ८०० रुपैयाँ पुग्नेछ।

हकप्रद सेयरको बिक्री प्रबन्धकमा मुक्तिनाथ क्यापिटल लिमिटेड रहेको छ।

हकप्रद शेयर निष्काशन प्रयोजनका लागि कम्पनीले गत माघ २२ गते बुक क्लोज गरेको थियो। यसर्थ माघ २१ गतेसम्म नेप्सेमा कारोबार भइ कायम सेयरधनीहरुले मात्रै यो हकप्रद खरिदका लागि आवेदन दिन सक्नेछन्।

अपर तामाकोशी हाईड्रोपावर कम्पनी लिमिटेडले चालु आवको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ ।
रिपोर्ट अनुसार कम्पनी २५ करोड ७६ लाख रुपैयाँ घाटामा रहेको छ । यो घाटा गत वर्षको सोहि अवधिको तुलनामा ६८.७६ प्रतिशतले कमी हो । गत आवको दोस्रो त्रैमाससम्म कम्पनीको घाटा ८२ करोड ४८ लाख रुपैयाँ थियो ।

समिक्षा अवधिसम्म विद्युत बिक्रीमार्फत कम्पनिले ५ अर्ब ३५ करोड रुपैयाँ आर्जन गरेको छ । जुन गत अवर्षको सोहि अवधिको तुलनामा ७.४५ प्रतिशतले बढी हो । अघिल्लो आवको सोहि अवधिसम्म कम्पनीले विद्युत बिक्रीमाफर्त ४ अर्ब ९८ करोड रुपैयाँ आम्दानी गरेको थियो ।

कम्पनीको वित्त आम्दानी भने ३ करोड ४८ लाखबाट घटेर ६८ लाख ९४ हजार रुपैयाँमा सीमित भएको छ । कम्पनीको कर्मचारी र आयोजना खर्च २७ करोड ५१ लाख रुपैयाँ रहेको छ ।

कम्पनीको रिटेन्ड अर्निङ ७ अर्ब ५७ करोड ्ररुपैयाँले ऋणात्मक अवस्थामा रहेको छ । कम्पनीको कुल चालु सम्पत्ति ३ अर्ब ९१ करोड र कुल चालु दायित्व १ अर्ब ६३ करोड रुपैयाँ रहेको छ ।

त्यस्तै समीक्षा अवधिसम्म कम्पनीको प्रतिसेयर आम्दानी १.३२ रुपैयाँ ऋणात्मक,प्रतिसेयर नेटवर्थ ६१.११ रुपैयाँ,प्रतिसेयर कुल सम्पत्तिको मूल्य ४४३.२० र तरलता अनुपात २.४० गुणा कायम भएको छ ।

चालु आर्थिक वर्षको मौद्रिक नीतिको अर्धवार्षिक समीक्षा आजै साँझ आउने सम्भावना देखिएको छ ।

मौद्रिक नीतिलाई पारित गर्ने उद्देश्यले राष्ट्रबैंकले सञ्चालक समितिको बैठक आजै साँझ ५ बजेपछि बोलाएको छ । यदि आजको सञ्चालक समितिले मौद्रिक नीतिको समीक्षा पारित गरे आजै साँझ सार्वजनिक गर्ने तयारी भईरहेको श्रोतको भनाइ छ ।

यस मौद्रिक निति समिक्षामा रियल स्टेट र सेयर बजार प्राथमिकतामा पर्न सक्ने देखिएको छ ।