कोशी प्रदेशका सभामुख बाबुराम गौतमले आफुले गलत कदम चालेको र त्यसलाई सर्वाेच्च अदालतले ‘करेक्सन’ गरिदिएको बताएका छन् ।
कांग्रेस संसदीय दलका नेता उद्धव थापालाई मुख्यमन्त्रीमा समर्थन गरेर गौतमले सरकार बनाउन आफ्नो मत दिएका थिए । सभामुख तथस्ट हुनुपर्नेमा सरकार बनाउन भूमिका खेलेको भन्दै उनको चार्को आलोचना भएको थियो । उनको उक्त कदमलाई सर्बोच्चले बदर गरिदिएको छ ।
‘म आफैं संविधानतः चल्नुपर्ने मान्छे, त्यो एउटा नयाँ परिवेशमा, परिस्थितिमा एउटा खालको निर्णय गरिएको थियो, सर्वाेच्चले त्यसलाई करेक्सन गर्यो,’ उनले भने, ‘सर्वाेच्चको अन्तिम आदेशलाई मैले बेठीक रुपमा लिने कुरा आउदैन ।’ उनले सर्वाेच्च अदालतको फैसललाई सम्मान गर्ने बताए ।
सभामुख गौतमले आफूले राजीनामा दिनेबारे नसोचेको बताए । उनले कसैले आफ्नो राजीनामा माग पनि नगरेको बताए । आदेशले नैतिक संकट पर्यो नि भन्ने प्रश्नमा उनले भने, ‘सर्वाेच्चले नयाँ विधिमा ढालेको छ, एउटा निर्णय दिएको छ, त्यो निर्णयलाई परिपालन गर्ने हो । त्यो (राजीनामा) हल्ला मात्रै हो ।’
मिटर ब्याजीलाई ७ वर्षसम्म कैद र ७० हजार रुपैयाँ जरिवानाको व्यवस्थासहित मुलुकी संहिता सम्बन्धी केही नेपाल ऐनलाई संशोधन गर्न बनेको विधेयक राष्ट्रिय सभाले पुन: पारित गरेको छ। राष्ट्रिय सभाको बैठकले प्रतिनिधिसभाबाट भएको संशोधन स्वीकारसहित विधेयक सर्वसम्मतिले पारित गरेको हो।
राष्ट्रिय सभाले यो विधेयक यसअघि नै पारित गरेर प्रतिनिधि सभामा पठाएको थियो। प्रतिनिधि सभाले असार ३१ गते पारित गरेको थियो। राष्ट्रिय सभाबाट यसअघि पारित गर्दा ‘अध्यादेश प्रतिस्थापन विधेयक’ शब्द राखिएकामा प्रतिनिधि सभाबाट पारित गर्दा ‘विधेयक’ मात्रै राखिएको थियो।
राष्ट्रिय सभाले अध्यादेशको प्रतिस्थापन विधेयकका रूपमा पठाएकामा प्रतिनिधि सभाबाट अरू विधेयक जस्तै पारित भएर सन्देश आएपछि अध्यक्ष गणेश तिमिल्सिनाले संशोधन स्वीकार गरेर विधेयक अगाडि बढाउन आनाकानी गरेका थिए। उनले यस विषयमा महान्यायाधिवक्तासँग कानुनी परामर्श गर्न लगाएका थिए।
महान्यायाधिवक्ताले प्रतिनिधि सभाबाट विधेयक पारित गर्दा संविधान र कानुन उल्लंघन नभएको राय दिएपछि तिमिल्सिनाले बिहिबार दोस्रो बैठक राखेर संशोधन स्वीकार गरी विधेयक पुन: पारित गराएका हुन्। राष्ट्रपतिले प्रमाणीकरण गरेपछि पारित विधेयक कानुनका रुपमा कार्यान्वयनमा आउनेछ।
अमेरिकाले फेरि विश्व सेयर बजारमा उथलपुथल हुने कदम चालेको छ।
निरन्तर बढ्दो महँगीका कारण फेडरल रिजर्भ बैंक (यूएस फेड) ले नीति दर २५ आधार विन्दु वा ०.२५ प्रतिशतले बढाएको हो। पछिल्लो वृद्धिपछि अमेरिकामा ब्याजदरको बेन्चमार्क ५.२५ देखि ५.५० प्रतिशतको दायरामा पुगेको छ। यो स्तर २२ वर्षअघि अर्थात सन् २००१ बराबर पुगेको हो।
यूएस फेडले बुधबार दुई दिने समीक्षा बैठकपछि नीतिगत दर वृद्धिको घोषणा गरेको हो। गत मार्च २०२२ पछि यूएस फेडले हालसम्म सम्पन्न १२ बैठकमध्ये ११ मा बेन्चमार्क ब्याज दर बढाउने कदम चालेको छ। पछिल्लो बैठकपछि फेड रिजर्भले ब्याजदर नबढाउने निर्णय गरे पनि अमेरिकामा फेरि पनि ब्याजदर बढ्न सक्ने विज्ञहरुको अनुमान थियो।
दुई दिने बैठकमा भएका निर्णयहरुबारे जानकारी दिँदै अमेरिकी फेडरल रिजर्भका प्रमुख जेरोम पावेलले अमेरिकाको मुद्रास्फीति पूर्वनिर्धारित २ प्रतिशतभन्दा तल नआएसम्म ब्याजदर बढाउने बताए। अमेरिकामा बेन्चमार्क ब्याज दर रातारात ५.२५ प्रतिशतदेखि ५.५० प्रतिशतको स्तरमा पुगेको छ। नीति दरको यो स्तर अन्तिम पटक २००७ हाउसिङ मार्केट क्र्यास हुनुअघि देखिएको थियो।
यसअघि सन् २०२३ को मार्च र मे महिनामा पनि बैंकिङ संकटका बीच अमेरिकी संघीय सरकारले ब्याजदर २५ आधार विन्दुले बढाएको थियो। यद्यपि यी दरहरु जुनमा स्थिर राखिएको थियो।
फेडले जारी गरेको विज्ञप्तिमा फेडरल ओपन मार्केट कमिटी (एफओएमसी) ले अघिल्लो घोषणाअनुसार ट्रेजरी सेक्युरिटीजमा आफ्नो होल्डिङ घटाउन जारी राख्नेछ। तर, अमेरिकामा ब्याजदर बढाउने यो प्रक्रिया निरन्तर जारी रहेको देखिन्छ। –एजेन्सी
काठमाडौं महानगरपालिका क्षेत्रभित्र विभिन्न किसिमका सवारी साधन पार्किङ शुल्क तोकेको छ । महानगरपालिकाबाट जारी भएको आर्थिक ऐन २०८० मा भएको व्यवस्थाअनुसार पार्किङ शुल्क तोकिएको हो ।
महानगरपालिकाका अनुसार क्षेत्रगत आधारमा दुई किसिमका पार्किङ शुल्क तोकिएका छन् । पहिलो क्षेत्र (क्षेत्र नम्बर १) सडकमा स्पष्ट रेखांकन गरी, प्रवेश र बर्हिगमन फरक हुने गरी कुनै पनि सडकको कुल चौडाइको २५ प्रतिशतभन्दा बढी भाग नओगटिने गरी आधुनिक प्रविधिको प्रयोग गरी पार्किङ शुल्क तोक्न पाइनेछ ।
क्षेत्र नम्बर १ अन्तर्गतका स्थानमा दुई पांग्रे सवारी पहिलो आधा घण्टा पार्क गर्दा १५ रुपैयाँ, प्रतिघण्टा २५ रुपैयाँ, चार पांग्रे सवारी पहिलो आधा घण्टा ५० रुपैयाँ र चार पांग्रे सवारी प्रतिघण्टा ८० रुपैयाँ लाग्ने महानगरले उल्लेख गरेको छ ।
त्यस्तै, क्षेत्र नम्बर १ मा उल्लेख भएका स्थानबाहेक महानगरपालिका क्षेत्रभित्रका सार्वजनिक बाटोलगायत तोकिएका स्थानमा सवारीसाधन पार्किङ गर्दा दुई पांग्रेका लागि प्रतिघण्टा १५ रुपैयाँ, चार पांग्रेका लागि प्रतिघण्टा ४० रुपैयाँ र चार पांग्रेभन्दा बढीका लागि १ सय रुपैयाँ शुल्क लाग्ने महानगरले जनाएको छ ।
निजी क्षेत्रबाट निजी घरजग्गामा महानगरपालिकाबाट अनुमति लिएर व्यवसाय दर्ता गरी स:शुल्क पार्किङ व्यवसाय सञ्चालन पनि गर्न सकिने महानगरले जनाएको छ । यस्तो पार्किङको हकमा दुई पांग्रे सवारीलाई पहिलो आधा घण्टासम्म १५ रुपैयाँ र पहिलो एक घण्टासम्म २५ रुपैयाँ शुल्क लिन सकिनेछ । त्यस्तै, एक घण्टाभन्दा बढीको हकमा भने हरेक १५ मिनेटका लागि थप ५ रुपैयाँ लाग्नेछ ।
त्यस्तै, निजी क्षेत्रबाट सञ्चालित पार्किङमा चार पांग्रेको हकमा आधा घण्टासम्मका लागि ४० रुपैयाँ र पहिलो एक घण्टासम्मका लागि ७५ रुपैयाँ लाग्नेछ । त्यसपछि भने हरेक १५ मिनेटका लागि थप १५ रुपैयाँ लाग्ने छ ।
लिफ्ट वा आधुनिक प्रविधि प्रयोग गरी एकै स्थानमा धेरै सवारी साधन पार्किङ गर्ने गरी सञ्चालन गरिने पार्किङ व्यवसायलाई व्यवसायमा लाग्ने व्यवसाय करमा पाँच वर्षसम्मका लागि शतप्रतिशत छुट दिइने छ ।
त्यस्तै, सवारीसाधन पार्किङ गर्ने क्षेत्र र निषेधित क्षेत्र काठमाडौं महानगरपालिकाले तोक्न सक्ने तथा अपांगता भएका व्यक्तिका लागि कुनै पनि शुल्क लाग्ने छैन ।
निर्धारित शुल्क अनिवार्य रुपमा डिजिटल प्रणालीबाट बिलिङ हुनुपर्ने महानगरपालिकाले जनाएको छ ।
यही साउन १८ गतेदेखि अप्पर लोहोरे खोला हाइड्रोपावर कम्पनीले सर्वसाधारणका लागि आईपीओ खुल्ला गर्ने भएको छ।
कम्पनीले जारीपुँजी ५० करोड ९८ लाख ४ हजार रुपैयाँको ३९ प्रतिशतले हुन आउने १९ लाख ८८ हजार २३६ कित्ता सेयर सर्वसाधारणका लागि निष्कासन गर्न छुट्याएको थियो। त्यसमध्ये १० प्रतिशतले हुन आउने १ लाख ९८ हजार ८२४ कित्ता सेयर कम्पनीले वैदेशिक रोजगारीमा रहेका नेपालीका लागि बिक्री खुला गरिसकेको छ।
कम्पनीले २ प्रतिशतले हुन आउने ३९ हजार ७६५ कित्ता कर्मचारीलाई र ५ प्रतिशतले हुन आउने ९९ हजार ४१२ कित्ता सामूहिक लगानी कोषलाई छुट्याइएको छ । अब बाँकी १९ लाख ५३ हजार २७९ कित्ताका लागि सर्वसाधारणले आवेदन दिन पाउनेछन्।
यो आईपीओमा लगानीकर्ताले न्यूनतम १० कित्तादेखि अधिकतम २५ हजार कित्तासम्म खरिद आवेदन दिन सक्नेछन् । लगानीकर्ताले नेपाल धितोपत्र बोर्ड (सेबोन)बाट अनुमति प्राप्त सी–आस्वा सेवामा सहभागी बैंक तथा वित्तीय संस्था तथा सीडीएससीको मेरो सेयरमार्फत खरिद आवेदन दिन सक्नेछन्।
यो आईपीओ निष्कासन बन्द छिटोमा साउन २२ गते र ढिलोमा साउन ३२ गते बैंकिङ समयपछि हुनेछ।
अप्पर लोहोरे खोला हाइड्रोपावरको आईपीओ बिक्री प्रबन्धकमा एनआईसी एसिया क्यापिटल रहेको छ।
गैरकानुनी ढंगले लघुवित्त वित्तीय संस्थाहरुले ऋणीको सम्पत्ति लिलामी गरेको पाइएमा कारबाही गर्ने भएको छ । यसका लागि नेपाल राष्ट्र बैंकमा उजुरी गर्नु पर्ने छ।
लघुवित्त वित्तीय संस्थाका ऋणीहरुको गुनासो सुन्नको लागि राष्ट्र बैंकले अलग्गै सुनुवाइ डेस्क स्थापना गरेको छ। यदि कुनै लघुवित्तले गैरकानुनीबाट ऋणीको सम्पत्ति लिलामी गरेको भएमा सोही गुनासो सुनुवाइ डेस्कमा ऋणीहरुले आफ्ना उजुरी वा गुनासो दर्ता गर्न सक्नेछन्।
केन्द्रीय बैंकले एक सूचना जानकारी गर्दै यसबारेमा लघुवित्तका ऋणीहरुलाई समयमै गुनासो दर्ता गर्न भनेको छ । लघुवित्तले राष्ट्र बैंकले जारी गरेका निर्देशनको पालना नगरेको, तोकेभन्दा बढी ब्याजदर वा अन्य शुल्क लिएको, गैरकानुनी ढंगमा सम्पत्ति लिलामी गरेको, उद्यम–व्यवसाय गर्न असहयोग गरेकोलगायत अन्य जुनसुकै गुनासो भएमा गुनासो सुनुवाइ डेस्कमा दर्ता गर्न सकिनेछ।
आफ्ना गुनासा बेलैमा दर्ता गरी सोको यथोचित समाधान गर्नेतर्फ पहल गर्न सम्बन्धित सबै ऋणीलाई राष्ट्र बैंकले आग्रह गरेको छ।
यो डेस्कमा आफ्ना गुनासा पैसा तिर्नु नपर्ने (टोल फ्री) फोन नं. १८१०५००००२२ मार्फत टिकाउन सक्नेछन्। यस्तै राष्ट्र बैंकको अनलाइन गुनासो पोर्टल gunaso.nrb.org.np बाट वा ई–मेल gunaso@nrb.org.np मार्फत वा कार्यालय समयमा राष्ट्र बैंकको जुनसुकै कार्यालयमा निवेदन दर्ता गर्न सकिने व्यवस्था गरिएको छ।
हतियार देखाएर फिल्मी शैलीमा दिउसै एनएमबी बैंक लुट्ने गिरोहका एकजना पक्राउ परेका छन् ।
भारत बिहार राज्य जिल्ला मधुवनी पोष्ट फुलहर टोल गोपालपुर १३ हरलाखी टोलका २० वर्षीय अजय कुमार पक्राउ परेका हुन । प्रहरीले बुधबार उनलाई पक्राउ गरेको हो ।
उनलाई बुधबार महोत्तरीको मटिहानी नगरपालिका ८ बाट पक्राउ गरिएको हो ।
पक्राउ परेका अजयमाथि हातहतियार र चोरी डाकाँ शीर्षकमा मुद्दा दर्ता गरी जिल्ला अदालत महोत्तरीबाट हिरासतमा राख्ने सात दिनको म्याद लिई अनुसन्धान भइरहेको छ ।
महोत्तरी गाउँपालिका-२ स्थित रहेको एनएमबी बैंकको शाखामा १६ जेठमा दिउँसै ४/५ को हतियारधारी समूहले कर्मचारी तथा सेवाग्राहीलाई हतियार देखाएर १५ लाख एक हजार ४९३ रुपैयाँ तथा कर्मचारीका मोबाइल लुटेका थिए ।
नम्बर नभएको दुईवटा मोटरसाइकलमा चढेर आएका उनीहरु बैंक लुटेर फरार भएका थिए । सुरुमा ३८ लाख रुपैयाँ लुटेको कर्मचारीले भनेपनि पछि रुजु गर्दा १५ लाख १ हजार ४९३ रुपैयाँ मात्र लुटेको पुष्टि भएको थियो ।
घटना पश्चात मधेश प्रदेश प्रहरी कार्यालय जनकपुर र जिल्ला प्रहरी कार्यालय महोत्तरीको संयुक्त अनुसन्धान टोलीले घटनाको वस्तुगत र वैज्ञानिक अनुसन्धान गर्दै घटनामा संलग्न भएका ४/५ जना व्यक्तिहरूको पहिचान खुलेको प्रहरीले जनाएको छ । सोही आधारमा लुटेराहरुको खोजबिन गरिरहेको प्रहरीले जनाएको छ ।
लुटेरामाथी हातहतियार र चोरी डाकाँ शीर्षकमा मुद्दा चल्नेछ ।
आज हामीले यहाँ बिगत बर्षहरुमा धेरै लाभाम्स दिने बाणिज्य बैंकहरुको बारेमा चर्चा गर्दैछौ । यसले तपाईंलाई लगानी गर्नका लागि थप सहयोग मिल्छ भन्ने अपेक्षा गरेका छौ । हाल १८ बाणिज्य बैंकहरु छन , त्यसमध्ये आफ्ना लगानिकर्तालाई खुशी पार्ने वा धेरै लाभाम्स दिने 5 बाणिज्य बैंकहरु तल उल्लेख गरिएको छ ।
आर्थिक बर्ष २०७८-७९ मा सर्बाधिक डिभिडेन्ट दिने बैंकहरु 1.नबिल बैंक यस बैंकले आर्थिक बर्ष २०७८-७९ मा लगानिकर्तालाई ३० प्रतिसत डिभिडेन्ट दिएको छ ।
2.बैंक अफ काठमाडौं (*) यस बैंकले आर्थिक बर्ष २०७८-७९ मा लगानिकर्तालाई २०.९५ प्रतिसत डिभिडेन्ट दिएको छ ।
3. एभरेस्ट बैंक यस बैंकले आर्थिक बर्ष २०७८-७९ मा लगानिकर्तालाई २०.६८ प्रतिसत डिभिडेन्ट दिएको छ ।
4. हिमालयन बैंक यस बैंकले आर्थिक बर्ष २०७८-७९ मा लगानिकर्तालाई १९.११ प्रतिसत डिभिडेन्ट दिएको छ ।
5. स्ट्यान्डर्ड चार्टर्ड बैंक यस बैंकले आर्थिक बर्ष २०७८-७९ मा लगानिकर्तालाई १६.५१ प्रतिसत डिभिडेन्ट दिएको छ । *बैंक अफ काठमाडौं हाल ग्लोबल आइएमई बैंक सँग मर्जर भएको छ ।
S.no
बैंकको नाम
लाभांश (प्रतिसत )
1
नबिल बैंक
३०
2
बैंक अफ काठमाडौं (*)
२०.९
3
एभरेस्ट बैंक
२०.६
4
हिमालयन बैंक
१९.१
5
स्ट्यान्डर्ड चार्टर्ड बैंक
१६.५
आर्थिक बर्ष २०७८-७९ मा सर्बाधिक डिभिडेन्ट दिने बैंकहरु
आर्थिक बर्ष २०७७ -७८ मा सर्बाधिक डिभिडेन्ट दिने बैंकहरु 1. नबिल बैंक यस बैंकले आर्थिक बर्ष २०७७ -७८ मा लगानिकर्तालाई ३८ प्रतिसत डिभिडेन्ट दिएको छ ।
2. राष्ट्रिय बाणिज्य बैंक यस बैंकले आर्थिक बर्ष २०७७ -७८ मा लगानिकर्तालाई ३३ प्रतिसत डिभिडेन्ट दिएको छ ।
3.हिमालयन बैंक यस बैंकले आर्थिक बर्ष २०७७ -७८ मा लगानिकर्तालाई २६ प्रतिसत डिभिडेन्ट दिएको छ ।
4.कृषि बिकास बैंक यस बैंकले आर्थिक बर्ष २०७७ -७८ मा लगानिकर्तालाई २१ प्रतिसत डिभिडेन्ट दिएको छ ।
5. सानीमा बैंक यस बैंकले आर्थिक बर्ष २०७७ -७८ मा लगानिकर्तालाई १७.८९ प्रतिसत डिभिडेन्ट दिएको छ ।
S.No.
बैंकको नाम
लाभांश (प्रतिसत )
1
नबिल बैंक
३८
2
राष्ट्रिय बाणिज्य बैंक
३३
3
हिमालयन बैंक
२६
4
कृषि बिकास बैंक
२१
5
सानीमा बैंक
१७.८
आर्थिक बर्ष २०७७ -७८ मा सर्बाधिक डिभिडेन्ट दिने बैंकहरु
आर्थिक बर्ष २०७६-७७ मा सर्बाधिक डिभिडेन्ट दिने बैंकहरु
1.नबिल बैंक यस बैंकले आर्थिक बर्ष २०७६-७७ मा लगानिकर्तालाई ३५.२६ प्रतिसत डिभिडेन्ट दिएको छ ।
2. हिमालयन बैंक यस बैंकले आर्थिक बर्ष २०७६-७७ मा लगानिकर्तालाई २० प्रतिसत डिभिडेन्ट दिएको छ ।
3. एनआइसी एसिया बैंक यस बैंकले आर्थिक बर्ष २०७६-७७ मा लगानिकर्तालाई २० प्रतिसत डिभिडेन्ट दिएको छ ।
4.नेपाल इन्भेस्टमेन्ट बैंक यस बैंकले आर्थिक बर्ष २०७६-७७ मा लगानिकर्तालाई १८.५ प्रतिसत डिभिडेन्ट दिएको छ ।
5.एनएमबी बैंक यस बैंकले आर्थिक बर्ष २०७६-७७ मा लगानिकर्तालाई १६.२ प्रतिसत डिभिडेन्ट दिएको छ ।
S.No.
बैंकको नाम
लाभांश (प्रतिसत )
1
नबिल बैंक
३५.२
2
हिमालयन बैंक
२०
3
एनआइसी एसिया बैंक
२०
4
नेपाल इन्भेस्टमेन्ट बैंक
१८.५
5
एनएमबी बैंक
१६.२
आर्थिक बर्ष २०७६-७७ मा सर्बाधिक डिभिडेन्ट दिने बैंकहरु
आज नेप्से ८ अङ्कले बढेको छ । सेयर बजार ०. ३७ प्रतिसतले घटेर २१५६ मा बन्द भएको छ ।
सेयर बजारमा आज ६७ कम्पनिको मुल्य बढेको छ भने १४१ कम्पनिको मुल्य घटेको छ ।
आज नेप्सेमा २ अर्ब ४३ करोड भन्दा माथिको कारोबार भएको छ ।
किसान लघुवित्तको आज पनि सर्वाधिक सेयर मुल्य बढेको छ । कम्पनीको आज सेयरमूल्य ६.९६ प्रतिशतले बढेर १०२५ रुपैयाँमा कारोबार भएको छ । त्यस्तै, आज बाराही हाइड्रोपावर, इमर्जीङ नेपाल, बिसाल बजार कम्पनीलगायत अन्य कम्पनीको सेयर मूल्य बढेको छ ।
आज सर्बाधिक गुमाउने कम्पनिहरुमा जाल्पा लघुबित्त , युनिलिभर नेपाल ,श्रीजन्सिल लघुबित्त , पिपलस पावर लगायतका कम्पनीहरु रहेका छन ।
त्यस्तै सर्बाधीक कारोबार गर्ने कम्पनिहरु ग्लोबल आइएमई प्रमोटर ,शिभम सिमेन्ट , नेपाल रिइन्सुरेन्स कम्पनी , हिमालयन लाइफ इन्सुरेन्स , एभरेस्ट बैंक लगायतका कम्पनीहरु रहेका छन ।
