घोराही सिमेन्टको व्यापार घटेको छ । कम्पनीको व्यापार सन् २०२२ देखी निरन्तर घट्दो छ । कम्पनीले सन् २०२० मा ५ अर्ब ७३ करोड १० लाख रुपैयाँ र सन् २०२१ मा ५ अर्ब ८५ करोड ७० लाख रुपैयाँको व्यापार गरेको थियो । यो कम्पनिले भर्खरै आइपिओ जारी गरेको थियो ।

कम्पनीका अनुसार आर्थिक मन्दीले बजारमा माग कम हुँदा व्यापार घटेको हो । सन् २००७ सालदेखि सिमेन्ट उत्पादन गर्दै आएको घोराही सिमेन्टले अन्य उध्योगलाई क्लिंकर पनि बिक्री गर्दै आएको छ ।

कम्पनीले सगरमाथा, गोर्खा र विश्वकर्मा ब्रान्डमा ओपीसी र पीपीसी मिसेन्ट उत्पादन गर्दै आएको छ । कम्पनीले वार्षिक ८ लाख ४० हजार मेट्रिक टन क्लिंकर र ६ लाख २० हजार ग्रान्डिङ सिमेन्ट उत्पादन गर्दै आएको छ ।

कम्पनीले क्लिंकर उत्पादनको क्षमता ९ लाख ५७ हजार मेट्रिक टन र ग्रान्डिङ सिमेन्ट ४ लाख २० हजार मेट्रिक क्षमतामा सञ्चालन गर्ने तयारी गरेको छ ।

कम्पनीले सन् २०२० मा ५ अर्ब ७३ करोड १० लाख रुपैयाँ , सन् २०२१ मा ५ अर्ब ८५ करोड ७० लाख रुपैयाँको , सन् २०२२ मा ५ अर्ब ४ करोड २० लाख, गत आर्थिक वर्षको ११ महिनाको अवधिमा ४ अर्ब २५ करोड ९० लाख रुपैयाँको व्यापार गरेको छ ।यसलाई हेर्दा कम्पनीको व्यापार सन् २०२३ मा झनै व्यापार घटेको तथ्यांकले देखाउँछ ।

कम्पनीले सन् २०२२ मा १९.५२ प्रतिशतले नाफा कमाएको छ । सन् २०२१ मा १५.७६ प्रतिशत र सन् २०२० मा १०.९९ प्रतिशतले नाफा कमाएको थियो ।

कम्पनीले उद्योग विस्तारका लागि १० अर्ब ५४ करोड १० लाख रुपैयाँ लगानी गर्ने भएको छ । कम्पनीले दीर्घकालीन तथा अल्पकालीन कर्जाका लागि १० अर्ब ३९ करोड रुपैयाँको रेटिङ गराएको छ ।

कम्पनीले दीर्घकालीन कर्जाका लागि ८ अर्ब ३ करोड ७५ लाख रुपैयाँ अर्थात् ट्रिपल बी र अल्पकालीन कर्जाका लागि २ अर्ब ३५ करोड २४ लाख रुपैयाँको रेटिङ पाएको छ । कम्पनिले एथ्री प्लस रेटिङ पाएको छ । कम्पनीले इक्रा नेपालबाट रेटिङ गराएको हो

 आन्तरिक मागलाई ध्यानमा राख्दै भारत सरकारले गैरबासमती चामलको निर्यातमा प्रतिबन्ध लगाएपछि विश्व बजारमा चामलको मूल्य ह्वात्तै बढेको छ। 

भारतको निर्यात प्रतिबन्धका कारण संयुक्त अरब इमिरेट्सलाई सबैभन्दा ठूलो झट्का लागेको छ। भारत यूएईमा चामल आपूर्ति गर्ने शीर्ष देश हो र निर्यात प्रतिबन्धले यूएईमा चामलको मूल्यमा वृद्धि भएको छ। जसका कारण चामलको मूल्य बढ्न नदिन यूएईका व्यापारीले अन्य विकल्प खोज्न थालेका छन्।

यद्यपि अहिलेसम्म भारतले चामलमा लगाएको प्रतिबन्धले यूएईमा खुद्रा चामलको मूल्यमा सीमित प्रभाव पारेको छ। 

भारतीय खाद्यान्न आयात गर्ने सबैभन्दा ठूलो दुबईस्थित आदिल ग्रुपका अध्यक्ष तथा प्रबन्ध निर्देशक डा. धनञ्जय दातारले भने, ‘भारत सधैँ यूएईलाई चामलको प्रमुख आपूर्तिकर्ता रहेको छ। प्रतिबन्धले स्थानीय बजारमा भारतीय चामलको तत्काल अभाव निम्त्याउनेछ, जसले गर्दा जनतालाई चामलको अपर्याप्त आपूर्ति हुनेछ। यसले मूल्यमा अस्थिरता निम्त्याउन सक्छ। यूएईका व्यापारी र खाद्य आयातकर्ताले भारतको विकल्प खोज्नु अहिलेको आवश्यकता हो।’

भारतले आन्तरिक मूल्य स्थिर राख्न विगत दुई वर्षदेखि गहुँ निर्यातमा प्रतिबन्ध लगाएपछि विश्व बजारमा गहुँको भाउ उकालो लागेको छ। यसको असर यूएईमा पनि परेको छ र अहिले चामलको मूल्य बढेपछि य्रएईलाई फेरि एकपटक झट्का लागेको छ।

पछिल्लो समय रुस–युक्रेनबीचको ब्ल्याक सी सम्झौता खारेज भएपछि यूएईका व्यवसायीले ठूलो घाटा व्यहोरेका छन् र अहिले भारत सरकारको निर्णयले उनीहरुको कठिनाइ बढ्दै गएको छ। 

विश्वको सबैभन्दा ठूलो गहुँ आपूर्तिकर्ता युक्रेनले ब्ल्याक सी हुँदै विश्व बजारमा गहुँ पठाउने गर्दथ्यो तर रुसले ब्ल्याक सी सम्झौता रद्द गरेपछि गहुँको मूल्यमा भारी उछाल आएको छ।

यूएईका स्थानीय चामल आयातकर्ता अहिले चामल आयातका लागि थाइल्यान्ड, भियतनाम वा पाकिस्तानतिर लागेका छन्। 

भारतले गैरबासमती चामल निर्यात गर्ने शीर्ष ५ देशमा अमेरिका पनि रहेको छ। भारतले चामलमा प्रतिबन्ध लगाएको खबर आएदेखि नै अमेरिकामा मानिसहरु आत्तिएका छन्। सामाजिक सञ्जालमा धेरै तस्बिर र भिडियो भाइरल भएका छन्। जसमा मानिसहरु सुपरमार्केटमा १०–१० प्याकेट चामल किनिरहेका छन्।

किनमेलमा त्रास बढ्दै गएपछि पसलले चामलको मूल्य पनि बढाएको छ। अमेरिकामा नाइन फोर्टिफाइड चामलको प्याकेट २७ डलरमा बिक्री भइरहेको छ। –एजेन्सी

अर्थमन्त्री डा.प्रकाशशरण महतले अवैध कारोबारको ओसार पसार गर्नेविरुद्ध उजुरी दिनेलाई पुरस्कार दिने व्यवस्था गरेकाले त्रिभुवन विमानस्थल भन्सार कार्यालयबाट एक क्विन्टल अवैध सुन समातिएको दाबी गरेका छन् । प्रेस युनियन रुपन्देहीले बुटबलमा गरेको पत्रकार भेटघाट कार्यक्रममा बोल्दै महतले यस्तो दाबी गरेका हुन् ।

उनले भने, ‘भन्सारमा कतिपय अनियमित कुरा निस्तेज गर्नका लागि पुरस्कारको व्यवस्था गरेको छु, सूचना दिनेलाई यो व्यवस्था बीचमा हटेको थियो, मलाई लाग्छ त्यसले पनि यो सूचना प्राप्त गरी पक्राउ गर्न मद्दत पुग्यो भन्ने मलाई लाग्छ। जुन प्रकरण उजागर भएको छ त्यसको जरै सम्म पुगेर अनुसन्धान प्रक्रिया अघि बढेको छ । सुचनाको आधारमा सुन र तस्करलाई पक्राउ गरियो । उनीहरुले सुनलाई बाहिर लान पाएन । त्यो कुरो त राम्रो होनी फेरि ।’