कोसोभोको संसदमा बिहीबार सांसदहरूबीच कुटाकुट भएको छ।

समाचार संस्था रोयटर्सका अनुसार पोडियममा बोलिरहेका प्रधानमन्त्री आल्बन कुर्तीलाई एक जना विपक्षी सांसदले पानी छ्यापेपछि कुटाकुट सुरू भएको हो।

कोसोभोको संसदमा उत्तरी क्षेत्रमा सर्वियन आदिवासीको मुद्दाका विविध विषयमा बहस भइरहेको थियो।

प्रधानमन्त्री बोलिरहेका बेला विपक्षी सांसदले पानी छ्यापेपछि सत्तारूढ दलका सांसदले उनलाई रोक्न खोजेका थिए। त्यसपछि अरू विपक्षी सांसदहरू पनि कुटाकुटमा सहभागी भएका थिए।

प्रधानमन्त्री कुर्तीलाई स्कर्टिङ गरेर बाहिर निकालिएको थियो भने कुटाकुट गरिरहेका सांसदलाई रोक्न प्रहरी परिचालन गरिएको थियो।

सांसदहरूले कुटाकुट गरेपछि संसद दुई घन्टाका लागि स्थगित गरिएको थियो।

सन् २००८ मा सर्वियाबाट अलग भएर बनेको कोसोभोमा ९० प्रतिशत अल्बानियनहरू छन् भने उत्तरमा सर्वियासँग सीमा जोडिएको क्षेत्रमा ५ प्रतिशत सर्वियन छन्। -एजेन्सी

लक्ष्मी बैंक लिमिटेड र सनराइज बैंक लिमिटेड एक आपसमा मर्ज भएर आज असार २९ गते, शुक्रबारबाट एकीकृत कारोबार सुरु गरेका छन् ।

मर्जर पश्चात् अब लक्ष्मी सनराइज बैंकको नामबाट एकीकृत कारोबार हुनेछ ।

हाल लक्ष्मी बैंक लिमिटेडको चुक्ता पुँजी ११ अर्ब ५५ करोड रुपैयाँ र सनराइज बैंक लिमिटेडको चुक्ता पूँजी १० अर्ब ११ करोड रुपैयाँ रहेकाे छ । मर्जर पश्चात् बैंकको चुक्ता पूँजी २० अर्ब ६६ करोड रुपैयाँ पुग्नेछ ।

अरुण भ्याली हाइड्रोपावरले हकप्रद सेयर निष्कासनको अनुमति पाएको छ।

विद्युत नियमन आयोगले अरुण भ्यालीलाई चुक्तापुँजी १ः१ अनुपातमा अर्थात १०० प्रतिशत हकप्रद निष्कासन गर्ने अनुमति दिएको हो।

यसअघि गत साउन ७ गते कम्पनीको विशेष साधारणसभाले हकप्रद निष्कासन गर्ने अजेन्डा अनुमोदन गरेको थियो।

कम्पनीले चुक्तापुँजी १ अर्ब ८६ करोड ७९ लाख ६२ हजार ६०० रुपैयाँको १०० प्रतिशतले हुन आउने हकप्रद सेयर जारी गर्नेछ। कम्पनीले हकप्रद सेयर बिक्रीबाट प्राप्त रकममध्ये ९३ करोड ३९ लाख ८१ हजार ३०० रुपैयाँ पिके हाइड्रोपावर प्रालिले विकास गर्दै गरेको लिखु खोला जलविद्युत आयोजना (३० मे.वा.)को निर्माणका लागि आवश्यक पर्ने स्वपुँजीका लागि पिके हाइड्रोपावरको संस्थापक सेयरमा लगानी गर्ने निर्णय गरेको छ।

यसैगरी बाँकी रकम ९३ करोड ३९ लाख ८१ हजार ३०० रुपैयाँ कम्पनीले निर्माण सम्पन्न गरी सञ्चालनमा रहेको काबेली बी–१ क्यासकेड जलविद्युत आयोजनाको निर्माण चरणमा बैंकहरुबाट लिएको ऋण भुक्तानी गर्नका लागि उपयोग गर्ने कम्पनीले निर्णय गरेको छ।