नेपाल पुनर्बीमा कम्पनीको प्रमुख कार्यकारी अधिकृत(सीईओ) मा सुरेन्द्र थापा नियुक्त भएका छन् । जेठ १७ गते बसेको कम्पनीको सञ्चालक समितिको बैठकले खुल्ला प्रतिस्पर्धाको माध्यमबाट थापालाई सीईओ नियुक्ति गरेको हो ।

थापालाई बीमा ऐन, २०७९ को दफा ५७ बमोजिम सीईओ पदमा चार वर्षका लागि नियुक्त गरिएको कम्पनीले जनाएको छ ।  उनलाई जेठ १८ गतेदेखि लागू हुनेगरी नियुक्ति गरिएको हो । 

अन्तराष्ट्रिय बजारमा आज सुनको मूल्य घटेको छ । अन्तराष्ट्रिय बजारमा सुनको मूल्य प्रतिऔंस ०.७१ प्रतिशत अर्थात १६.५७ डलर घटेर हाल प्रतिऔंस २ हजार ३२७.३६ डलरमा कारोबार भईरहेको छ ।

त्यस्तै चाँदीको मूल्य प्रतिऔंस २.४९ प्रतिशत अर्थात ०.७७ डलरले घटेको छ । यो सङ्गै चाँदीको मूल्य प्रतिऔंस ३०.४१ डलर पुगेको छ ।

नेपाली बजारमा भने छापावाला सुनको मूल्य प्रतितोला १ लाख ४२ हजार २ सय रुपैयाँ र तेजावी सुनको मूल्य १ लाख ४१ हजार ५०० रुपैयाँमा कारोबार भईरहेको छ ।

मनकामना स्मार्ट लघुवित्त वित्तीय संस्थाले आर्थिक वर्ष २०७७/७८ को बोनस सेयरका लागि करबापतको रकम जम्मा गर्न सेयरधनीहरुलाई आग्रह गरेको छ।
संस्थाले एक सूचना प्रकाशित गरी २०७७ साउन ११ गतेपश्चात सेयर खरिद गरेका वा प्राथमिक सेयर निष्कासन बाँडफाँडमा परि हालसम्म सो सेयर कायम रहेका सेयरधनीहरुको हकमा सो सेयरमा करबापतको रकम तिर्न आग्रह गरेको हो । करबापतको रकम जम्मा गरेपछि मात्रै बोनस सेयर हितग्राही खातामा जम्मा गरिने संस्थाले जनाएको छ।

२०७८ पुस १९ गते सम्पन्न संस्थाको चौथो वार्षिक साधारणसभाले उक्त आर्थिक वर्षका लागि प्रस्तावित १७ प्रतिशत बोनस सेयर पारित गरेको थियो। सेयरधनीहरुले संस्थाको नाममा रहेको एनएमबी बैंक लिमिटेडको खातामा रकम जम्मा गर्नुपर्नेछ ।

नेपाल स्टक एक्सचेञ्ज(नेप्से)मा २ लाख कित्ता बढी बोनस सेयर सूचीकृत भएको छ । आज नेप्सेमा नेपाल हाईड्रो डेभलपर लिमिटेडको २ लाख ३५ हजार १४८.५५ कित्ता बोनस सेयर सूचीकृत भएको हो ।

कम्पनीले गत आर्थिक वर्षका लागि ७ प्रतिशत बोनस सेयर र ०.३७ नगद लाभांश गरी कुल ७.३७ प्रतिशत लाभांश घोषणा गरेको थियो । सोहि ७ प्रतिशत बोनस सेयर नेप्सेमा आज सूचीकृत भएको हो ।

यससँगै उक्त सेयरहरु आइतबारदेखि दोस्रो बजार कारोबारमा आउनेछन् ।

पशुपतिनाथ मन्दिरमा आगामी असार १ गतेदेखि मन्दिरका चारवटै ढोका खोलिने भएको छ । संस्कृति, पर्यटन तथा नागरिक उड्डयन मन्त्री हितबहादुर तामाङको पहलमा पशुपति क्षेत्र विकास कोष सञ्चालक परिषद् बैठकले धार्मिक पक्षलाई विधिवत् अघि बढाउँदै दर्शनार्थीको सुविधाका लागि पूर्व, पश्चिम, उत्तर र दक्षिणका मूलढोका खुला गर्ने निर्णय गरेको हो ।

कोष सञ्चालक परिषद्को हालै सम्पन्न बैठकमा दक्षिण एशिया र विश्वका विभिन्न देशबाट आउने हिन्दू धर्मावलम्बीलाई पशुपतिनाथ मन्दिरमा पूजाआराधना गर्न सहजता प्रदान गर्ने योजनाका साथ व्यवस्थापकीय पक्षमा नवीनतम् कार्यक्रम ल्याइने विषय हालको गुरुयोजनामा समावेश गरिएको हो । परिषद्का अध्यक्ष समेत रहनुभएका मन्त्री तामाङले पशुपतिनाथ मन्दिरका चारै ढोका बिहान ४ देखि ८ बजेसम्म खोल्ने निर्णय भएको बताईएको छ ।

पश्चिमतर्फको ढोका बिहान ४ बजेदेखि खुला हुने र उत्तर, पूर्व र दक्षिणका ढोका बिहान ९ः३० बजेदेखि ११ः३० सम्म खुला गरिनेछ ।

हालसम्म महाशिवरात्रि पर्वका अवसर, साउने सोमबारसहित विशेष पर्वमा मात्रै चारै ढोका खुला गरिन्छ ।