सिवाईसी नेपाल लघुवित्त वित्तीय संस्था लिमिटेले गत आवको थौथो त्रैमाससम्म ३ करोड ८० लाख रुपैयाँ खुद नाफा कमाएको छ । अघिल्लो आवको सोही अवधिसम्म भने संस्थाले ७७ लाख ७ हजार मात्रै खुद नाफा कमाएको थियो ।

संस्थाले ३१ करोड ८७ लाख रुपैयाँ खुद ब्याज आम्दानी गरेको छ । यो रकम अघिल्लो आवको तुलनामा २३.७२ प्रतिशतले धेरै हो । यो अवधिसम्म संस्थाले खुद शुल्क तथा कमिशनबापत ८ करोड २५ लाख आर्जन गरेको छ ।

संस्थाको खुद सञ्चालन आम्दानी ३७ करोड ९१ लाख रुपैयाँ , सञ्चालन मुनाफा ४ करोड ६४ लाख रुपैयाँ रहेको छ । अघिल्लो आवको अन्त्यसम्म २७ करोड ९० लाख रहेको सञ्चालन खर्च १९.२४ प्रतिशतले बढेर ३३ करोड २७ लाख रुपैयाँ पुगेको छ । संस्थाको वितरणयोग्य मुनाफा २ करोड ९७ लाख रुपैयाँ रहेको छ ।

अघिल्लो आवको अन्त्यसम्म ३२ करोड ४४ लाख रुपैयाँ रहेको रिटेन्ड अर्निङ र रिजर्भको आकार बढेर ३२ करोड ६८ लाख रुपैयाँ पुगेको छ ।

संस्थाको निक्षेप संकलन २ अर्ब ४३ करोड रुपैयाँ हुँदा कर्जा प्रवाह पनि ५ अर्ब १७ करोड रुपैयाँबाट बढेर ५ अर्ब ९३ करोड रुपैयाँ पुगेको छ ।

इम्पेयरमेन्ट चार्जका लागि २ करोड २१ लाख रुपैयाँ छुट्टाएको संस्थाको खराब कर्जा अनुपात बढेको छ । संस्थाको खराब कर्जा अनुपात २.९८ प्रतिशत कायम भएको छ । अघिल्लो आवमा संस्थाको खराब कर्जा अनुपात २.९६ प्रतिशतमा सीमित थियो ।

समीक्षा अवधिसम्म संस्थाको प्रतिसेयर आम्दानी १४.३० रुपैयाँमा रहेको छ ।

यस्तै संस्थाको प्रतिसेयर नेटवर्थ २२२.६९ रुपैयाँ,प्रतिसेयर कुल सम्पत्तिको मूल्य २ हजार ४६२.३६ रुपैयाँ,मूल्य आम्दानी अनुपात १०८.३८ गुणा र तरलता अनुपात ११.१६ प्रतिशत रहेको छ ।

नेपाल टेलिकमले गत आर्थिक वर्षको चौथौ त्रैमाससम्म ६ अर्ब ६१ करोड रुपैयाँ खुद नाफा कमाएको छ । जुन अघिल्लो आवको सोही अवधिको तुलनामा १६.४४ प्रतिशतले कमी हो । अघिल्लो आवको अन्त्यसम्म भने कम्पनीले ७ अर्ब ९२ करोड रुपैयाँ खुद नाफा कमाएको थियो ।

कम्पनीले समीक्षा अवधिसम्म ४१ अर्ब ६१ करोड रुपैयाँबराबरको कुल आम्दानी गरेको छ । जुन अघिल्लो आवको सोही अवधिको तुलनामा ६.३२ प्रतिशतले कम हो ।

कम्पनीको रिजर्भको आकार ७६ अर्ब ५७ करोड रुपैयाँबराबर रहेको छ । त्यस्तै कम्पनीको ईपीएस ४४ रुपैयाँबाट घटेर ३६.७७ रुपैयाँ कायम भएको छ ।

त्यस्तै कम्पनीको प्रतिसेयर नेटवर्थ ५२५.४३ रुपैयाँ, प्रतिसेयर कुल सम्पत्तिको मूल्य ७५८.४६ रुपैयाँ र पीई अनुपात २२.९८ गुणा रहेको छ ।

तारागाँउ रिजेन्सी होटल्स लिमिटेडले ५१ करोड ८२ लाख रुपैयाँ खुद नाफा कमाएको छ । जुन गत आवको सोही अवधिको तुलनामा २८.१८ प्रतिशतले बढी हो ।

कम्पनीले समीक्षा अवधिसम्म १ अर्ब ७३ करोड रुपैयाँबराबर आम्दानी गरेको छ । यो रकम अघिल्लो आवको तुलनामा १०.५९ प्रतिशतले बढी हो । अघिल्लो आवको चौथो त्रैमाससम्म कम्पनीले १ अर्ब ५७ करोड रुपैयाँ कुल आम्दानी गरेको थियो ।

त्यस्तै कम्पनीको सञ्चालन खर्च ७७ करोड ५९ लाख र प्रशासनिक खर्च २२ करोड ६३ लाख रुपैयाँ रहेको छ । त्यस्तै कम्पनीको रिजर्भ बढेर ९१ करोड ४६ लाख रुपैयाँ पुगेको छ । कम्पनीको चुक्तापूँजी १ अर्ब ९६ करोड रुपैयाँ रहेको छ ।

कम्पनीको कुल चालु सम्पत्ति २ अर्ब ५३ करोड र कुल चालु दायित्व १ अर्ब २५ करोड रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी २६.४१ रुपैयाँ, प्रतिसेयर नेटवर्थ पनि १४६.६२, प्रतिसेयर कुल सम्पत्तिको मूल्य २२०.९६, पीई अनुपात ३०.५५ गुणा र तरलता अनुपात २ प्रतिशत रहेको छ ।

बुटवल पावर कम्पनी लिमिटेडले गत आर्थिक वर्षको चौथौ त्रैमाससम्ममा १७ करोड ६४ लाख रुपैयाँबराबरको खुद नाफा कमाएको छ । यो रकम अघिल्लो आवको तुलनामा ४२.१७ प्रतिशतले घटी हो ।

कम्पनीले समीक्षा अवधिसम्म विद्युत बिक्रीमार्फत ६८ करोड ७० लाख रुपैयाँ आम्दानी गरेको छ । जुन अघिल्लो आवको तुलनामा ५.१६ प्रतिशतले कम हो ।

कम्पनीको खुद आम्दानी भने २४ करोड ९८ लाख रुपैयाँ रहेको छ । कम्पनीको अन्य आम्दानी १० करोड ३८ लाख रुपैयाँ रहेको छ ।
कम्पनीको साधारण खर्च ३० करोड २८ लाख, वितरण खर्च १३ करोड ४३ लाख, प्रशासनिक र अन्य सञ्चालन खर्च १३ करोड ४० लाख र वित्त खर्च १ करोड ३० लाख रुपैयाँ रहेको छ ।

यस कम्पनीको कुल चालु सम्पत्ति ७६ करोड ९ लाख र कुल चालु दायित्व १७ करोड १३ लाख रुपेयाँ छ ।

समीक्षा अवधिसम्म कम्पनीको प्रतिसेयर आम्दानी(ईपीएस) ५.१७ रुपैयाँ,प्रतिसेयर नेटवर्थ २०६.६८ रुपैयाँ, मूल्य आम्दानी अनुपात ५९.९६ गुणा रहेको छ ।