मन्त्रिपरिषद्को मंगलबार बैठकले नेपाल सरकारले एसियाली विकास बैंक (एडीबी)बाट करिब १३ अर्ब १३ करोड रुपैयाँ बराबरको सहूलियतपूर्ण ऋण निर्णय गरेको छ।

मन्त्रिपरिषद्को निर्णयबारे जानकारी दिँदै सरकारकी प्रवक्ता एवं सञ्चार तथा सूचना प्रविधिमन्त्री रेखा शर्माले बैठकले सार्वजनिक वित्त व्यवस्थापन तथा सेवाको सुधारका लागि बजेटरी सहायताका रुपमा सहुलियतपूर्ण ऋण सहायता प्राप्त गर्नेसम्बन्धी दस्तावेजलाई अन्तिम रुप दिन वार्ता टोली गठन गरेको जानकारी दिइन्।

सरकारका तर्फबाट अर्थ मन्त्रालयका सहसचिवको संयोजकत्वमा वार्ता टोली गठन भएको मन्त्री शर्माले बताइन्।

आइतबारबाट आइएमई लाइफ इन्स्योरेन्स र नेपाल रिपब्लिक मिडियाको सेयर धितोपत्र दोस्रो बजारमा कारोबारमा आउने भएका छन्।

नेपाल स्टक एक्सचेन्ज (नेप्से)मा आज आइएमई लाइफ र रिपब्लिक मिडियाको आईपीओ सूचीकृत भएका छन्। यि दुबै कम्पनी आइतबारबाट कारोबारमा आउनेछन्।

नेप्सेमा आइएमई लाइफको १०० अंकित दरका कुल ४ करोड कित्ता सेयर सूचीकृत भएको छ।

नेप्सेले आइएमई लाइफलाई ‘आईएलआई’ कारोबार संकेत दिएको छ । नेप्सेले प्रतिकित्ता न्यूनतम १७६.५३ रुपैयाँदेखि अधिकतममा ५२९.५९ रुपैयाँ पहिलो कारोबारका लागि मुल्य तोकेको छ।

यसैगरी नेप्सेमा नेपाल रिपब्लिक मिडियाको १०० अंकित दरका कुल ९६ लाख ७५ हजार कित्ता सेयर सूचीकृत भएको छ।

नेप्सेले रिपब्लिक मिडियालाई ‘एनआरएम’ कारोबार संकेत दिएको छ। नेप्सेले रिपब्लिक मिडियालाई नेप्सेले प्रतिकित्ता न्यूनतम ८४.४७ रुपैयाँदेखि अधिकतममा २५३.४१ रुपैयाँ मुल्यमा पहिलो कारोबार हुनेछ ।

नेपाली बजारमा बिहीबार सुनको भाउ घटेको छ।

नेपाल सुनचाँदी व्यवसायी महासंघका अनुसार सुनको भाउ तोलामा २०० रुपैयाँले घटेर प्रतितोला फाइन गोल्ड १ लाख १२ हजार २०० रुपैयाँ र तेजाबी गोल्ड १ लाख ११ हजार ६५० रुपैयाँ कायम भएको छ।

आज चाँदीको भाउ पनि तोलामा ३५ रुपैयाँले घटेर १ हजार ४२५ रुपैयाँ कायम भएको छ।