चर्चित क्रिकेटर सन्दीप लामिछानेको मुद्दा ‘हेर्न नमिल्ने’ सूचीमा परेको छ ।

क्रिकेटर सन्दीपको मुद्दा पाटन उच्च अदातदतका मुख्य न्यायाधीश नृपध्वज निरौला र दुर्गाप्रसाद ढुङगेलको इजलासमा परेको थियो । तर मुद्दा हेर्न नमिल्ने सूचीमा परेको हो ।

यो सङ्गै सन्दिपको टी-२० विश्वकप क्रिकेटमा खेल्न जाने लामिछानेको सम्भावना लगभग सकिएको छ ।

प्रभु बैंकको ठूला सेयरधनीमा विभिन्न १२ व्यक्ति तथा कम्पनी रहेका छन् ।

प्रभु बैंकको ठूला सेयरधनीहरुमा ६ जना व्यक्ति तथा ६ वटा कम्पनीहरु रहेका देखिन्छन ।

यस बैंकमा सबैभन्दा बढी सेयर स्वामित्व एशियन लाइफ इन्स्योरेन्सको रहेको देखिएको छ । एसियन लाइफको यस बैंकमा ३.४१ प्रतिशत सेयर स्वामित्व रहेको छ । यस्तै गौरव अग्रवालको २.७१ प्रतिशत, कर्मचारी सञ्चय कोषको २.५३ प्रतिशत सेयर स्वामित्व रहेको देखिएको छ ।

यस्तै प्रभु ग्रुपको १.२१ प्रतिशत, सुदिप आचार्यको ०.६० प्रतिशत, शिव कुमार श्रेष्ठको ०.५८ प्रतिशत, मिजास भट्टचनको ०.५८ प्रतिशत, राजेन्द्र भट्टचनको ०.५७ प्रतिशत, स्वरुप गुरुङको ०.५७ प्रतिशत, नेपाल इन्भेष्टमेन्ट प्रालिको ०.५२ प्रतिशत, शिवम सिमेन्टको ०.५१ प्रतिशत र सन नेपाल लाइफ इन्स्योरेन्सको ०.५० प्रतिशत सेयर स्वामित्व रहेको देखिएको छ ।

जाल्पा सामुदायिक लघुवित्त वित्तीय संस्था लिमिटेडले चालु आवको तेस्रो त्रैमाससम्मको अपरिस्क्रित विवरण सार्वजनिक गरेको छ । जसअनुसार कम्पनिले ६२ लाख ८१ हजार रुपैयाँ खुद नाफा कमाएको छ । अघिल्लो आवको सोहि अवधिसम्म भने संस्था ३ करोड ९२ लाख घाटामा रहेको थियो ।

त्यस्तै कम्पनिको खुद ब्याज आम्दानीमा भने कमी आएको छ । तेस्रो त्रैमाससम्म संस्थाले २० करोड ८२ लाख रुपैयाँ खुद ब्याज आम्दानी गरेको छ । जुन अघिल्लो आवको सोहि अवधिको तुलनामा १२.७० प्रतिशतले घटी हो ।

कम्पनिले खुद सञ्चालन आम्दानी भने ११.२५ प्रतिशतले बढेर २२ करोड ६७ लाख रुपैयाँ पुगेको छ । कम्पनिको कर्मचारी खर्च १६ करोड ३७ लाख र अन्य सञ्चालन खर्च ४ करोड ७५ लाख रुपैयाँ रहेको छ ।

संस्थाको रिटेन्ड अर्निङ ६ करोड ११ लाख रुपैयाँ रहेको छ । संस्थाको रिजर्भको आकार भने १७ करोड ६५ लाख रुपैयाँबाट बढेर २६ करोड ८३ लाख रुपैयाँ रहेको छ ।

यस अबधिमा कम्पनिको निक्षेप संकलन र कर्जा प्रवाह भने बढेको देखिन्छ । अघिल्लो आवको तेस्रो त्रैमाससम्म २ अर्ब ६८ करोड रुपैयाँ रहेको निक्षेप संकलन बढेर २ अर्ब ६९ करोड रुपैयाँ पुगेको छ ।

त्यस्तै कर्जा प्रवाह ४ अर्ब ८२ करोड रुपैयाँ रहेको देखिन्छ ।

कम्पनिले इम्पेयरमेन्ट चार्जका लागि ५ करोड १७ लाख रुपैयाँ छुट्टाएको छ ।

समीक्षा अवधिसम्म संस्थाको प्रतिसेयर आम्दानी(ईपीएस) ४.५८ रुपैयाँ,प्रतिसेयर नेटवर्थ २८०.२४ रुपैयाँ,प्रतिसेयर कुल सम्पत्तिको मूल्य २ हजार ९६१.८८ रुपैयाँ,मूल्य आम्दानी अनुपात २६८.७७ गुणा र तरलता अनुपात १०.०९ प्रतिशत रहेको छ ।

नेपाल स्टक एक्सचेञ्ज(नेप्से)मा हिमालयन रि इन्स्योरेन्स कम्पनी लिमिटेडको बोनस सेयर सूचीकृत भएको छ । आज नेप्सेमा कम्पनीको ४ प्रतिशत बोनस सेयर अर्थात ४० लाख कित्ता बोनस सेयर सूचीकृत भएको हो ।

कम्पनीले गत आव २०७९÷८० का लागि ४ प्रतिशत बोनस सेयर र ०.२१ प्रतिशत नगद लाभांश(कर प्रयोजनका लागि)गरी कुल ४.२१ प्रतिशत लाभांश घोषणा गरेको थियो । सोहि बोनस सेयर नेप्सेमा सुचीकृत भएको हो ।

नेप्सेमा सूचीकृत भएसँगै अब भोलिदेखि उक्त सेयर दोस्रो बजारमा कारोबारमा आउनेछ ।