मानुषी लघुवित्त वित्तीय संस्था लिमिटेडको लक–इन अवधि आज समाप्त हुदै छ। संस्थाको संस्थापक सेयरधनीहरु तथा कर्मचारीको लक इनमा राखिएको सेयरको लक–इन अवधि आजदेखि सकिन लागेको हो ।

संस्थाको संस्थापक सेयरधनीको स्वामित्वमा रहेको ७ लाख कित्ता र कर्मचारीको स्वामित्वमा रहेको ५ हजार ४६९ कित्ता गरी कुल ७ लाख ५ हजार ४६९ कित्ता सेयरको लक–इन अवधि समाप्त हुन लागेको हो ।

संस्थाले २०७८ साउन २७ गतेदेखि साउन ३१ गतेसम्म सर्वसाधारण(कर्मचारी समेत) लाई आईपीआो निष्कासन गरेको थियो । उक्त आईपीओ २०७८ भदौ ७ गते बाँडफाँड गरिएको थियो ।

सर्वसाधारणका लागि निष्कासन गरि बाँडफाँड गरिएको मितिले ३ वर्ष समाप्त नभएसम्म संस्थापक सेयरधनीले धारण गरेको र कर्मचारीलाई बाँडफाँड गरिएको सेयर लक इनमा राख्नु पर्ने व्यवस्था भएबमोजिम उक्त सेयर लक इनमा राखिएको छ ।

लक–इन पिरियड समाप्त भएपछि यी सेयर दोस्रो बजारमा कारोबारमा आउनेछन् ।

समता घरेलु लघुवित्त वित्तीय संस्थाले संस्थापक सेयरधनीको स्वामित्वमा रहेको २० हजार कित्ता संस्थापक सेयर बिक्रीमा राखेको छ ।
यो सेयर खरिदका लागि जो सुकै व्यक्ति तथा कम्पनीले खरिद आवेदन दिन सक्नेछन् । सेयर खरिद गर्न चाहने इच्छुक लगानीकर्ताले सूचना प्रकाशित भएको ७ दिनभित्र बनेपामा रहेको संस्थाको केन्द्रीय कार्यालयमा आईपुग्ने गरी आवेदन दिनु पर्नेछ ।

कम्पनीले पहिलोपटक गत असार २९ गते ३५ दिने सूचना जारी गर्दै ६४ हजार ९१९ कित्ता संस्थापक सेयर बिक्रीमा राखेको थियो । उक्त सेयरमा विद्यमान संस्थापक सेयरधीनीहरुबाट ४४ हजार ९१९ कित्ताका लागि खरिद आवेदन परेको थियो । बाँकी २० हजार कित्ता भने बिक्री भएको थिएन । उक्त बिक्री हुन बाँकी रहेको सेयर कम्पनीले आजदेखि सर्वसाधारणका लागि बिक्रीमा राखेको हो ।

हाईड्रो इलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड(एचआईडीसीएल)को १ करोड कित्ता बढी संस्थापक सेयरमा खरिद गर्ने अन्तिम दिन आज रहेको छ । कम्पनीले गत साउन २९ गतेदेखि बोलकबोल प्रक्रियामार्फत १ करोड ६८ लाख ५९ हजार ०५० कित्ता सेयर बिक्रीमा राखेको थियो ।
कम्पनीको साउन २१ गते बसेको सञ्चालक समितिको बैठकको निर्णय बमोजिम संस्थापक सेयरधनी समूह‘क’उप समूह क–२ को अन्य संस्थापक अन्तर्गत लिलाम बढाबढ प्रक्रियामार्फ बिक्री नभई बाँकी रहेको उक्त सेयर लिलामीमातर्फ बिक्रीमा राखेको हो ।

यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ ।

बोलकबोल आवेदन पेश गर्दा न्यूनतम १०० कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।

लगानीकर्ताले ग्लोबल आइएमई क्यापिटलको कार्यालय र ग्लोबल आइएमई बैंकको शाखा कार्यालयहरुमा संपर्क गर्न सक्नेछन ।

नेशनल फण्ड म्यानेजमेन्ट लिमिटेडले ११ लाख कित्ता बढी संस्थापक समूहको अवितरित हकप्रद सेयर बिक्री गर्ने भएको छ । कम्पनीले आगामी भदौ १३ गतेदेखि ११ लाख ७२ हजार कित्ता अवितरित हकप्रद सेयर बिक्रीमा राख्न लागेको हो ।

नेशनल फण्ड म्यानेजमेन्टको गत जेठ २५ गतेको विशेष साधारण सभाबाट पारित भई सञ्चालक समितिको निर्णय बमोजिम जेठ ३२ गतेसम्म कायम संस्थापक सेयरधनीहरुका लागि चुक्ता पूँजी ५४ करोडको २ः१ अर्थात ५० प्रतिशत ले हुन आउने प्रति शेयर अंकित मूल्य रु.५० दरको २७ करोड रुपैयाँ बराबरको ५४ लाख कित्ता हकप्रद सेयर असार १९ गतेदेखि साउन २२ गतेसम्म निष्काशन तथा बिक्री खुल्ला गरिएको थियो । उक्त निष्काशित सम्पूर्ण सेयरको लागि आवेदन प्राप्त नभई बाँकी रहन गएको सेयर लिलामी प्रक्रियामार्फत बिक्री गर्न लागिएको कम्पनीले जनाएको छ ।

सेयर खरिदका लागि हाल कायम संस्थापक सेयरधनी, योग्य व्यक्ति, संघ÷संस्था तथा कम्पनीले बोलपत्र आवेदन पेश गर्न सक्नेछन् । इच्छुक लगानीकर्ताले भदौ २० गते बैंकिङ्ग समय भित्र धितोपत्र व्यवसायी सानिमा क्यापिटल लिमिटेड नक्सालमा आइपुग्ने गरी प्रतिकित्ता के कति दर रेटमा खरिद गर्ने हो उल्लेख गरि गोप्य शिलबन्दी बोलपत्र आवेदन पेश गर्नु पर्नेछ ।

सेयरको न्यूनतम मूल्य प्रतिकित्ता ५० रुपैयाँ र प्रिमियम थप ५० रुपैयाँ गरि कुल १०० रुपैयाँ निर्धारण गरिएको छ । बोलपत्र पेश गर्दा न्यूनतम २० हजार कित्ताका लागि आवेदन दिनु पर्नेछ ।

नेशनल फण्ड म्यानेजमेन्ट आईपीओ निष्कासनको तयारीमा रहेको छ । कम्पनीले गत जेठ २५ गते विशेष साधारण सभामार्फत आईपीओ निष्कासनको अजेण्डा पारित गरेको छ ।

सन नेपाल लाइफ इन्सुरेन्स कम्पनी लिमिटेड
गत आबको चौथो त्रैमाससम्म लाइफ इन्सुरेन्स कम्पनी मध्ये सबैभन्दा धेरै ईपियस हुने कम्पनी सन नेपाल लाइफ इन्सुरेन्स कम्पनी लिमिटेड रहेको छ । यस कम्पनिको ईपीएस १४.५१ रहेको छ भने बुक भ्यालु १५४.०७ रहेको छ ।

आइएमई लाइफ इन्सुरेन्स कम्पनी लिमिटेड
लाइफ इन्सुरेन्स कम्पनी मध्ये दोश्रो सबैभन्दा धेरै ईपियस हुने कम्पनी आइएमई लाइफ इन्सुरेन्स कम्पनी लिमिटेड रहेको छ । यस कम्पनिको ईपीएस १०.२९ रहेको छ भने बुक भ्यालु १४२.०४ रहेको छ ।

एसियन लाईफ इन्सुरेन्स कम्पनी लिमिटेड
लाइफ इन्सुरेन्स कम्पनी मध्ये तेश्रो सबैभन्दा धेरै ईपियस हुने कम्पनी आइएमई लाइफ इन्सुरेन्स कम्पनी लिमिटेड रहेको छ । यस कम्पनिको ईपीएस ९.६६ रहेको छ भने बुक भ्यालु १०८.०५ रहेको छ ।

रिलायबल नेपाल लाइफ इन्सुरेन्स कम्पनी लिमिटेड
लाइफ इन्सुरेन्स कम्पनी मध्ये चौथो सबैभन्दा धेरै ईपियस हुने कम्पनी रिलायबल नेपाल लाइफ इन्सुरेन्स कम्पनी लिमिटेड रहेको छ । यस कम्पनिको ईपीएस ९.१८ रहेको छ भने बुक भ्यालु १५५.३२ रहेको छ ।

लाइफ इन्सुरेन्स कर्पोरेसन नेपाल
लाइफ इन्सुरेन्स कम्पनी मध्ये पाचौ सबैभन्दा धेरै ईपियस हुने कम्पनी लाइफ इन्सुरेन्स कर्पोरेसन नेपाल रहेको छ । यस कम्पनिको ईपीएस ८.९८ रहेको छ भने बुक भ्यालु २१२.७७ रहेको छ ।

Paid up capital, reserve in thousands .

बाराही हाईड्रोपावर पब्लिक लिमिटेड गत आर्थिक वर्ष २०८०/८१ को अपरिष्कृत वित्तीय विवरण सार्वजनिक गरेको छ । जसअनुसार कम्पनी १ करोड ८७ लाख रुपैयाँ घाटामा रहेको छ । अघिल्लो आवको सोही अवधिसम्म पनि कम्पनी २ करोड ७ लाख रुपैयाँ घाटामा थियो ।

कम्पनीले विद्युत बिक्रीमार्फत २ करोड ६१ लाख र अन्य आम्दानी २५ हजार ३५७ सय रुपैयाँ कमाएको छ । यो अवधिसम्म कम्पनीले २७ लाख ११ हजार रुपैयाँ प्रशासनिक खर्च र ६४ लाख २३ हजार रुपैयाँबराबरको सञ्चालन खर्च गरेको छ ।

कम्पनीको चुक्तापूँजी २५ करोड रुपैयाँ छ भने रिजर्भको आकार १० करोड ७३ लाख रुपैयाँले ऋणात्मक अवस्थामा छ । कम्पनीको कुल चालु सम्पत्ति ५ करोड ६३ लाख र कुल चालु दायित्व ३ करोड ८१ लाख रुपैयाँ छ ।