हिमालयन उर्जा विकास कम्पनी लिमिटेडले १४ लाख कित्ता बढी सेयर लीलाम बिक्रीमा राखिएको छ । कम्पनीले आजदेखि १४ लाख ४६ हजार ३५९ कित्ता अवितरित हकप्रद सेयर लिलामीमार्फत बिक्रीमा राखेको हो ।

कम्पनीले प्रति कित्ता रु.१०० अंकित दरको ९९ लाख कित्ता हकप्रद सेयरको निष्काशन तथा बिक्री खुला गर्दा रितपूर्वक आवेदन दिने ३१ हजार ५८३ जना सेयरधनीहरुलाई ८४ लाख ५३ हजार ६४१ कित्ता हकप्रद सेयर बाँडफाँड भएको थियो । अबितरित रहेको १४ लाख ४६ हजार ३५९ कित्ता हकप्रद सेयर लिलाम बिक्री गर्न लागिएको हो ।

यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ । बोलकबोल आवेदन पेश गर्दा न्यूनतम १०० कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।

लगानीकर्ताले नबिल इन्भेष्टमेन्ट बैंकिङ नबिल बैंकका शाखा कार्यालयहरु,विराटनगर, जनकपुर,भक्तपुर,पोखरा,कोहलपुर, सुर्खेत र महेन्द्रनगरमा बोलपत्र आवेदन बुझाउन सक्नेछन् ।

बोलपत्र आवेदन पेश गर्ने अन्तिम मिति असोज १४ गते रहेको छ ।

सर्वोत्तम सिमेन्ट लिमिटेडको लक इन पिरीओड सकिएको छ ।

कम्पनीले योग्य संस्थागत लगानीकर्तालाई बाँडफाँड गरेको २४ लाख कित्ता सेयरको लक इन अवधि असोज ५ गते समाप्त भएको हो ।

२०८० फागुन २५ गते कम्पनिले आईपीओ बाँडफाँड गरेको थियो । कम्पनीले सामूहिक लगानी कोषका लागि छुट्टाएको सेयरको १ लाख ५४ हजार २२७ कित्ता सेयरको लक इन अवधि भने गत भदौ २५ गते समाप्त भएको थियो ।

कम्पनीले जारी पूँजी ४ अर्ब ६५ करोड रुपैयाँको १२.९०३३ प्रतिशतले हुन आउने कुल ६० लाख कित्ता साधारण सेयरमध्ये ४० प्रतिशत अर्थात २४ लाख कित्ता योग्य संस्थागत लगानीकर्तालाई बाँडफाँड गरेको थियो ।

आज नेपाल स्टक एक्सचेञ्ज(नेप्से)मा सूचिकृत दुई कम्पनी सिईडिबि हाईड्रोपावर र ओेरियण्टल होटलको लाभांश सुरक्षित गर्ने आज अन्तिम दिन रहेको हो ।

दुवै कम्पनीको असोज ७ गते बुक क्लोज हुनेछ । त्यसैले आजसम्म नेप्सेमा कारोबार भई कायम भएका सेयरधनीहरुमात्रै यी कम्पनीहरुद्वारा प्रस्तावित लाभांश प्राप्त गर्न सभामा सहभागी हुन योग्य हुनेछन् । सिईडिबि हाईड्रोपावरले असोज ७ गते र ओरियण्टल होटलले असोज ७ गतेदेखि २० गतेसम्म बुक क्लोज गर्दैछन् ।

सिईडिबि हाईड्रोपावरले गत आर्थिक वर्ष २०८०/८१ का लागि ११ प्रतिशत बोनस सेयर र ओरियण्टल होटलले ५ प्रतिशतका दरले बोनस सेयर र ०.२६३१६ नगद लाभांश(कर प्रयोजनका लागि)लाभांश घोषणा गरेको छ । आगामी असोज २० गते आयोजना हुने कम्पनीको वार्षिक साधारण सभाबाट उक्त लाभांश पारित गरिनेछ ।

अपर तामाकोशी हाइडोपावर लिमीटेडमा कार्यरत दोलखा जिल्लाबासी स्थानीय करार कर्मचारी संघर्ष समितिले आन्दोलनको घोषणा गरेको छ । आफ्ना माग पूरा नभएको भन्दै समितिले आन्दोलनको तयारी गरेको हो ।

जिल्लाबासी स्थानीय करार कर्मचारी र जिल्लाबाहिरका कर्मचारीहरुलाई कम्पनीले उपलब्ध गराउने सेवासुविधामा विभेद गरिएको भन्दै संघर्ष समितिले विभिन्न माग राखी व्यवस्थापनलाई भदौ २८ देखि असोज ३ गतेसम्मको समयसीमा दिएको थियो । सो समयसीमाभित्र पनि आफ्ना माग पूरा नभएपछि संघर्ष समितिले असोज ४ गतेदेखि आन्दोलनका कार्यक्रम घोषणा गरेको हो ।

संघर्ष समितिले असोज ४ गतेदेखि ५ गतेसम्म शान्तिपूर्ण धर्ना दिनेछ । पावर प्लान्ट सञ्चालनमा समितिले कुनै अबरोध गर्ने छैन तर असोज ६ गतेदेखि भने माग पूरा नभएसम्म कम्पनीको सवारी साधन सञ्चालनमा रोक लगाइने संघर्ष समितिले जनाएको छ ।

दोलखा जिल्लाबासी र जिल्ला बाहिरका कर्मचारीहरुले पाउने सेवासुविधामा समानताका हुनुपर्ने माग राखिएको छ ।

समितिले दोलखा जिल्लाबासी केही कर्मचारीहरुको हालै कटौती गरिएको खाईपाई आएको सेवासुविधाको समेत सोधभर्नासहित कटौति गरेको सेवासुविधा उपलब्ध गराउनुपर्ने माग राखेको छ ।

आँखुखोला जलविद्युत कम्पनी लिमिटेले १७ लाख कित्ता बढी सेयर लिलाम बिक्रीमा राख्ने निर्णय गरेको छ । कम्पनीले आगामी असोज ११ गतेदेखि १७ लाख ५० हजार २४८ कित्ता अवितरित हकप्रद सेयर लिलाम बिक्रीमा राख्न लागेको हो ।

कम्पनीले असार ३१ गतेसम्म कायम साविकका सेयरधनीहरुका गत साउन २७ गतेदेखि भदौ १६ गतेसम्म १ कित्ता सेयरबराबर नयाँ १.५ कित्ता ९(१ः१.५) अनुपातमा प्रति कित्ता रु.१०० अंकित दरको १ करोड २० लाख कित्ता हकप्रद सेयरको निष्काशन तथा बिक्री खुला गरेको थियो ।

उक्त हकप्रदमा रितपूर्वक आवेदन दिने ४१ हजार ३६२ जना सेयरधनीहरुलाई १ करोड २ लाख ४९ हजार ७५२ कित्ता हकप्रद सेयर बाँडफाँड भएको थियो । बाँकी रहेको १७ लाख ५० हजार २४८ कित्ता हकप्रद सेयर अवितरित रहेको थियो ।

कम्पनीले असोज ११ गतेदेखि उक्त सेयरहरुको बिक्री आवेदन खुलाउन लागेको हो । यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ ।

बोलकबोल आवेदन पेश गर्दा न्यूनतम १०० कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।

लगानीकर्ताले नबिल इन्भेष्टमेन्ट बैंकिङ, नबिल बैंकका शाखा कार्यालयहरु,विर्तामोड, विरगञ्ज, हेटौडा, जावलाखेल,लेकसाइड,नेपालगञ्ज,सुर्खेत र धनगढीमा बोलपत्र आवेदन बुझाउन सक्नेछन् ।

बोलपत्र आवेदन पेश गर्ने अन्तिम मिति असोज २० गते रहेको छ ।