दोल्ती पावर कम्पनी लिमिटेडले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । उक्त विवरणअनुसार कम्पनीले समीक्षा अवधिसम्म ३ करोड २३ लाख रुपैयाँ घाटा खाएको छ । यो घाटा गत आवको सोही अवधिको तुलनामा ३५.३७ प्रतिशतले कम हो ।

कम्पनीले यो अवधिसम्म विद्युत बिक्रीमार्फत ६ करोड ८५ लाख रुपैयाँ आम्दानी गरेको छ । जुन अघिल्लो आवको ६ करोड ५५ लाखको तुलनामा ४.६१ प्रतिशतले बढी हो । कम्पनीको साधारण तथा प्रशासनिक खर्च १ करोड १८ लाख र विद्युत उत्पादन खर्च १७ लाख ३७ हजार रुपैयाँ रहेको छ ।

कम्पनीको रिजर्भको आकार १७ करोड ६४ लाख रुपैयाँले ऋणात्मक अवस्थामा छ । कम्पनीको कुल चालु सम्पत्ति ८ करोड ७१ लाख र कुल चालु सम्पत्ति १ करोड ९६ लाख रुपेयाँ छ ।

समीक्षा अवधिसम्म कम्पनीको प्रतिसेयर आम्दानी(त्रैमासिक)६.०३ रुपैयाँ,प्रतिसेयर नेटवर्थ ६७.११ रुपैयाँ,प्रतिसेयर कुल सम्पत्तिको मूल्य २०१.०५ रुपैयाँ र पीई अनुपात ८०.६५ गुणा रहेको छ ।

श्रृजनशील लघुवित्त वित्तीय संस्था लिमिटेडले चालु आवको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ । जसअनुसार संस्थाले २ करोड ४३ लाख रुपैयाँ खुद नाफा आर्जन गरेको छ । जुन अघिल्लो आवको सोही अवधिको तुलनामा ३२०.१९ प्रतिशतले बढी हो । अघिल्लो आवको सोही अवधिसम्म संस्थाले ५७ लाख ९९ हजार रुपैयाँ मात्रै नाफा कमाएको थियो ।

तेस्रो त्रैमाससम्म संस्थाले ७ करोड ७८ लाख रुपैयाँ खुद ब्याज आम्दानी गरेको छ । जुन अघिल्लो आबको सोही अबधिको तुलनामा २०.७३ प्रतिशतले बढी हो । संस्थाको कुल सञ्चालन आम्दानी १४ करोड २७ लाख र सञ्चालन मुनाफा ३ करोड ४८ लाख रुपैयाँ रहेको छ ।

यस्तै संस्थाको वितरणयोग्य मुनाफा १ करोड ९० लाख रुपैयाँ रहेको छ । संस्थाको रिटेन्ड अर्निङ ७ करोड ३० लाख रुपैयाँ छ । संस्थाको रिजर्भमा १० करोड ४८ लाख रुपैयाँ सञ्चित रहेको छ ।

तेस्रो त्रैमाससम्ममा निक्षेप संकलन ८३ करोड ३९ लाख रुपैया गर्दा २ अर्ब २० करोड रुपैयाँ कर्जा प्रवाह गरेको छ ।

अघिल्लो आवको तेस्रो त्रैमाससम्म १०.२२ प्रतिशत रहेको खराब कर्जा अनुपात घटेर ७.३६ प्रतिशत कायम भएको छ । संस्थाले इम्पेयरमेन्ट चार्जका लागि २ करोड ७० लाख रुपैयाँ छुट्टाएको छ ।

समीक्षा अवधिसम्म संस्थाको प्रतिसेयर आम्दानी(ईपीएस)मा उल्लेख्य वृद्धि भएको छ । संस्थाको ईपीएस ७.०७ रुपैयाँबाट बढेर २९.७३ रुपैयाँ कायम भएको छ ।

यस्तै संस्थाको प्रतिसेयर नेटवर्थ २६२.६७रुपैयाँ, प्रतिसेयर कुल सम्पत्तिको मूल्य २ हजार ५७४.०९ रुपैयाँ, मूल्य आम्दानी अनुपात ३८.६१ गुणा र तरलता अनुपात १८.०५ प्रतिशत रहेको छ ।

हिमालयन रि इन्स्योरेन्स कम्पनी लिमिटेडले चालु आवको तेस्रो त्रैमाससम्म अपरिष्कृत वित्तीय विवरण सार्वजनिक गरेको छ । विवरणअनुसार कम्पनीले तेस्रो त्रैमाससम्ममा ९३ करोड ११ लाख रुपैयाँ खुद नाफा आर्जन गरेको छ । जुन गत आवको सोहि अवधिको तुलनामा ५०.१३ प्रतिशतले बढी हो ।

कम्पनीको खुद बीमाशुल्क आर्जन १२३.९५ प्रतिशतले बढेको छ । कम्पनीले समीक्षा अवधिसम्म ३ अर्ब ४९ करोड रुपैयाँ खुद बीमाशुल्क आर्जन गरेको छ । अघिल्लो आवको तेस्रो त्रैमाससम्म यो रकम १ अर्ब ५५ करोड ८७ लाख रुपैयाँमा सीमित थियो ।

कम्पनीको खर्च पनि बढेको छ । कम्पनीको कुल खर्च ८८.८१ प्रतिशतले बढ्दै २ अर्ब ९८ करोड रुपैयाँ पुगेको छ । कम्पनीले यो अवधिसम्म १ अर्ब ६० करोड २५ लाख रुपैयाँ खुद दाबी भुक्तानी गरेको छ । जुन अघिल्लो आवको तुलनामा ९४.६० प्रतिशतले बढी हो ।

कम्पनीले ४ अर्ब २७ करोड रुपैयाँबराबरको कुल आम्दानी गरेको छ । जुन अघिल्लो आवको तुलनामा ९०.५८ प्रतिशतले बढी हो । त्यस्तै महाविपत्ती कोषमा ९ करोड ३४ लाख रुपैयाँ रहेको छ ।

त्यस्तै कम्पनीको रिटेन्ड अर्निङ ७७ करोड ५० लाख रुपैयाँ रहेको छ । रिजर्भ ४५ करोड ५५ लाखबाट बढेर ९२ करोड ११ लाख रुपैयाँ पुगेको छ ।

समीक्षा अवधिसम्म कम्पनीको ईपीएस ८.८४ रुपैयाँबाट बढेर १२.४१ रुपैयाँ भएको छ । कम्पनीको प्रतिसेयर नेटवर्थ १४९.९७ रुपैयाँ र पीई अनुपात ४९.१५ गुणा रहेको छ ।

मकर जितुमाया सुरी हाईड्रोपावर लिमिटेडको आम्दानी र नाफा दुवै बढेको देखिएको छ । कम्पनीले चालु आवको तेस्रो त्रैमाससम्म १ करोड २० लाख रुपैयाँ खुद नाफा कमाएको छ । जुन अघिल्लो आवको सोही अवधिको तुलनामा २९४७.०७ प्रतिशतले धेरै हो ।

कम्पनीले समीक्षा अवधिसम्म विद्युत बिक्रीमार्फत १९ करोड ३ लाख रुपैयाँ आम्दानी गरेको छ । जुन अघिल्लो आवको १२ करोड ८१ लाख रुपैयाँको तुलनामा ४८.२५ प्रतिशतले बढी हो ।

यस्तै कम्पनीले सर्भिस कन्सेसन एग्रिमेन्टबाट ४८ करोड ४८ लाख रुपैयाँ आम्दानी गर्दा कम्पनीको कर्मचारी खर्च ५७ लाख २० हजार रुपैयाँ र प्रशासनिक र अन्य खर्च ५८ लाख ४७ हजार रुपैयाँ रहेको छ ।

कम्पनीको रिटेन्ड अर्निङको आकार ३ करोड ८१ लाख रुपैयाँले ऋणात्मक रहेको देखिन्छ। कम्पनीको कुल चालु सम्पत्ति ९ करोड ९ लाख र कुल चालु दायित्व १ करोड २ लाख रुपेयाँ छ ।

समीक्षा अवधिसम्म कम्पनीको प्रतिसेयर आम्दानी(ईपीएस)१.५८१० रुपैयाँ,प्रतिसेयर नेटवर्थ ९४.९७ रुपैयाँ र रिर्टन अन इक्विटी १.६६ प्रतिशत रहेको छ ।

नागरिक लगानी कोष(सीआईटी) ले चालु आर्थिक वर्ष २०८०/८१ को तेस्रो त्रैमाससम्म ८८ करोड २४ लाख रुपैयाँ खुद नाफा कमाएको छ । यो रकम गत आवको सोहि अवधिको तुलनामा १३.४३ प्रतिशतले बढी हो ।

कोषले १ अर्ब ४१ करोड २५ लाख रुपैयाँबराबरको कुल आम्दानी गरेको छ । जुन अघिल्लो आवको तुलनामा १२.३८ प्रतिशतले धेरै हो ।

कोषको ब्याज आम्दानी ३५ करोड ३२ लाख , सेवा शुल्क तथा कमिसन आम्दानी १ अर्ब ४ करोड र १ करोड ७४ लाख रुपैयाँबराबरको विविध आम्दानी रहेको छ । त्यस्तै कोषको कुल खर्च २३ करोड ५९ लाख रुपैयाँ रहेको छ ।

कोषको २३ खर्ब ६८ अर्ब रुपैयाँबराबरको कुल लगानीमध्ये मुद्धती निक्षेपमा १ खर्ब २६,नेपाल सरकारको ऋणपत्रमा ५० करोड,समयकालिन कर्जामा २५ अर्ब ५४ करोड,संगठित संस्थाको सेयरमा ३० अर्ब ९३ करोड र सहायक कम्पनीमा २ अर्ब ५५ करोड रुपैयाँ लगानी रहेको छ । कोषको बैंक मौजदात ४ अर्ब ४७ करोड र चालु सम्पत्ति १७ अर्ब ७७ करोड रुपैयाँ रहेको छ । कोषको जगेडा कोषको आकार २५ अर्ब ५० करोड रुपैयाँबराबर रहेको छ ।

समीक्षा अवधिसम्म कोषको प्रतिसेयर आम्दानी २४.४० रुपैयाँबाट घटेर २२.१४ रुपैयाँमा सीमित भएको छ । कोषको प्रतिसेयर नेटवर्थ १७१.४४ रुपैयाँ र लगानी प्रतिफल ८.४९ प्रतिशत रहेको छ ।

माथिल्लो मैलुङ खोला जलविद्यत लिमिटेडले चालु आवको तेस्रो त्रैमाससम्मको अपरिस्क्रित विवरण सार्वजनिक गरेको छ । जसअनुसार कम्पनिले ३ करोड १७ लाख रुपैयाँ घाटा खाएको छ । यो घाटा अघिल्लो आवको सोही अवधिको तुलनामा १४२.५४ प्रतिशतले बढी हो । अघिल्लो आवको तेस्रो त्रैमाससम्म कम्पनी १ करोड ३० लाख रुपैयाँ घाटामा थियो ।

कम्पनीले विद्युत बिक्रीमार्फ ४ करोड ८ लाख रुपैयाँ, निर्माणमार्फत ३४ करोड ९१ लाख र २३ लाख ५६ हजार रुपैयाँ अन्य आम्दानी गर्दा वित्त आम्दानी ५ लाख रुपैयाँ रहेको छ ।

कम्पनीको प्रशासनिक र अन्य सञ्चालन खर्च ३ करोड १९ लाख पुननिर्माण खर्च ३४ करोड ९१ लाख,पावर प्लान्ट सञ्चालन खर्च १ करोड ३ लाख रुपैयाँ रहेको छ ।

कम्पनीको रिटेन्ड अर्निङ ८ करोड ४ लाख रुपैयाँले ऋणात्मक रहदा अन्य रिजर्भमा ४ लाख २८ हजार रुपैयाँ सञ्चित छ । तेस्रोे त्रैमाससम्म कम्पनीको कुल चालु सम्पत्ति १० करोड १४ लाख र कुल चालु दायित्व ३५ करोड ६५ लाख रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस)३.८८ रुपैयाँले ऋणात्मक, प्रतिसेयर नेटवर्थ ९१.९५ रुपैयाँ,प्रतिसेयर कुल सम्पत्तिको मूल्य ४१० रुपैयाँ र तरलता अनुपात ०.२७ प्रतिशत रहेको छ ।