एनएमबि बैंकले गत आर्थिक वर्ष २०७९–८०को चौथो त्रैमाससम्मको परिष्कृत वित्तीय विवरण सार्वजनिक गरेको छ।
विवरण अनुसार बैंकले ३ अर्ब ४१ करोड रुपैयाँ खुद नाफा आर्जन गरेको देखिन्छ । बैंकको सञ्चालन मुनाफा ४ अर्ब ९४ करोड रुपैयाँ रहेकोे छ।
समिक्षा अवधिमा बैंकको खुद ब्याज आम्दानी ३०.६० प्रतिशतले बढेर ८ अर्ब ३४ करोड रुपैयाँ पुगेको देखिन्छ ।
बैंकको वितरणयोग्य मुनाफा १ अर्ब ५० करोड रुपैयाँ देखिन्छ भने बैंकको लाभांश क्षमता ८ प्रतिशतसम्म हुने देखिन्छ ।
समीक्षा अवधिमा बैंकको खराब कर्जा अनुपात (एनपीएल) बढेर २.७२ प्रतिशत पुगेको छ। इम्पेयरमेन्ट चार्ज पनि बढेर १ अर्ब १६ करोड रुपैयाँ पुगेको छ।
बैंकको रिजर्भको आकार २५.७७ प्रतिशतले बढेर ८ अर्ब ७४ करोड रुपैयाँ पुगेको देखिन्छ ।
समीक्षा अवधिमा बैंकले २ खर्ब १० अर्ब रुपैयाँ निक्षेप संकलन गरी १ खर्ब ८९ अर्ब रुपैयाँ कर्जा परिचालन गरेको देखिन्छ ।
बैंकको प्रतिसेयर आम्दानी (ईपीएस) बढेर १८.५७ रुपैयाँ कायम भएको छ। बैंकको प्रतिसेयर नेटवर्थ १५५.७९ रुपैयाँ रहेको छ।
