सार्वजनिक खरिद अनुगमन कार्यालयले विभिन्न १० निर्माण कम्पनीलाई कालोसूचीमा राख्ने तयारी गरेको छ ।

कार्यालयले एक सुचना जारी गर्दै बिभिन्न निकायबाट कालोसुचिमा राख्न अनुरोध भएकोमा यसअघि लिखित स्पष्टीकरण पेस गर्न ३० दिनको समय दिएकोमा हालसम्म पनि लिखित स्पष्टीकरण पेस नगरेकोले कालोसूचीमा राख्ने तयारी गरेको उल्लेख गरेको छ।

कार्यालयले आजको दिनदेखि सात दिनभित्र लिखित स्पष्टीकरण पेस गर्न पुनः समय दिएको छ । सो समयभित्र पनि लिखित स्पष्टीकरण पेस नभएमा कार्यालयले विधिवत् रूपमा कालोसूचीमा राख्ने निर्णय गर्ने जनाइएको छ ।

नेकपा एमालेका सांसद पदम गिरीले आईतवार प्रतिनिधि सभा अन्तर्गतको अर्थसमिति बैठकमा बोल्दै अर्थ समितिले नीतिगत कुराहरुमा छलफल गर्ने भएकाले धितोपत्र बोर्ड अर्थ समितिको क्षेत्राधिकार भित्र पर्ने बताएका छन ।

त्यस्तै लेखा समितिले अनियमितता विषयमा हेर्ने भएकाले लेखा समितिको निर्देशन पनि सही नै देखिएको बताए ।

गिरिले नियमावली नै संशोधन गरेर पुनःमूल्याङ्कन गर्ने कम्पनीहरुको मूल्य बढाएर आईपीओ जारी गर्दा लगानीकर्ताहरु मर्कामा परेको बताए । उनले घाटामा रहेका कम्पनीलाई आईपीओ जारी गर्न दिएर लगानिकर्तामाथी घात गरेको स्पस्ट सङ्केत गरे ।

उनले अगाडि भने ,‘नियमावली संशोधन गर्दा राजपत्रका प्रकाशित गर्नुपर्ने थियो । त्यहाँ पनि जारी भएको छैन । वास्तवमा सर्वसाधरण सूचनाको हकबाट समेत बन्चित भएको अवस्था छ । यसलाई गम्भिर रुपमा हेर्नुपर्छ ।’

नेटवर्थ ९० प्रतिशत भन्दा माथि वा तल भन्ने विषयमा समितिमा गम्भिर रुपमा छलफल गर्नु आवश्यक रहेको र घाटामा रहेका कम्पनीहरुको आईपीओ जारी गर्न दिँदा सेयर लगानीकर्तालाई ठूलो असर पर्ने गरेको बताएका छन् ।

हिमालयन उर्जा विकास कम्पनी लिमिटेडले १४ लाख कित्ता बढी सेयर बोलकबोल प्रक्रियामार्फत बिक्रीमा राख्ने निर्णय गरेको छ । कम्पनीले आगामी असोज ७ गतेदेखि १४ लाख ४६ हजार ३५९ कित्ता अवितरित हकप्रद सेयर लिलामीमार्फत बिक्रीमा राख्न लागेको हो ।

कम्पनीले गत असार १९ गतेसम्म कायम साविकका सेयरधनीहरुका लागि ९९ लाख कित्ता हकप्रद सेयरको निष्काशन गर्दा अबितरित रहेको १४ लाख ४६ हजार ३५९ कित्ता हकप्रद सेयर लिलाम बिक्रिमा कम्पनीले असोज ७ गतेदेखि उक्त सेयरहरुको बिक्री आवेदन खुलाउन लागेको हो ।

यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ । बोलकबोल आवेदन पेश गर्दा न्यूनतम १०० कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।

लगानीकर्ताले नबिल इन्भेष्टमेन्ट बैंकिङ नबिल बैंकका शाखा कार्यालयहरु,विराटनगर, जनकपुर,भक्तपुर,पोखरा,कोहलपुर, सुर्खेत र महेन्द्रनगरमा बोलपत्र आवेदन बुझाउन सक्नेछन् ।

बोलपत्र आवेदन पेश गर्ने अन्तिम मिति असोज १४ गते रहेको छ ।

भगवती हाईड्रोपावर डेभलपमेण्ट कम्पनीको लाभांश सुरक्षित गर्ने आज अन्तिम दिन रहेको छ।

कम्पनीले गत आव २०८०/८१ का लागि प्रस्ताव गरेको १४.७३६८ प्रतिशत लाभांश सुरक्षित गर्ने आज अन्तिम दिन रहेको हो।

लाभांश वितरण प्रयोजनका लागि कम्पनीले असोज २ गते बुक क्लोज गर्ने निर्णय गरेको र असोज १ गते इन्द्रजात्राको काठमाण्डौ उपत्याकामा बिदा परेकाले सेयर बजार बन्द रहने भएकोले आज सम्म कायम सेयरधनिले मात्र लाभाम्स पाउनेछन ।

यो लाभांश कम्पनीको आगामी असोज १६ गते आयोजना हुने कम्पनीको २४ औं वार्षिक साधारण सभाबाट पारित गरी सेयरधनीलाई वितरण गरिनेछ।