अर्थमन्त्री डा.प्रकाशशरण महतले अवैध कारोबारको ओसार पसार गर्नेविरुद्ध उजुरी दिनेलाई पुरस्कार दिने व्यवस्था गरेकाले त्रिभुवन विमानस्थल भन्सार कार्यालयबाट एक क्विन्टल अवैध सुन समातिएको दाबी गरेका छन् । प्रेस युनियन रुपन्देहीले बुटबलमा गरेको पत्रकार भेटघाट कार्यक्रममा बोल्दै महतले यस्तो दाबी गरेका हुन् ।

उनले भने, ‘भन्सारमा कतिपय अनियमित कुरा निस्तेज गर्नका लागि पुरस्कारको व्यवस्था गरेको छु, सूचना दिनेलाई यो व्यवस्था बीचमा हटेको थियो, मलाई लाग्छ त्यसले पनि यो सूचना प्राप्त गरी पक्राउ गर्न मद्दत पुग्यो भन्ने मलाई लाग्छ। जुन प्रकरण उजागर भएको छ त्यसको जरै सम्म पुगेर अनुसन्धान प्रक्रिया अघि बढेको छ । सुचनाको आधारमा सुन र तस्करलाई पक्राउ गरियो । उनीहरुले सुनलाई बाहिर लान पाएन । त्यो कुरो त राम्रो होनी फेरि ।’

पछिल्लो समय गोरु पाल्ने प्रचलन हराउँदै जान थालेपछि तनहुँको म्याग्दे गाउँपालिकाले हल गोरु पाल्ने कृषकलाई प्रोत्साहन रकम उपलब्ध गराएको छ ।

गोरु पाल्ने क्रम घट्दा जग्गा बाँझो हुने क्रम बढेपछि कृषकलाई प्रोत्साहनका लागि रकम वितरण गर्न लागिएको हो ।

कृषकलाई प्रोत्साहन स्वरुप १० लाख रुपैयाँ गाउँपालिकाले सातवटै वडाका वितरण गरेको छ ।

गाउँपालिकाले हल गोरु पोषण अनुदानवापत सबै वडाका दुई सय ५० कृषकलाई जनही चार हजारका दरले प्रोत्साहन रकम वितरण गरेको हो । प्रोत्साहन रकम पाएपछि लम्पी रोगबाट प्रभावित भएका पशुहरुको संरक्षणमा सहयोग पुग्ने भन्दै कृषक खुसी भएका छन् ।

गाउँपालिकाले दुई हजार एक सय ९८ पशुलाई लम्पी विरुद्धको खोप लगाइसकेको छ । पशुसेवा शाखा प्रमुख डा शाहका अनुसार गाई, गोरु, भैँसी, राँगालाई उक्त खोप लगाइएको हो । त्यस्तै पाँच सय १७ पशु वस्तुको उपचार गरिएको छ ।

सुनको मूल्य निरन्तर तेश्रो दिन घटेको छ । साउन ८ गते, सोमबार सुन तोलामा ३०० रुपैयाँले घटेको छ । नेपाल सुनचाँदी व्यवसायी महासंघका अनुसार आज चाँदीको भाउ पनि तोलामा पाँच रुपैयाँले सस्तिएको छ ।

यस दिन छापावाल सुन प्रतितोला एक् लाख १२ हजार रुपैयाँमा झरेको छ । यसैगरी, तेजाबी सुन प्रतितोला एक लाख ११ हजार ४५० रुपैयाँमा कारोबार भइरहेको महासंघले जनाएको छ ।

पछिल्लो तीन दिनमा सुन प्रतितोला एक हजार ६०० रुपैयाँले गिरावट भएको छ ।

सोमबार चाँदीको मूल्य प्रतितोला पाँच रुपैयाँले घट्दा एक हजार ४६० रुपैयाँमा किनबेच हुँदैछ ।

एलन मस्कले आज माइक्रो ब्लगिङ साइट ट्विटरको लोगो परिवर्तन गर्न लागेका छन्। 

आज साँझदेखि ट्विटरको लोगो ‘एक्स’ हुनेछ। मस्कले ट्विटर स्पेसमा ग्रेग नामका प्रयोगकर्तासँगको कुराकानीमा यसको पुष्टि गरेका हुन्। मस्कलाई सोधियो कि उनी साँच्चै ट्विटरको लोगो परिवर्तन गर्न जाँदैछन्। उनले यसको सकारात्मक जबाफ दिएका छन्। 

यतिमात्र होइन अब एक्स डट कम खोलेपछि पनि ट्विटर खुला हुनेछ। 

यससँगै मस्कले ट्विटरमा एउटा पोल क्रिएटर गरेर लेखेका छन्, ‘डिफल्ट प्लेटफर्मको कलर ब्ल्याकमा परिवर्तन गर्नुहोस्।’ 

यो पोलमा १९ लाखभन्दा बढीले मतदान गरेका छन्। अधिकांश मानिसले अहिलेसम्म कालो र सेतोबीच कालो रोजेका छन्। 

सन् १९९९ देखि एलन मस्क अक्षर ‘एक्स’सँग जोडिएको छ। त्यतिबेला उनको एउटा कम्पनीको नाम एक्स डट कम  थियो।

मस्कले एउटा भिडियो सेयर गरेका छन्। जसमा ट्विटरको लोगो एक्समा परिवर्तन भएको देखिन्छ। यससँगै उनले लेखेका छन्, ‘यदि आज राति राम्रो एक्स लोगो पोस्ट गरिनेछ भने भोलि विश्वव्यापी रुपमा यसलाई लाइभ गर्नेछौँ।’ 

मस्कले अर्को ट्विटमा लेखेका छन्, ‘चाँडै हामी ट्विटर ब्रान्ड र विस्तारै सबै पन्छीहरुलाई अलबिदा गर्नेछौँ।’ –एजेन्सी