अमेरिकी सेयर बजारका‘बाहशाह’ उपनामले परिचित तथा बर्कशायर हाथवेका संस्थापक वारेन बफेटले अहिलेसम्मकै सबैभन्दा ठूलो वार्षिक दान गरेका छन् । बफेटले बर्कशायर हाथवेको ५.३ बिलियन डलरबराबरको सेयर ५ वटा च्यारिटीलाई प्रदान गरेका हुन् ।

बफेटले १३ लाख कित्ता सेयर दान गर्ने घोषणा गरेका हुन् । जसमध्ये ९ लाख ९३ हजार कित्ता सेयर बिल एण्ड मेलिन्डा गेट्स फाउन्डेशनलाई प्रदान गरिएको छ भने बाँकी रहेको सेयर सुसन थोमशन बफेट फाउन्डेशन र बफेटका सन्तान हावर्ड,सुसन र पिटर बफेटले सञ्चालन गरिरहेको च्यारिटलाई दान गरिएको छ ।

बफेटले सन् २००६ देखि ५ वटा च्यारिटीलाई दान गर्दै आईरहेका छन् । दानपश्चात बर्कशायर हाथवेमा अब बफेटको १३० बिलियन डलरबराबरको २ लाख ७ हजार ९६३ कित्ता ‘ए’ श्रेणीको सेयर र २ हजार ५८६ कित्ता ‘बी’श्रेणीको सेयर स्वामित्व रहेको छ ।

बफेटले वाल स्ट्रिट जर्नललाई दिएको अन्तवार्तामा आफ्नो मृत्युपश्चात आफुले खडाको साम्राज्य आफ्ना सन्तानहरुले सम्हाल्ने र सबै च्यारिटीमा दान गरिने बताएका छन् । ‘यो संसारमा ८ बिलियन मानिसहरु छन् र म र मेरा सन्तानहरु विश्वका १ प्रतिशत भाग्मानीभित्र १०० औं मा पछौं । आम मानिसहरुलाई सहयोग गर्ने धेरै तरिकाहरु छन्,’ बफेटले भने ।

मृत्युपश्चात बफेटको ९९ प्रतिशत सम्पत्ति च्यारिटीमा खर्च गरिनेछ । बफेटले आफ्नो मृत्युपश्चात बिल एण्ड मेलिना गेट्स फाउन्डेशनले आफ्नो मृत्युपश्चात कुनै पनि च्यारिटी प्राप्त नगर्ने बताएका छन् । बलि गेट्स र मेलिनाको डिभोर्सपछि बफेटले सन् २०२१ को जुनमा गेट्स फाउन्डेशनको ट्रस्टीबाट राजीनामा दिएका थिए ।

बफेटले आफ्नो मत्युपश्चात आफूले आर्जन गरेको सबै सम्पत्तिका बारेमा विवरणहरु सार्वजनिक गरिने समेत बताए । -एजेन्सी

एनआईसी एशिया बैंक लिमिटेडले आफ्नो स्वामित्वमा रहेको सूर्यज्योति लाइफ इन्स्योरेन्स कम्पनीको संस्थापक सेयर आजदेखि लिलामी मार्फत बिक्रीमा राखेको छ । बैंकले कम्पनीको ३ लाख कित्ता संस्थापक सेयर लिलामीमा राखेको हो ।
इच्छुक लगानीकर्ताले आगामी असार २३ गतेसम्म गोप्य शिलबन्दी बोलपत्र पेश गर्नुपर्नेछ। उक्त सेयरको न्यूनतम मूल्य प्रतिकित्ता १६२ रुपैयाँ निर्धारण गरिएको छ ।

सेयर खरिदका लागि बोलपत्र पेश गर्दा न्यूनतम ५ हजार कित्ता र अधिकतममा सम्पूर्ण कित्ताका लागि खरिद आवेदन दिन सकिनेछ। सेयर खरिदका लागि जोसुके व्यक्ति तथा कम्पनीले आवेदन दिन सक्नेछन् ।

सेयर बिक्री प्रबन्धकमा एनआईसी एशिया क्यापिटल लिमिटेड रहेको छ। बोलपत्र आवेदन काठमाण्डौको बबरमहलस्थित एनआईसी एशिया क्यापिटलको कार्यालय वा थापाथलीस्थित एनआईसी एशिया बैंकको कर्पोरेट कार्यालयसँगै विराटनगर, वीरगन्ज, पोखरा, बुटवल, धनगढी र सुर्खेत शाखा कार्यालयमा बुझाउन सकिनेछ।

सानिमा माई हाईड्रो लिमिटेडले पुरानो नगद लाभांस रकम बुझिलिन सेयरधनीहरुलाई अनुरोध गरेको छ । कम्पनीले एक सूचना जारी गर्दै विभिन्न साधारण सभाबाट पारित भएको नगद लाभांस बुझिलिन अनुरोध गरेको हो ।

हालसम्म पुरानो लाभांश नलिएका सेयरधनीहरुले सूचना प्रकाशित भएको १ महिनाभित्र आफूले बुझिलिन बाँकी रहेको नगद लाभांश बुझिलिन कम्पनीले आग्रह गरेको छ ।

हालसम्म दाबी नपरेको लाभांश रकमको विवरण कम्पनीको वेबसाइटको न्यूज एण्ड रिपोर्टमा र सानिमा क्यापिटलको वेबसाइटमा लगइन गरि हेर्न सकिनेछ ।

अन्यथा ५ वर्षभन्दा पुराना अवधिको बुझिलिन बाँकी रहेको नगद लाभांश लगानीकर्ता संरक्षण कोषमा जम्मा गरिने कम्पनीले जनाएको छ ।

हिमालयन एभरेष्ट इन्स्योरेन्स लिमिटेडका प्रमुख कार्यकारी अधिकृत(सीईओ) बिजय बहादुर शाह बर्खास्त भएका छन् । कम्पनीको असार १२ गते बसेको सञ्चालक समितिको बैठकले शाहलाई पदबाट हटाउने निर्णय गरेको हो ।

असार १३ गतेदेखि लागू हुनेगरी शाहलाई पदमुक्त गरिएको कम्पनी श्रोतले जनाएको छ । साथै सोही बैठकले कम्पनकी नायब प्रमुख कार्यकारी अधिकृत अन्जु श्रेष्ठलाई अर्को व्यवस्था नभएसम्मका लागि निमित्त सीईओको जिम्मेवारी दिने निर्णय गरेको छ ।