कर्मचारी सञ्चय कोष नेपाल एयरलाइन्ससँग आक्रोशित भएको छ । हवाइजहाज किन्न दिएको ऋण समयमै नतिरेपछि कोषले आक्रोश पोखेको हो ।

नेपाल एयरलाइन्सलाई ४ वटा जहाज किन्न दिएको २२ अर्ब ऋण बढेर २९ अर्ब रुपैयाँ रिण छ । पछिल्ला दिनमा निगमले ३ पटक गरी झन्डै ३ अर्ब रुपैयाँ ऋण तिरेको छ ।

सन्चय कोष त्यही ॠणको कारण तनाबमा छ तर हामीलाई ॠण तिर्न सक्दैनौ भन्ने , बाहिर चाँही हामीले ऋण तिर्‍यौँ भनेर प्रसार गरिराख्ने रबैयाले हामीलाई दुखी बनाएको छ – एक उच्च तहका प्रसासकले भने ।

एयरलाइन्सले पैसा नतिरेपछि सन्चय कोषले सो कर्जाको संभावित जोखिम व्यवस्थाका लागि ठुलो रकम छुट्याएको छ । जसले गर्दा सञ्चयकर्ताले प्राप्त गर्ने लाभ घटेको छ ।

अब कोषले एयर्लाइन्सलाई थप ॠण प्रदान गर्न सक्दैन । एक रुपैया दिन पनि धेरै सोच्नु पर्ने स्थिती एयरलाइन्सले ल्याएको कोष श्रोतको भनाइ छ ।

बैंक तथा वित्तीय संस्थाहरुले छुट्टाछुट्टै वा एकमुष्ट गरी २५ लाख वा सोभन्दा बढी कर्जा लिने ब्याक्तिका लागि स्थायी लेखा नम्बर अनिबाय रुपमा लिनु पर्ने भएको छ ।

नेपाल राष्ट्र बैंकको बैंक तथा वित्तीय संस्था नियमन विभागले शुक्रबार क, ख र ग वर्गका बैंक तथा वित्तीय संस्थालाई जारी गरिएको एकीकृत निर्देशिका २०७९ परिमार्जन गर्दै यो ब्यबस्था लागु गरिएको हो ।

यो भन्दा पहिला ५० लाखको ॠण लिदा मात्र स्थायी लेखा नम्बर चाहिन्थ्यो ।

संशोधित व्यवस्था अनुसार ऋणी एउटै समूहअन्तर्गत पर्ने भएमा त्यस्तो समूहले २५ लाख वा सोभन्दा बढी रकमको कर्जा लिएको अवस्थामा उक्त समूहअन्तर्गतको कुनै व्यक्तिलाई २५ लाखभन्दा कम रकमको कर्जा प्रवाह गर्नुपरेको अवस्थामा समेत अनिवार्य रुपमा प्यान लिएको हुनुपर्नेछ ।

अब सूचीकृत संगठित संस्थाहरुलाई समयमै सूचना, जानकारी तथा विवरण पेस नगरे कारबाही गर्ने भएको छ । यसका लागि सेबोनले समयमै विवरण पेश गर्न निर्देशन दिएको छ ।

धितोपत्र बोर्डले आज एक सूचना जारी गर्दै संगठित संस्थाहरुलाई ४ बुँदे निर्देशन दिएको हो।

अब धितोपत्र बोर्डमा धितोपत्र दर्ता गराएका संगठित संस्थाहरुले धितोपत्र दर्ता तथा निष्कासन नियमावली, २०७३ को अनुसूची १४ मा उल्लेखित विवरणहरु सो त्रैमासिक अवधि समाप्त भएको ३० दिनभित्र बोर्डसमक्ष पेस गर्नुपर्नेछ भने त्यस्तो प्रतिवेदन राष्ट्रियस्तरको दैनिक पत्रिकामा प्रकाशन गर्नुपर्नेछ।

यसैगरी धितोपत्र बोर्डमा धितोपत्र दर्ता गराएका संगठित संस्थाहरुले धितोपत्र दर्ता तथा निष्काशन नियमावली, २०७३ को अनुसूची १५ बमोजिमको वार्षिक प्रतिवेदन प्रत्येक आर्थिक वर्ष समाप्त भएको मितिले ५ महिनाभित्र बोर्डमा पेस गर्नुपर्नेछ। यसका साथै सूचीकृत संगठित संस्थाहरुको संस्थागत सुशासनसम्बन्धी निर्देशिका, २०७४ को दफा २० को उपदफा (४) वमोजिम अनुपालना प्रतिवेदनको मुख्य मुख्य बुँदाहरुसहितको प्रमाणित सारांश वार्षिक प्रतिवेदनमा समावेश गर्नुपर्नेछ।

यसैगरी धितोपत्र सूचीकरण गराएका संगठित संस्थाहरुले सूचीकृत धितोपत्रको बजार मूल्यमा असर पार्न सक्ने सूचना धितोपत्र दर्ता तथा निष्काशन नियमावली, २०७३ को अनुसूची १६ मा उल्लेखित कुनै घटना वा कारोबार भएमा त्यस्तो विषयको सूचना तत्काल धितोपत्र बजारमा दिई ३ दिनभित्र बोर्डमा पेस गर्नुपर्नेछ।

यस्तै धितोपत्रसम्बन्धी कानुनमा उल्लेख भएका यस्ता अन्य सूचना, जानकारी तथा विवरणहरु उल्लेखित समयमा नै पेस गर्नुपर्नेछ।

त्यस्ता सूचना, जानकारी तथा विवरण समयमै पेस नगरेमा आगामी दिनमा धितोपत्र सम्बन्धी ऐन, २०६३ को दफा १०१ बमोजिम कारबाही तथा जरिवाना गरिने धितोपत्र बोर्डले चेतावनी दिएको छ।