नेशनल लघुवित्त वित्तीय संस्था लिमिटेडले अब प्रिमियम दरमा एफपीओ निष्काशन गर्ने तयारी गरेको छ। यसअघि कम्पनीले अंकित मूल्यमै एफपीओ निष्काशनका लागि नेपाल धितोपत्र बोर्ड (सेबोन)मा प्रस्ताव पेश गरेको थियो। तर, हाल कम्पनीले उक्त प्रस्ताव परिमार्जन गरी प्रिमियम मूल्यमा एफपीओ निष्काशन गर्न दोस्रोपटक आवेदन पेश गरेको हो।

नयाँ प्रस्तावअनुसार कम्पनीले प्रतिकित्ता २७० रुपैयाँ ४९ पैसाको दरले एफपीओ निष्काशन गर्ने तयारी गरेको छ। यस अन्तर्गत ६ लाख ६९ हजार ९ सय कित्ता साधारण शेयर सर्वसाधारणका लागि सार्वजनिक गरिनेछ।

कम्पनीले एफपीओ निष्काशनका लागि आवश्यक प्रक्रिया अघि बढाइसकेको छ र नेपाल धितोपत्र बोर्डबाट स्वीकृति प्राप्त भएपछि शेयर निष्काशन प्रक्रिया सुरु हुनेछ। एफपीओ निष्काशन प्रक्रिया व्यवस्थापनको जिम्मेवारी आरविवि मर्चेन्ट बैंकलाई दिइएको छ।

आरम्भ चौतारी लघुवित्त वित्तीय संस्था लिमिटेडले संस्थापक समूहको सेयर बिक्रीमा राखेको छ। संस्थाले आजदेखि संस्थापक सेयरधनीको स्वामित्वमा रहेको संस्थापक सेयर बिक्रीमा राखेको हो । संस्थाले यो सेयर विद्यमान संस्थापक सेयरधनीहरुका लागि बिक्रीमा राखिएको जनाएको छ ।

बिक्रीमा राखिएको सेयर संख्या भने खुलाएको छैन ।

इच्छुक संस्थापक सेयरधनीहरुले बनेपामा रहेको संस्थाको केन्द्रीय कार्यालयमा के कति सेयर खरिद गर्न चाहेको हो उल्लेख गरी आवेदन दिनुपर्नेछ। इच्छुक संस्थापक सेयरधनीहरुले सेयर खरिदका लागि सूचना प्रकाशित भएको ३५ दिनभित्र आवेदन दिनुपर्नेछ। सेयरको मूल्य बिक्रेताले तोके बमोजिम हुने जनाइएको छ ।

सो मितिभित्र कुने आवेदन नआएमा अन्य व्यक्ति तथा कम्पनीलाई सेयर बिक्री गर्ने प्रक्रिया अघि बढाइने संस्थाले जनाएको छ ।

श्वेत गंगा हाईड्रोपावर एण्ड कन्स्ट्रक्सन लिमिटेडको लक इन समयावधि आगामी साउन महिनामा समाप्त हुने भएको छ । कम्पनीको कुल ९६ लाख ८९ हजार ५०० कित्ता सेयरको लक इन अवधि साउन १७ गते समाप्त हुन लागेको हो ।

कम्पनीका अनुसार उक्त मितिमा कम्पनीको संस्थापक सेयर, आयोजना प्रभावित क्षेत्रका बासिन्दाका लागि बाँडफाँड गरिएको तथा कर्मचारीका लागि सुरक्षित गरिएको सेयरको लक इन अवधि हुन लागेको हो।

लक इन अवधि खुल्न लागेको कुल सेयरमा ७३ लाख कित्ता संस्थापक सेयर, आयोजना क्षेत्रका स्थानिय बासिन्दालाई बाँडफाँड गरिएको १५ लाख ९३ हजार कित्ता र कर्मचारीका लागि सुरक्षित गरिएको ७ लाख ९६ हजार ५०० कित्ता रहेको छ ।

कम्पनीका सञ्चालक तथा उच्च व्यवस्थापकिय पदमा कार्यरत कर्मचारीहरुको हकमा नियमानुसार सेयर रोक्का रहने कम्पनीले जनाएको छ ।

काठमाडौं । सांग्रिला डेभलपमेन्ट बैंक लिमिटेडले १ लाख २९ हजार ८३० कित्ता संस्थापक सेयर बिक्रीमा राखेको छ। बैंकले विभिन्न संस्थापक सेयरधनीहरूको स्वामित्वमा रहेको यो सेयर बोलकबोल प्रक्रियामार्फत बिक्रीमा ल्याएको हो।

कम्पनीका अनुसार,
👉 १ लाख १५ हजार ५१८ कित्ता सेयर संस्थापक सेयरधनीहरूकै लागि बिक्रीमा राखिएको छ भने,
👉 १४ हजार ३१२ कित्ता सेयर आम सर्वसाधारण वा अन्य कम्पनी तथा संस्थाहरूका लागि बिक्रीमा राखिएको छ।

संस्थापक सेयरधनीका लागि बिक्रीमा राखिएको सेयर खरिद गर्न इच्छुक व्यक्तिले सूचना प्रकाशित भएको ३५ दिनभित्र आवेदन दिनुपर्नेछ। यस्तै, सर्वसाधारण वा अन्य कम्पनी तथा संस्थाका लागि बिक्रीमा राखिएको सेयर खरिद गर्न चाहनेले १५ दिनभित्र आवेदन पेश गर्नुपर्नेछ।

लगानीकर्ताहरूले काठमाण्डौं बालुवाटारस्थित बैंकको केन्द्रीय कार्यालयमा पुगेर खरिद गर्न चाहेको सेयर संख्या र दर उल्लेख गरी निवेदन पेश गर्नुपर्नेछ।

यो सेयर बिक्री प्रक्रियाले सांग्रिलाको स्वामित्व संरचना र बजारको गतिमा असर पार्ने अपेक्षा गरिएको छ।

दिव्यश्वरी हाईड्रोपावर लिमिटेडको साधारण सभा आज हुने भएको छ । कम्पनीको साधारण सभा काठमाण्डौको पुरानो बानेश्वरमा रहेको अन्नपूर्ण पार्टी भेन्युमा दिउसो १ बजेदेखि सुरु हुनेछ ।

यसअघि जेठ २२ गते आयोजना हुने तय भएको कम्पनीको दुई आर्थिक वर्षको साधारण सभा गणपूरक संख्या नपुगेका कारण स्थगित भएको थियो ।

आज आयोजना हुने सभामा शतप्रतिशत हकप्रद सेयर जारी गर्ने र यसका लागि प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।

यस्तै आव २०७९/८० र २०८०/८१ को सञ्चालक समितिको वार्षिक प्रतिवेदनमाथि छलफल गारी पारित गर्ने, लेखापरीक्षकको प्रतिवेदनसहित आव २०७९/८० र २०८०/८१ को नाफा नोक्सान हिसाब तथा सोही अवधिको नगद प्रवाह विवरणमाथि छलफल गरी पारित गरिनुका साथै चालु आवका लागि लेखापरीक्षकको नियुक्ति तथा निजको पारिश्रमिक निर्धारण गर्ने प्रस्ताव समेत पारित गरिनेछ ।

सभामा सञ्चालक समितिको रिक्त रहेको सञ्चालक र स्वतन्त्र सञ्चालकको नियुक्तिलाई अनुमोदन गरिनेछ ।

साधारण सभा प्रयोजनका लागि कम्पनीले गत जेठ ८ गते एक दिनका लागि बुक क्लोज गरेको थियो । यसर्थ जेठ ७ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीको सभामा सहभागी हुनका लागि योग्य हुनेछन् ।