प्रतिसेयर आम्दानी भनेको करपछिको नाफालाई कुल सेयर संख्याले भाग गर्दा आउने प्रतिफल हो । प्रतिसेयर आम्दानी भनेको सर्वसाधारण लगानीकर्तालाई कम्पनिले दिने प्रतिफलका लागि मुख्य आधार हो । प्रतिसेयर आम्दानी कम्पनीको नाफा विश्लेषण गर्ने एउटा महत्त्वपूर्ण औजार हो , त्यस्तै आधारभूत पक्षको विश्लेषणको प्रमुख सूचक पनि हो ।

यदी एउटा कम्पनीको सेयरको संख्या २ करोड छ । मानौ, उक्त कम्पनीले यो वर्ष रु ६० करोड मुनाफा गर्‍यो भने उक्त कम्पनीको प्रतिसेयर आम्दानी रु ३० हुनु आउँछ, ६० करोड नाफा ÷ २ करोड सेयर संख्या यसको अर्थ उक्त कम्पनिको एककित्ता सेयरले ३० रुपैयाँ कमाएको छ भन्ने बुझिन्छ , कम्पनिको प्रतिसेयर आम्दानी जती धेरै हुन्छ , लाभांश क्षमता पनि त्यती नै धेरै हुन्छ । बित्तिय सङ्स्थामा भने नियामकको निर्देशन तथा खराब कर्जाले लाभांश क्षमतामा असर गर्न सक्छ ।

कम्पनिको मुल्यलाई प्रतिसेयर आम्दानीले भाग गर्दा आउने अनुपात नै मूल्य आम्दानी अनुपात हो । कम्पनीले १ रुपैया प्रतिफलका लागी लगानीकर्ताले कति तिर्न तयार हुन्छ भन्ने कुरालाई मूल्य आम्दानी अनुपातले देखाउँछ । जस्तै कुनै कम्पनी मुल्य आम्दानी अनुपात ३५ छ भने एक रुपैयाँ आम्दानी प्रतिफलका लागि लगानीकर्ताले ३५ रुपैयाँ तिरिरहेको छ भन्ने बुझिन्छ ।

बुक भ्यालु भन्नाले कम्पनिको सम्पूर्ण सम्पत्तिमा सम्पूर्ण दाहित्व घटाउदा आउने प्रतिफल हो । सामान्य अर्थमा बुक भ्यालु भनेको यदी कम्पनी कुनै कारणले बन्द भएमा सेयरधनिले पाउने रकम हो भनेर बुझ्दा पनि हुन्छ ।

यहाँ हामीले निर्जिबन बिमा कम्पनिहरुमध्ये प्रतिसेयर आम्दानीको आधारमा टप ५ कम्पनीहरुको बारेमा चर्चा गर्दैछौ । यसले तपाईंको लगानीको निर्णयलाई सहयोग गर्नेछ भन्ने अपेक्षा राखेका छौ ।

साथै बाँकी निर्जिबन बिमा कम्पनिको बारेमा समेत तल टेबलमा विवरणहरु प्रस्तुत गरिएको छ ।

राष्ट्रिय बिमा कम्पनी
यस कम्पनिको रिसर्भ ३ अर्ब ७७ करोड १५ लाख ३२ हजार रहेको छ । यसको प्रतिसेयर आम्दानी २८९.७३ रहेको छ । यसको प्राइस टु अर्निङ (पीई ) रेसियो ५१.८५ रहेको छ । त्यस्तै यसको प्राइस टु बुक भ्यालु ९.९२ रहेको देखिन्छ भने यस कम्पनिको बुक भ्यालु (किताबी मुल्य ) १५१४.४७ छ ।

नेको इन्सुरेन्स कम्पनी लिमिटेड
यस कम्पनिको रिसर्भ ४९ करोड १३ लाख ३९ हजार रहेको छ । यसको प्रतिसेयर आम्दानी २७.४८ रहेको छ । यसको प्राइस टु अर्निङ (पीई ) रेसियो ३१.११ रहेको छ । त्यस्तै यसको प्राइस टु बुक भ्यालु ६.८७ रहेको देखिन्छ भने यस कम्पनिको बुक भ्यालु (किताबी मुल्य ) १२४.४२ छ ।

नेपाल इन्सुरेन्स कम्पनी लिमिटेड
यस कम्पनिको रिसर्भ ४९ करोड २७ लाख ५५ हजार रहेको छ । यसको प्रतिसेयर आम्दानी २६.७६ रहेको छ । यसको प्राइस टु अर्निङ (पीई ) रेसियो २९.४५ रहेको छ । त्यस्तै यसको प्राइस टु बुक भ्यालु ५.९३ रहेको देखिन्छ भने यस कम्पनिको बुक भ्यालु (किताबी मुल्य ) १३२.९७ छ ।

सगरमाथा लुम्बिनी इन्सुरेन्स कम्पनी लिमिटेड
यस कम्पनिको रिसर्भ ९१ करोड ३२ लाख ७९ हजार रहेको छ । यसको प्रतिसेयर आम्दानी २२ रहेको छ । यसको प्राइस टु अर्निङ (पीई ) रेसियो ३३ रहेको छ । त्यस्तै यसको प्राइस टु बुक भ्यालु ३.१ रहेको देखिन्छ भने यस कम्पनिको बुक भ्यालु (किताबी मुल्य ) २२८ छ ।

सिद्धार्थ प्रिमियर इन्सुरेन्स लिमिटेड
यस कम्पनिको रिसर्भ ८९ करोड ५६ लाख ४० हजार रहेको छ । यसको प्रतिसेयर आम्दानी १८.८४ रहेको छ । यसको प्राइस टु अर्निङ (पीई ) रेसियो ४१ रहेको छ । त्यस्तै यसको प्राइस टु बुक भ्यालु ३.३२ रहेको देखिन्छ भने यस कम्पनिको बुक भ्यालु (किताबी मुल्य ) २२५.९१ छ ।

Paid up Capital, Reserve , Insurance Fund , Net Premium are in thousands.

यो विवरण आब २०७९-८० को चौथो त्रैमासका आधारमा तयार पारीएको हो । यो बाइसेल रेकोमेन्डेसन होइन । लगानी गर्नु अघी आँफै अध्ययन अनुसन्धान गर्नु होला ।