नेपाल स्टक एक्सचेञ्ज(नेप्से)मा २ लाख कित्ता बढी बोनस सेयर सूचीकृत भएको छ । आज नेप्सेमा नेपाल हाईड्रो डेभलपर लिमिटेडको २ लाख ३५ हजार १४८.५५ कित्ता बोनस सेयर सूचीकृत भएको हो ।
कम्पनीले गत आर्थिक वर्षका लागि ७ प्रतिशत बोनस सेयर र ०.३७ नगद लाभांश गरी कुल ७.३७ प्रतिशत लाभांश घोषणा गरेको थियो । सोहि ७ प्रतिशत बोनस सेयर नेप्सेमा आज सूचीकृत भएको हो ।
यससँगै उक्त सेयरहरु आइतबारदेखि दोस्रो बजार कारोबारमा आउनेछन् ।
नेपालका उद्योगहरुमा लोडसेडिङ यथावत राख्दै नेपाल विद्युत प्राधिकरणले विद्युत निर्यात गरेको विषयप्रति नेपाल उद्योग परिसंघको गम्भिर ध्यानाकर्षण भएको जनाएको छ । परिसंघले प्रेस विज्ञप्ती जारी गर्दै स्वदेशी उद्योगहरुलाई मारेर विद्युत प्राधिकरणले सोमबारदेखि दैनिक ४०० मेगावाट विद्युत निर्यात गरेको आरोप लगाएको हो ।
‘सरकारले स्वदेशी उद्योगहरुको प्रबद्र्धन गर्ने, निजी क्षेत्रको मनोबल बढाउन प्रयासरत रहेको बताइरहदा सरकारी निकाय नै रहेको विद्युत प्राधिकरणले स्वदेशी उद्योगहरुलाई मारेर कसरी विद्युत निर्यात गर्न सक्यो भन्नेमा हामी चिन्तित भएका छौं । हामीले विद्युत उत्पादन कम हुँदा आयात गरेरै भएपनि उद्योगहरुलाई विद्युत उपलब्ध गराउन आग्रह गर्दैै आएका थियौं । तर, प्राधिकरणले विद्युत आयात गर्दा महङ्गो पर्ने तर्क गर्दै विद्युत आयात नै गरेन । जसको मारमा उद्योगहरु विगत तीन महिनाअघि देखि पर्दै आएका छन् । अहिले विद्युत बचत हुँदा पनि उद्योगहरुलाई पर्याप्त उपलब्ध नगराई निर्यात गर्नु भनेको प्राधिकरणले आफुलाई ‘खुद निर्यातकर्ता’ देखाउन खोजेको पुष्टि गरेको छ । प्राधिकरणको यस कार्यको परिसंघ खेद प्रकट गर्दछ । ’ विज्ञप्तीमा उल्लेख गरिएको छ ।
स्वदेशी उद्योगमा बिजुली मागेजति नदिने तर निर्यात गरेर आम्दानी देखाउनेतर्फ ध्यान नदिई स्वदेशी उद्योगहरुको प्रबद्र्धनमा सहयोग गर्न परिसंघले प्राधिकरणसँग आग्रह गरेको छ । साथै, उद्योगहरुलाई पर्याप्त विद्युत उपलब्ध गराएर बचत रहेको विद्युत मात्रै निर्यात गर्न परिसंघ जोडदार माग समेत गरेको छ ।
पशुपतिनाथ मन्दिरमा आगामी असार १ गतेदेखि मन्दिरका चारवटै ढोका खोलिने भएको छ । संस्कृति, पर्यटन तथा नागरिक उड्डयन मन्त्री हितबहादुर तामाङको पहलमा पशुपति क्षेत्र विकास कोष सञ्चालक परिषद् बैठकले धार्मिक पक्षलाई विधिवत् अघि बढाउँदै दर्शनार्थीको सुविधाका लागि पूर्व, पश्चिम, उत्तर र दक्षिणका मूलढोका खुला गर्ने निर्णय गरेको हो ।
कोष सञ्चालक परिषद्को हालै सम्पन्न बैठकमा दक्षिण एशिया र विश्वका विभिन्न देशबाट आउने हिन्दू धर्मावलम्बीलाई पशुपतिनाथ मन्दिरमा पूजाआराधना गर्न सहजता प्रदान गर्ने योजनाका साथ व्यवस्थापकीय पक्षमा नवीनतम् कार्यक्रम ल्याइने विषय हालको गुरुयोजनामा समावेश गरिएको हो । परिषद्का अध्यक्ष समेत रहनुभएका मन्त्री तामाङले पशुपतिनाथ मन्दिरका चारै ढोका बिहान ४ देखि ८ बजेसम्म खोल्ने निर्णय भएको बताईएको छ ।
पश्चिमतर्फको ढोका बिहान ४ बजेदेखि खुला हुने र उत्तर, पूर्व र दक्षिणका ढोका बिहान ९ः३० बजेदेखि ११ः३० सम्म खुला गरिनेछ ।
हालसम्म महाशिवरात्रि पर्वका अवसर, साउने सोमबारसहित विशेष पर्वमा मात्रै चारै ढोका खुला गरिन्छ ।
नेपालबाट दैनिक ४ सय मेगावाट विद्युत भारत निर्यात हुन सुरु भएको छ । बर्षाको कारण बिजुली उत्पादन बढ्न थालेपछि भारततर्फ पुनः विद्युत् निर्यात सुरु हुने क्रम सुरु भएको हो ।
देशभित्र खपत गरेर बाँकी रहेको विद्युत् जेठ १४ गते बाट भारतीय ऊर्जा एक्सचेन्ज (आइएक्स) मार्केटमा प्रतिस्पर्धी दरमा बिक्री सुरु गरिएको हो ।
प्राधिकरणका अनुसार खोला तथा नदीमा पानीको बहाब बढेसँगै प्राधिकरण, प्राधिकरणका सहायक कम्पनीहरू र निजी क्षेत्रका स्वामित्वमा रहेका जलविद्युत् आयोजनामा विद्युत् उत्पादन वृद्धि भएर आन्तरिक माग पूरा भएपछि अतिरिक्त विद्युत् निर्यात सुरु गरिएको हो ।
हालसम्म नेपालका १५ वटा जलविद्युत् आयोजनाहरूबाट उत्पादित ६५६ मेगावाट विद्युत् प्रतिस्पर्धी बजारमा निर्यातका लागि केन्द्रीय विद्युत् प्राधिकरणले स्वीकृति दिएको छ ।
नेपाली बजारमा आज सुनको मूल्य हालसम्मकै उच्च कायम भएको छ । अघिल्लो दिन प्रतितोला २३ सय रुपैयाँले बढेको सुनको मूल्य आज पनि बढेको हो ।
नेपाल सुनचाँदी व्यवसायी महासंघका अनुसार आज छापावाला सुनको मूल्य १७ सय रुपैयाँले बढ्दै प्रतितोला १ लाख ४२ हजार २ सय रुपैयाँ कायम भएको छ । अघिल्लो दिन छापावाला सुनको मूल्य प्रतितोला १ लाख ४० हजार ५ सय रुपैयाँ कायम थियो ।
त्यस्तै आज तेजावी सुनको मूल्य प्रतितोला १ लाख ४१ हजार ५ सय रुपैयाँ कायम भएको छ ।
आज चाँदीको मूल्य २५ रुपैयाँले घट्दै प्रतितोला १ हजार ८७५ रुपैयाँ कायम भएको छ ।
पुंजीबजारको नियामक नेपाल धितोपत्र बोर्डको प्रवक्ताको जिम्मेवारी बोर्डका कार्यकारी निर्देशक डा नवराज अधिकारीलाई तोकिएको छ ।
बोर्डका अध्यक्ष नरेन्द्र कुमार रानाले जेठ १७ गतेदेखि लागू हुने गरि डा. अधिकारीलाई प्रवक्ता तोकेका हुन् ।
कृषि विकास बैंक लिमिटेडले सेयर अभौतिकिकरण गर्न सेयरधनीहरुलाई अनुरोध गरेको छ । बैंकले एक सूचना जारी गर्दै विभिन्न साधारण सभाबाट पारित भएको नगद लाभांश रकम सेयरधनीहरुको हितग्राही खातामा रहेको बैंक खातामा जम्मा गर्ने व्यवस्था गरिएकोमा हालसम्म पनि हितग्राही खातामा बैंक खाता अद्यावधिक नगराएका सेयरधनीहरुलाई यस्तो आग्रह गरेको हो ।
बैंकले यथाशिघ्र आफुले डिम्याट खाता खोलेको सम्बन्धित निक्षेप सदस्य(डिपी)मा सम्पर्क गरी आफ्नो सेयर प्रमाणपत्र अभौिितकिकरण गरी कुनै पनि बैंक तथा वित्तीय संस्थामा आफ्नो खाता नम्बर सहितको विवरण अद्यावधिक गर्न आग्रह गरेको छ ।
साथै, बैंक खाताको विवरण डिम्याट खातामा उपलब्ध गराउँदा त्रुटि हुन गई नगद लाभांश प्राप्त नगरेका सेयरधीहरुको विवरण बैंकको सेयर रजिष्ट्रार एनआईएमबी एस क्यापिटलको वेवसाइटमा राखिएको आण्आफ्नो निक्षेप सदस्यमा सम्पर्क गरी विवरण सच्याउन बैंकले आग्रह गरेको छ ।
अन्यथा ५ वर्षसम्म कुनै पनि लगानीकर्ताको दाबी प्रस्तुत हुन नआएको लाभांश रकम नेपाल सरकार उद्योग वाणिज्य तथा आपुर्ति मन्त्रालय कम्पनीको रजिष्ट्रारको कार्यालय अन्तर्गत रहेको लगानीकर्ता संरक्षण कोषको सचिवालयमा उक्त लाभांश रकम जम्मा गरिने बैंकले जनाएको छ ।
मुक्तिनाथ कृषि कम्पनी लिमिटेडको लक इन अवधि आज समाप्त हुने भएको छ । कम्पनीले सामूहिक लगानी कोषका लागि छुट्टाएको ५ प्रतिशतले हुन आउने ७० लाख रुपैयाँबराबरको ७० हजार कित्ता सेयरको लक इन अवधि आज सकिन लागेको जनाएको हो ।
कम्पनीले आम सर्वसाधारण्का लागि निष्कासन गरेको आईपीओ गत मंसिर १९ गते बाँडफाँड गरेको थियो । आज उक्त साधारण सेयर बाँडफाँड भएको ६ महिना पुग्दैछ ।
साधारण सेयर बाँडफाँड भएको ६ महिनासम्म सामूहिक लगानी कोषका लागि छुट्टाइएको सेयर रोक्का हुने प्रावधान रहेकाले आजबाट उक्त सेयरको लक इन अवधि समाप्त हुन लागेको हो ।
रुद्राक्षका रुखमा लगाउने गरिएको बिल बिनाको क्लिपहरु प्रहरिले जफत गर्ने भएको छ । हाल बिना बिलका क्लिप बजारमा अत्याधिक पाईएको र ति समानहरु भन्सार छलेर ल्याएको पाईएपछी प्रहरिले बिल बिनाका क्लिपहरु जफत गर्ने भएको हो ।
त्यसरी भन्सार छलेर ल्याएका सामानहरु ठुलो पारीमाणमा हुन सक्ने अनुमान गरिएको छ ।
चिनियाहरुले सिधै सेटिङमा र भन्सार छलेर क्लिपहरु ल्याएर नेपाली ब्यापारलाई बेचीरहेको पाईयो , बिल बिनाका क्लिपहरु जफत गरिने छ, प्रहरी श्रोतले भन्यो । यस सम्बन्धमा आबस्यक अध्ययन भईरहेको श्रोतले जनाएको छ ।
साथै त्यस्ता सामानहरु किन्दा बिल लिएर मात्र खरिद गर्न अनुरोध गरिएको छ ।
नेपालको रुद्राक्ष प्रत्यक बर्ष ठुलो मात्रामा चीन तर्फ निकासी हुने गरेको छ । हाल चिनिया बजारमा क्लिप लगाएका रुद्राक्षहरुको माग बढेपछी क्लिप लगाएर बेच्न थालिएको छ । क्लिप लगाएका रुद्राक्षहरु चिनिया बजारमा आकर्सक मुल्यमा बिक्री हुने गरेका छन ।
सुनकोसी-तेस्रो जलविद्युत् आयोजना निर्माणको जिम्मा सरकारले बंगलादेशलाई दिने भएको छ ।
नेपाल बंगलादेशको ऊर्जा सचिवस्तरीय बैठकमा दुईपक्षीय समझदारी (एमओयु) गर्न लागिएको हो ।
यस अघिको सचिवस्तरीय बैठकमा नेपाल र बंगलादेशबीच यो आयोजना निर्माण गर्न सयुक्त कम्पनी निर्माण गर्ने सहमति भएको थियो । सयुक्त कम्पनी खडा गर्नका लागि समझदारी गर्न लागिएको हो ।
यो आयोजनाको लाइसेन्स नेपाल विद्युत प्राधिकरणसँग छ । विद्युत प्राधिकरण र बंगलादेशी सरकारी कम्पनीको सयुक्त कम्पनी निर्माण हुनेछ ।
सुनकोसी तेस्रो जलविद्युत आयोजनाको बाँधस्थल रामेछापको खाँडादेवी र काभ्रेको तेमाल गाउँपालिकामा पर्छ ।
जलाशयले खाँडादेवी गाउँपालिकाको लुभु, काभ्रेको दोलालघाट र सिन्धुपाल्चोकको बलेफी बजारका बस्तीलाई आंशिक वा पूर्णरुपमा डुबाउन सक्छ । सुनकोसी र तामाकोसी नदी आसपासको करिब ४ हजार २२४ हेक्टर क्षेत्र डुबानमा पर्छ ।
आयोजना निर्माण सुरु भएको करिब ७ वर्षमा सञ्चालनमा आउने अनुमान गरिएको छ। २०८२ मा निर्माण सुरु गरी २०८८ मा सम्पन्न गर्ने लक्ष्य छ ।
यो परियोजनामा आवश्यक लगानी बंगलादेशले जुटाउने छ । आयोजना निर्माणका लागि १ खर्ब ६० अर्ब रुपैयाँ लाग्ने अनुमान गरिएको छ ।
