चालु आवको फागुन मसान्तसम्म २० वाणिज्य बैंकहरुले कुल ४२ अर्ब ३० करोड रुपैयाँ नाफा कमाएका छन् ।
वाणिज्य बैंकहरुमध्ये नबिल बैंक सर्वाधिक नाफा कमाउने बैंक बनेको छ । नेपाल बैंकर्स संघका अनुसार नबिल बैंकले चालु आर्थिक वर्षको ८ महिनासम्ममा ४ अर्ब ७२ करोड ४ लाख रुपैयाँ नाफा आर्जन गरी सर्र्वाधिक नाफामुखी बैंक बन्न सफल भएको छ ।कुल नाफाको ११.१६ प्रतिशत नाफा नबिल बैंक एक्लैले आर्जन गरेको छ ।
त्यस्तै, दोस्रोमा ग्लोबल आइएमई बैंकले फागुन मसान्तसम्ममा ३ अर्ब ४३ करोड रुपैयाँ नाफा कमाएर दोस्रो स्थानमा रहेको छ भने तेश्रो धेरै कमाउनेमा प्राइम कमर्सियल बैंक रहेको छ । यस बैंकले २ अर्ब ८८ करोड रुपैयाँ नाफा कमाएको छ ।
त्यस्तै राष्ट्रिय वाणिज्य बैंकले २ अर्ब ८८ करोड रुपैयाँ नाफा कमाएर चौथो स्थान कायम गरेको हो ।
त्यस्तै, पाँचौ स्थानमा नेपाल इन्भेष्टमेन्ट मेगा बैंक रहेको छ । बैंकले सो अवधिसम्म २ अर्ब ८० करोड रुपैयाँ नाफा आर्जन गरेर पाँचौ स्थान कायम गरेको हो ।
यसका साथै एनआइसी एशिया बैंकले पनि २ अर्ब ५४ करोड रुपैयाँ नाफा कमाएर छैटौं स्थान कायम गरेको छ भने एभरेष्ट बैंकले २ अर्ब २९ करोड रुपैयाँ नाफा आर्जन गरी सातौं स्थान ओगटेको छ ।
त्यस्तै, स्ट्याण्डर्ड चार्टर्ड बैंकले सो अवधिसम्म २ अर्ब ८ करोड रुपैयाँ नाफा आर्जन गरेर आठौं स्थानमा बसेको छ । फागुन मसान्तसम्म ८ वटा वाणिज्य बैंकले मात्रै २ अर्ब भन्दा बढी नाफा कमाएका छन् ।
त्यस्तै नेपाल बैंकर्स संघका अनुसार सबैभन्दा थोरै नेपाल एसबीआई बैंकले १ अर्ब ८ करोड रुपैयाँ मात्रै नाफा कमाएको छ ।
त्यसैगरी कृषि विकास बैंकले १ अर्ब ९७ करोड रुपैयाँ, हिमालयन बैंकले १ अर्ब ९४ करोड, एनएमबी बैंकले १ अर्ब ९२ करोड, लक्ष्मी सनराईज बैंकले १ अर्ब ८२ करोड, सिद्धार्थ बैंकले १ अर्ब ६९ करोड, सानिमा बैंकले १ अर्ब ६६ करोड र प्रभु बैंकले १ अर्ब ४२ करोड रुपैयाँ नाफा आर्जन गरेका छन् ।
त्यस्तै, कुमारी बैंकले १ अर्ब ४२ करोड, नेपाल बैंकले १ अर्ब २८ करोड, सिटिजन्स बैंकले १ अर्ब २२ करोड, माछापुच्छ्रे बैंकले १ अर्ब १६ करोड रुपैयाँ र नेपाल एसबीआई बैंकले १ अर्ब ८ करोड रुपैयाँ नाफा कमाएको छ ।
माघ महिनामा भने २० वटा वाणिज्य बैंकले ३५ अर्ब ४९ करोड रुपैयाँ नाफा कमाएका थिए । माघ महिनासम्मको तुलनामा बैंकहरुले फागुन मसान्तसम्ममा १९.१८ प्रतिशतले नाफा बढाएका छन् ।
