नबिल बैंक लिमिटेडको विशेष साधारण सभा आज आयोजना हुँदैछ । यो सभा बिहान ११ बजेदेखि भर्चुअल माध्यम (जुम) मार्फत सुरु हुनेछ ।
उक्त बैठकमा ‘नबिल ८ प्रतिशत अविमोच्य असञ्चिति अग्राधिकार सेयर’ जारी गर्ने र अधिकृत,जारी तथा चुक्तापूँजी वृद्धि गर्नुका साथै प्रबन्धपत्र र नियमावलीको आवश्यक संशोधन गर्ने लगायतका अजेण्डाहरु पारित गरिनेछ ।
यसका लागि बैंकले भदौ ७ गते बुक क्लोज गरिसकेको हुनाले भदौ ६ गतेसम्म नेप्सेमा कारोबार भई कायम भएका सेयरधनीहरु मात्रै सभामा सहभागी हुन योग्य हुनेछन् ।
विकास हाईड्रोपावर कम्पनी लिमिटेडले आईपीओ निष्कासनहको मुख्य अजेण्डासहित वार्षिक साधारण सभा आह्वान गरेको छ । भदौ १३ गते बसेको कम्पनीको सञ्चालक समितिको बैठकले साधारण सभा डाकेको हो ।
उक्त सभा आगामी असोज २२ गते काठमाण्डौको उत्तरढोकामा रहेको भिनोलिभा हस्पिटालिटीमा बिहान ११ बजे आयोजना हुनेछ ।
उक्त सभामा आम सर्वसाधारणलाई आईपीओ जारी गर्ने,प्रबन्धपत्र तथा नियमावलीमा संशोधन गर्ने, नियमनकारी निकायबाट कुनै संशोधन गर्न निर्देशन आएमा सोही बमोजिम गर्न सञ्चालक समितिलाई अख्तियारी प्रदान गर्ने र आव २०८०/८१ को वार्षिक प्रतिवेदन लगायातका अन्य वित्तीय विवरणहरु पारित गर्ने प्रस्ताव पारित गरिनेछ ।
हाल धितोपत्र बोर्ड प्रमुख बिहीन रहेको छ । बोर्डको दैनिक कार्यसन्चाललको कार्य निमित्त प्रमुखले गरिरहे पनि हाल आइपिओ निस्कासनको कार्य ठप्प प्राय रहेको छ ।
नयाँ कार्य गर्नका लागि र निर्माणाधिन प्रोजेक्ट पुरा गर्न पुजी सङ्कलन गर्ने उदेस्यले आइपिओ जारी गर्न खोजीरहेका कम्पनिहरुले आबस्यक प्रकृया पुरा गर्दा पनी आइपिओ जारी गर्ने अनुमती पाउन सकेका छैनन
उता लगानिकर्ता आइपिओ भर्ने समेतको उदेश्यले वार्षिक मेरो शेयर र डिम्याटको गरी १५० तिरेर पनि त्यसबापत पाउने आइपिओ भर्ने सुबिधाबाट बन्चित रहेका छन ।
धितोपत्र नियुक्तीको प्रकृया सुरु नभएको पनि होइन तर सिफारिस समितिले ३ जनाको नाम सिफारिस गर्नुपर्नेमा ५ जना मध्ये ३ जना अन्तर्वाता तथा कार्ययोजनाको प्रस्तुतीमै नआएपछी सिफारिस समिती अनिर्णित छ र यो बिषय अहिले अदालतमा रहेको छ ।
प्रमुख नहुनु एउटा कुरा तर प्रमुख नहुँदा आइपिओ लगायतका कामहरु ठप्प जस्तै हुनु अनोठौ छ ।
प्रिमियम मुल्यका र बुक बिल्डिङ बिधीबाट निस्कासन हुने आइपिओलाई हाल अनुमती नदिने र प्रमुख आएपछी मात्र अनुमती दिने तर पोजेटिभ नेटवर्थ भएका भएका कम्पनी जसले प्रतीकित्ता रु १०० मा नै आइपिओ जारी गर्न खोजिरहेका छन , ती कम्पनिहरुलाई आइपिओ जारी गर्ने अनुमती दिदा हुने थियो तर त्यती पनि हुँन सकेको छैन । नयाँ अध्यक्ष ( प्रमुख ) नआइन्जेलका लागि भनेर आएका प्रमुख ( निमित्त ) ले यती सामान्य काम पनि गर्न नसकेर तलब भत्ता पकाउने मात्रै काम गरिरहेका छैनन ? भन्ने प्रस्न उठ्न थालेका छन ।
साथै लामो समय सेयर बजारको नियामक निकाय धितोपत्र बोर्ड, प्रमुख बिहिन हुनु उचित हुँदैन । यस बिसयमा सम्बन्धित निकायको ध्यान जानु उचित हुन्छ । यस बिसयमा रहेका बाधा अड्काउ फुकाउनु जरुरी देखिन्छ ।
-राम बहादुर खत्रीको बिचार
कुमारी बैंकले क्यूआर कारोबारकै धितोमा कर्जा प्रदान गर्ने भएको छ । बैंकले देशका हरेक भागमा रहेका उद्यमशिलता प्रर्वद्धनका लागि ‘देशैभरी बर्षै भरी“उद्यमी केन्द्रित वित्तिय साक्षरता कार्यक्रम सञ्चालन गरिरहेकोमा साना उद्यमीहरुलाई वित्तिय सबलता प्रदान गर्ने हेतुले क्युआर कारोबारकै धितोमा क्यूआर मर्चेन्ट फोन लोन सुविधा सञ्चालन गरिहेको छ ।
यस योजना अन्र्तगत उद्यमीहरुले आफ्ना नजिक रहेका कुमारी बैंकका शाखाहरुमा आफ्ना ब्यावसायको खाता खोली क्युआर मार्फत प्रतिहप्ता कम्तिमा २ व्यावसायिक कारोबारहरु लगातार ४ हप्ता भई मासिक कम्तिमा १० हजार रुपैयाँबराबरको कारोबार उक्त बैंक खातामा हुँदा उद्यमीहरुले दुई लाखसम्मको कर्जा कुनै पनि कागजात वा धितो बिना नै कुमारी बैंकको मोबाइल बैकिङ एप प्रयोग गरि सहजै लिन सक्ने छन् ।
यसरी लिएको कर्जाको भुक्तानीको तरिका समेत उक्त एप मार्फत नै गर्न सकिने भएकोले व्यावसायिहरु कर्जा लिन तथा तिर्नका लागि बैंक जानु पर्ने छैन् । यस सुविधाबाट साना उद्यमीहरु सहजै औपचारिक वित्तिय संयन्त्रमा आर्कषित हुने तथाउनिहरुको उद्यमशिलता प्रर्वद्धनमा केहि टेवा पुग्ने विश्वास बैंकले लिएको छ ।
कुमारी बैंकले आफ्ना देशभर रहेका ३०२ शाखा सञ्जाल, ३१४ एटीएम, ५० एक्सटेन्सन काउन्टर तथा ५७ शाखा रहित बैंकिङ ईकाईहरु मार्फत सेवा प्रदान गर्दै आईरहेको छ ।
कुमारी बैंक लिमिटेड र श्री एयरलाइन्स बीच कुमारी बैंक लिमिटेडका ग्राहक र उनीहरूको परिवारका सदस्यहरूलाई श्री एयरलाइन्स बाट यात्रा गर्दा लाग्ने टिकट शुल्कमा आर्कषक छुट प्रदान गर्ने सम्झौता भएको छ ।
यस सम्झौता अनुसार श्री एयरलाइन्सका काउण्टरहरुबाट कुमारी बैंक लिमिटेडका ग्राहक र उनीहरूका परिवारका सदस्यहरू (बुवा, आमा, श्रीमती र छोरा/छोरी) को लागि टिकट खरिद गरि कुमारी बैंककै डेबिट/क्रेडिट कार्ड, मोवाइल बैकिङ्ग सेवा बाट रकम भुक्तानी गर्दा रु ५०० छुट प्राप्त गर्न सक्नेछन् । यस सुविधाबाट सेवाग्राहीहरुले गुणस्तरिय सेवा प्राप्त गर्नुका साथै अधिकतम लाभ समेत प्राप्त गर्न सकिनेमा बैंक विश्वस्त रहेको छ ।
विगत २३ वर्ष देखि निरन्तर बैंकिङ्ग सेवा दिदै आएको कुमारी बैंकले अनवरतरुपमा वित्तिय साक्षरता प्रवद्र्धन गर्दै आफ्ना देशभर रहेका ३०२ शाखा सञ्जाल, ३१८ एटिएम, ५० एक्सटेन्सन काउन्टर तथा ५७ शाखा रहित बैंकिङ्ग ईकाईहरु मार्फत आफ्ना ग्राहकवर्गलाई अत्याधुनिक तथा प्रभावकारी सेवाहरु प्रदान गर्दै आइरहेको छ र आगामी दिनहरुमा पनि अझ सरल, सुलभ तथा उत्कृष्ट सेवाका निमित्त सहकार्यहरु गर्दै जाने समेत प्रतिबद्धता जनाएको छ ।
महालक्ष्मी विकास बैंक लिमिटेडले स्वास्थ्य, होटल तथा रेष्टुरेन्ट क्षेत्रका संस्थासँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरुसँग सम्झौता गरेको छ ।
सम्झौतापश्चात महालक्ष्मी विकास बैंकका डेबिट कार्ड, क्रेडिट कार्ड तथा मोबाइल बैंकिङ प्रयोग गर्ने ग्राहकहरुले उक्त संस्थाहरुका विभिन्न सेवाहरुमा विशेष छुट प्राप्त गर्न सक्नेछन् ।
यस किसिमको सहकार्यबाट बैंकका डेबिट कार्ड, क्रेडिट कार्ड तथा मोबाइल बैंकिङ प्रयोग गर्ने ग्राहकहरु प्रत्यक्ष रुपमा लाभान्वित हुने विश्वास बैंकले लिएको छ ।
सानिमा म्युचुअल फण्ड अन्तर्गत सञ्चालित ३ वटा म्युचुअल फण्डको लाभांश घोषणा गरिएको छ । सानिमा बैंक लिमिटेड कोष प्रवद्र्धक तथा सानिमा क्यापिटल लिमिटेड योजना व्यवस्थापक तथा डिपोजिटरी रहेको सानिमा म्युचुअल फण्डअन्तर्गत सञ्चालित सानिमा इक्विटी फण्ड, सानिमा लार्ज क्याप फण्ड र सानिमा ग्रोथ फण्डको लाभांश घोषणा गरिएको हो ।
योजना व्यवस्थापक सानिमा क्यापिटलको भदो १४ गते बसेको सञ्चालक समितिको बैठकले आर्थिक २०८०/८१ का लागि लाभांश घोषणा गरेको हो ।
बैठकले सानिमा इक्विटी फण्डका लागि १५ प्रतिशत सानिमा लार्ज क्याप फण्डका लागि १० प्रतिशत र सानिमा ग्रोथ फण्ड लागि पनि १० प्रतिशत नगद लाभांश (कर सहित) प्रदान गर्ने निर्णय गरेको छ । यी सबै म्युचुअल फण्ड बन्दमुखी योजना हुन् ।
खोरङ्गा हाईड्रोपावर लिमिटेडले आईपीओ निष्कासन गर्ने तयारी गरेको छ । कम्पनीले आईपीओ निष्कासनको अजेण्डा पारित गर्न वार्षिक साधारण सभा डाकेको छ ।
भदौ ११ गते बसेको कम्पनीको सञ्चालक समितिको बैठकले साधारण सभाको मिति,स्थान र समय तय गरेको छ । बैठकले आगामी असोज ७ गते सोमबारका दिन काठमाण्डौको महाराजगञ्जमा रहेको कम्पनीको रजिष्टर्ड कार्यालयमा बिहान १० बजेदेखि सभा आयोजना गर्ने निर्णय गरेको छ ।
उक्त सभामा सर्वसाधारणलाई कम्पनीको आईपीओ निष्कासन गर्ने, प्रबन्धपत्र तथा नियमावलीमा संशोधन गर्ने, नियामकिय निकायबाट कुनै परिवर्तन गर्न निर्देशन आएमा सोही बमोजिम गर्न सञ्चालक समितिलाई निर्देशन दिने र् लगानी सम्बन्धी विशेष प्रस्तावहरु पारित गरिनेछ ।
यस्तै सभामा सञ्चालक समितिको गठन, सञ्चालक समितिले गरेका काम कारवाहीको अनुमोदन र संस्थागत सुशासन प्रतिवेदन जस्ता प्रस्तावहरु समेत पारित गरिनेछ ।
सिद्धार्थ बैंक लिमिटेडले संस्थापक सेयरधनीको स्वामित्वमा रहेको ८१ हजार ५७० कित्ता संस्थापक सेयर बिक्रीमा राखेको छ । यो सेयर खरिदका लागि बैंकका विद्यमान संस्थापक सेयरधनीले मात्रै खरिद आवेदन दिन सक्नेछन् ।
इच्छुक संस्थापक सेयरधनीहरुले काठमाण्डौको नक्सालमा रहेको बैंकको केन्द्रीय कार्यालयमा रहेको कम्पनी सचिवका कार्यालयमा आफुले लिन चाहेको सेयर संख्या खुलाई आवेदन दिनुपर्नेछ। संस्थापक सेयरधनीले सेयर खरिदका लागि सूचना प्रकाशित भएको ३५ दिनभित्र आवेदन दिनुपर्नेछ।
तोकिएको समयभित्र संस्थापक सेयरधनीहरुबाट खरिद आवेदन नपरेमा अन्य व्यक्ति तथा संघ संस्थालाई सेयर बिक्री गर्ने प्रक्रिया अघि बढाइने बैंकले जनाएको छ ।
आँखुखोला जलविद्युत कम्पनी लिमिटेडको हकप्रद सेयरमा खरिद आवेदन दिने आज अन्तिम दिन रहेको छ ।
कम्पनीले हाल कायम चुक्तापूँजी ८० करोड रुपैयाँबराबरको १ः१.५ अनुपातमा रु.१०० अंकित दरका १ करोड २० लाख कित्ता हकप्रद गत साउन २७ गतेदेखि निष्कासन गरेको थियो ।
लगानीकर्ताले नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालयबाट आवेदन दिन सक्नेछन्। सीडीएससीको मेरो सेयरबाट पनि अनलाइन आवेदन सकिनेछ।
त्यस्तै, लगानीकर्ताले बिक्री प्रबन्धक नबिल इन्भेष्टमेन्ट बैंकिङ लिमिटेडको केन्द्रीय कार्यालय तथा प्राइम कमर्सियल बैंक धादिङ,प्रभु बैंक शाखा कार्यालउ धादिङ,माछापुच्छ्रे बैंक सल्यानटार धादिङ र कुमारी बैंक धादिङवेशीमा रहेको शाखा कार्यालयबाट समेत आवेदन दिन सक्नेछन्।
हकप्रद सेयरको बिक्री प्रबन्धकमा नबिल इन्भेष्टमेन्ट बैंकिङ लिमिटेड रहेको छ।
हकप्रद सेयर निष्काशन प्रयोजनका लागि कम्पनीले गत साउन १ गते बुक क्लोज गरेको थियो। यसर्थ असार ३१ गतेसम्म नेप्सेमा कारोबार भइ कायम सेयरधनीहरुले मात्रै यो हकप्रद खरिदका लागि आवेदन दिन सक्नेछन्।
कम्पनीले शतप्रतिशत हकप्रद निष्कासनका लागि नेपाल धितोपत्र बोर्डबाट गत असार १९ गते स्वीकृति पाएको थियो । कम्पनीले हकप्रदबाट जुट्ने रकम गणेश हिमालले प्रवद्धन गर्न लागेको २० मेगावाटको आँखुखोला–२ जलविद्युत आयोजनामा ८० करोड लगानी गर्ने र बाँकी रकम ४० करोड ऋण भुक्तानीका लागि उपयोग गर्ने जनाएको छ ।
