बरुण हाइड्रोपावर कम्पनी लिमिटेडले आजदेखि हकप्रद सेयर निष्कासन गरेको छ । कम्पनीले हाल कायम चुक्तापूँजी ५३ करोड ५८ लाख १५ हजार रुपैयाँबराबरको शतप्रतिशत अर्थात १ः१ अनुपातमा रु.१०० अंकित दरका ५३ लाख ५८ हजार १५० कित्ता हकप्रद सेयर जारी गरेको हो ।

कम्पनीले हकप्रद सेयर निष्कासन प्रयोजनका लागि गत जेठ २२ गते एक दिनका लागि बुक क्लोज गरेको थियो । यसर्थ, जेठ २१ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीद्वारा जारी गरिने हकप्रद खरिदका लागि योग्य हुनेछन् ।

हकप्रदमा आवेदन दिने अन्तिम मिति साउन १९ गते निर्धारण गरिएको छ ।

कम्पनीको हकप्रद निष्कासन तथा बिक्री प्रबन्धकको रुपमा आरबीबी मर्चेन्ट बैंकिङ लिमिटेड रहेको छ । लगानीकर्ताले बिक्री प्रबन्धक आरबीबी मर्चेन्ट बैंकिङका साथै राष्ट्रिय वाणिज्य बैंकको विरगञ्ज, जनकपुर, नारायणगढ, बाग्लुङ, बुटवल, नेपालगञ्ज, वीरेन्द्रनगर, धनगढी, बिर्तामोड, हेटौँडा, तुलसीपुर, महेन्द्रनगर, चैनपुर, खादबारी र धरान शाखा कार्यालयबाट आवेदन दिन सक्नेछन्।

यसैगरी, नेपाल धितोपत्र बोर्डबाट इजाजत प्राप्त सि–आस्बा सेवामा सहभागी बैंक तथा वित्तीय संस्था तथा ‘मेरो सेयर’ बाट समेत आवेदन दिन सक्नेछन्।

हकप्रदबाट प्राप्त रकम क्षतिग्रस्त हेवाखोला जलविद्युत आयोजनाको पुनर्निर्माण तथा जलशक्ति हाइड्रो कम्पनीमा लगानी र अधिग्रहणका लागि उपयोग गरिने कम्पनीले जनाएको छ।

कम्पनीले नेपाल धितोपत्र बोर्डबाट जेठ ६ गते हकप्रदका लागि स्वीकृती प्राप्त गरेको थियो ।

काठमाण्डौ, असार ३१ – अपर हेवाखोला हाइड्रोपावर कम्पनी लिमिटेडको लक–इन अवधि आज (असार ३१ गते) बाट समाप्त भएको छ। कम्पनीको कुल ३५ लाख ३० हजार कित्ता सेयरमा लगाइएको लक–इन अवधि अन्त्य भएको हो।

कम्पनीका अनुसार संस्थापक समूह, आयोजना प्रभावित क्षेत्रका स्थानीय बासिन्दा तथा कर्मचारीहरूका लागि सुरक्षित गरिएको सेयरको लक–इन अवधि समाप्त भएको हो।

उक्त सेयरमध्ये ३० लाख कित्ता संस्थापक सेयर, ५ लाख कित्ता आयोजना प्रभावित क्षेत्रका बासिन्दालाई बाँडफाँड गरिएको सेयर, र ३० हजार कित्ता कर्मचारीका लागि सुरक्षित सेयर रहेका छन्।

यद्यपि, कम्पनीले सञ्चालक समितिका पदाधिकारी तथा उच्च व्यवस्थापन तहमा रहेका कर्मचारीहरूले हाललाई सेयर खरिद–बिक्री गर्न नपाउने स्पष्ट पारेको छ।

लक–इन अवधि समाप्त भएपछि बजारमा बिक्री योग्य सेयरको आपूर्ति बढ्न सक्ने विश्लेषकहरूको अनुमान छ, जसले अल्पकालीन रूपमा सेयर मूल्यमा प्रभाव पार्न सक्ने सम्भावना रहेको छ ।

छिमेक लघुवित्त वित्तीय संस्था लिमिटेडले संस्थापक सेयर बिक्रीमा राखेको छ । संस्थाले दुईजना संस्थापक सेयरधनीको स्वामित्वमा रहेको १ लाख ४५ हजार ५०५ कित्ता संस्थापक सेयर बिक्रीमा राखेको हो ।

सेयर खरिदका लागि संस्थाका विद्यमान संस्थापक सेयरधनीहरुले मात्रै खरिद आवेदन दिन सक्नेछन् । संस्थापक सेयरधनीहरुले सूचना प्रकाशित भएको ३५ दिनभित्र काठमाण्डौको मध्यबोनश्वरमा रहेको संस्थाको केन्द्रीय कार्यालयमा आवेदन दिनु पर्नेछ ।

सेयरको न्यूनतम मूल्य प्रतिकित्ता ३९० सय रुपैयाँ तोकिएको छ । निर्धारित मितिसम्म कुनै आवेदन नपरेमा अन्य व्यक्ति तथा कम्पनीलाई सेयर बिक्री गरिने संस्थाले जनाएको छ ।

नबिल बैंक लिमिटेडले साउन ६ गतेदेखि ३ अर्ब रुपैयाँबराबरको ऋणपत्र निष्कासन गर्ने भएको छ । बैंकले १ हजार रुपैयाँ अंकित दरका कुल ३० लाख कित्ता भएको ७ प्रतिशत नबिल डिबेञ्चर २०८९’ नामक ऋणपत्र निष्कासन गर्न लागेको हो ।
कुल निष्कासनमध्ये १८ लाख इकाई व्यक्तिगत तवरबाट र १२ लाख इकाई आम सर्वसाधारणका लागि निष्कासन गरिनेछ । सार्वजनिक निष्कासनमध्ये ५ प्रतिशत अर्थात ६० हजार कित्ता सामूहिक लगानी कोषका लागि छुट्टाइएको छ ।

८ वर्ष अवधिको यो ऋणपत्रमा वार्षिक ७ प्रतिशत दरले ब्याज भुक्तानी हुनेछ । ।

यो ऋणपत्रमा सि–आस्बा सेवामा सहभागी बैंक तथा वित्तीय संस्थाहरु र तिनका शाखा कार्यालयहरुबाट आवेदन दिन सकिनेछ। यो ऋणपत्रको निष्कासन बन्द छिटोमा साउन ९ गते र ढिलोमा साउन २० गते बैंकिङ समयपछि हुनेछ।

इच्छुक लगानीकर्ताले न्यूनतम २५ कित्ता र अधिकतममा १२ लाख कित्ताका लागि आवेदन दिन सक्नेछन् ।

बैंकको ऋणपत्र निष्कासन तथा बिक्री प्रबन्धकमा नेपाल एसबीआई मर्चेन्ट बैंकिङ लिमिटेड रहेको छ ।

काठमाडौं, साउन २९ – अप्पर सोलु हाइड्रो इलेक्ट्रिक कम्पनी लिमिटेडको लक–इन अवधि आज (साउन २९) बाट समाप्त हुने भएको छ। कम्पनीको अनुसार जम्मा १ करोड १५ लाख ८१ हजार ६५० कित्ता सेयरको लक–इन अवधि आजबाट अन्त्य हुन लागेको हो।

नेपाल धितोपत्र बोर्डको नियमानुसार, सर्वसाधारणका लागि सेयर बाँडफाँड भएको मितिबाट तीन वर्षसम्म संस्थापक, कर्मचारी तथा आयोजना प्रभावित बासिन्दालाई बाँडफाँड गरिएका सेयरहरू लक–इनमा राख्नुपर्ने प्रावधान छ। आज तीन वर्षको समयावधि पूरा भएसँगै ती सेयर बजारमा कारोबारका लागि स्वतन्त्र हुनेछन्।

🔐 लक–इन अवधि समाप्त हुन लागेका सेयर विवरण:

• 📌 संस्थापक सेयर: १ करोड १ लाख ९२ हजार ५०० कित्ता
• 📌 आयोजना प्रभावित क्षेत्रका स्थानीयको सेयर: १३ लाख ५० हजार कित्ता
• 📌 कर्मचारीका लागि सुरक्षित सेयर: ३९ हजार १५० कित्ता

🛑 उच्च पदाधिकारी र व्यवस्थापनका लागि रोक्का जारी

कम्पनीका अनुसार, सञ्चालक समितिका पदाधिकारी तथा उच्च व्यवस्थापन तहका कर्मचारीहरूको हकमा भने नियमनुसार थप समयसम्म सेयर रोक्का रहने व्यवस्था कायमै छ।

📌 के हो ‘लक–इन अवधि’?

लक–इन अवधि भन्नाले तोकिएको समयसम्म कुनै सेयर बिक्री गर्न नपाइने कानुनी प्रावधान हो। यसले सेयर बजारमा स्थायित्व कायम गर्न र संस्थापक तथा आन्तरिक व्यक्तिहरूबाट हुने अचानक सेयर विक्रीको जोखिम कम गर्न सहयोग गर्छ।

यससँगै अब अप्पर सोलु हाइड्रो इलेक्ट्रिक कम्पनीका संस्थापक सेयरधनी, कर्मचारी र स्थानिय बासिन्दाहरूले आफ्नो सेयर कारोबार गर्न सक्ने बाटो खुलेको छ, जसले बजारमा तरलता वृद्धि हुने सम्भावना रहेको विश्लेषकहरूले बताएका छन्।

काठमाडौं, साउन २९ – विकास हाइड्रोपावर कम्पनी लिमिटेडको आम सर्वसाधारणका लागि निष्कासित साधारण शेयर (आईपीओ) को बाँडफाँड आज सम्पन्न भएको छ। आईपीओ बाँडफाँड धितोपत्र बिक्री प्रबन्धक प्रभु क्यापिटल लिमिटेडको कमलादीस्थित कार्यालयमा सम्पन्न गरिएको हो।

कम्पनीले गत असार १८ गतेदेखि २२ गतेसम्म सर्वसाधारणका लागि २९ लाख ४२ हजार ७६० कित्ता आईपीओ निष्कासन गरेको थियो। प्रति कित्ता १०० रुपैयाँ अंकित मूल्यमा निष्कासित उक्त सेयरमा व्यापक जनसहभागिता देखिएको छ।

📊 आईपीओमा परेको माग:

• कुल आवेदन संख्या: २१,५०,६७२ जना
• कुल मागिएको कित्ता: २ करोड ६१ लाख ४८ हजार ३५० कित्ता
• सदर आवेदन: २०,५६,२०७ जना
• बदर आवेदन: ९४,४६४ जना

📦 सेयर बाँडफाँड विवरण:

• १० कित्ताका दरले २ लाख ९४ हजार २७६ जनालाई सेयर बाँडफाँड
• बाँकी १७ लाख ६१ हजार ९३१ जना लगानीकर्ताले कुनै सेयर पाएका छैनन्

यसरी १० जनामध्ये करिब ८ जनाको हात खाली परेको देखिन्छ, जसले आईपीओप्रतिको चासो अत्यन्तै उच्च रहेको पुष्टि गर्छ।

🔍 आईपीओ नतिजा हेर्ने तरिका:

• मेरो सेयर पोर्टल (https://meroshare.cdsc.com.np)
• सिडिएस एण्ड क्लियरिङ लिमिटेडको वेबसाइट (https://cdsc.com.np)

🏢 बिक्री प्रबन्धक:

• प्रभु क्यापिटल लिमिटेड

बाँडफाँडमा सहभागी सबै लगानीकर्तालाई प्रभु क्यापिटलले नतिजा हेर्न र आवश्यक अनुसार आफ्नो शेयर खाता अद्यावधिक गर्न अनुरोध गरेको छ।