चीनमा सरकारी कर्मचारीले आइफोन प्रयोगमा प्रतिबन्ध लगाएको खबर बाहिरिएपछी दुईदिन निरन्तर अप्पलको सेयर मुल्य घटेको छ ।

पछिल्लो दुई दिनमा कम्पनीको सेयर मुल्य करिब ६ प्रतिशतले घटिसकेको छ ।

चीन एप्पलका लागि तेस्रो ठूलो बजार हो। गत वर्षको कुल आम्दानी ३९४ बिलियन डलरमा चीनको हिस्साको १८ प्रतिशत थियो। एप्पलका अधिकांश उत्पादन पनि चीनमा उत्पादन हुन्छन्। सरकारी कर्मचारीमाथिको प्रतिबन्धपछी आईफोनको बिक्री चीनमा ५ प्रतिशत भन्दा बढीले घट्ने अनुमान गरिएको छ ।

दुई दिनअघि वाल स्ट्रिट जर्नलले आफ्नो एउटा रिपोर्टमा चीनले अमेरिकी कम्पनी एप्पललगायत अन्य देशका डिभाइसको प्रयोगमा प्रतिबन्ध लगाएको जनाएको थियो। तर, यो प्रतिबन्ध सरकारी कर्मचारीलाई मात्र लागू हुनेछ। ती उपकरण कार्यालयमा ल्याउन र चलाउनलाई रोक्दै त्यस्ता उपकरण नचलाउन निर्देसन दिएको छ ।

चिनियाँ सरकारले आफ्ना अधिकारीहरुलाई आफ्नै देशको उत्पादन प्रयोग गर्न भनेको छ। रिपोर्टका अनुसार चीनले एप्पलबाहेक कुनै पनि फोन निर्माताको नाम राखेको छैन। –एजेन्सी

प्रभु बैंकले १४ लाख भन्दा बढी कित्ता सेयर बिक्री गर्ने निर्णय गरेको छ।

हाल बैंकले विद्यमान संस्थापक सेयरधनीहरुले मात्रै खरिद आवेदन दिन सक्ने गरी १४ लाख १६ हजार ७६३ कित्ता संस्थापक सेयर बिक्रीमा राखेको हो।

यो सेयर किन्न ३५ दिनको समय दिईएको छ । यो अवधिसम्म संस्थापक सेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई बिक्री खुला गरिने संस्थाले जनाएको छ।

यो सेयर खरिद गर्न आबेदक काठमाण्डौको बबरमहलस्थित बैंकको केन्द्रीय कार्यालयमा सेयर खरिदका लागि आबेदन दिनु पर्नेछ ।

काठमाडौं । बिहीबार दिउँसो सामाजिक सञ्जालमा नेपाल राष्ट्र बैंकका गभर्नर महाप्रसाध अधिकारीको सवारी दुर्घटनामा परि निधन भएको भन्ने झुठो र अपत्यारिलो अफबाह भाइरल बन्यो ।

‘सेयर बजारको मनोविज्ञानवेत्ता-बुलबहादुर’ नाम गरेको फेसबुक पेजबाट यस्तो अमानबिय र निन्दनिय पोस्ट बाहिरिएको थियो । एउटा सरकारी नम्बरप्लेट भएको गाडी पल्टिएको फोटो एकापट्टी र अर्को पट्टी गभरनर महाप्रसादको फोटो राखेर ईडिट गरेको फोटो सन्जालमा राख्दै उक्त अफबाह फैलाइएको थियो ।

र, उक्त पोस्टमा अधिकांशले हार्दिक श्रद्धान्जली भनेर लेखेका छन् भने केहीले यस्तो अफबाह नफैलाउन चेतावनीसमेत दिएका छन् ।

सेयर बजारका बारेमा बिभिन्न पोस्ट गर्दै आएको उक्त फेसबुक पेजमा ज्यूँदो मान्छेलाई दुर्घटनामा परी मरेको भनेर पोस्ट गरेर भाईरल भईसक्दा पनि यस्तो पोस्ट गर्ने ब्याक्ती उपर प्रहरिले हालसम्म केही कारबाही भएको छैन । र पोस्ट पनि डिलेट गरिएको छैन ।

उक्त पोस्ट र आफु मरेको खबर भाईरल भएको देख्दा आफु तिनछक्क परेको महाप्रसादले प्रतिकृया दिएका छन । साथै यसका बिरुद्द कानुनी उपचारमा जाने तयारी गरेका छन ।

राष्ट्र बैंकले पनि उक्त घटनाबारे अध्ययन गरिरहेको र छिट्टै साइबर ब्युरोमा उजुरी दिने गरी प्रकृया अगाडि बढाएको छ ।

ज्यूँदो मान्छेलाई जानिजानी मरेको भनेर दुसित मनसायले प्रचारप्रसार गर्नु अपराध भएको र कानुन अनुसार सामाजिक सञ्जालमा यस्तो पोस्ट गर्ने र श्रद्धाञ्जली भनेर कमेन्ट गर्ने दुबैलाई साइबर कानुन लाग्छ ।

सेयर बजारमा लगानी गर्ने कतिपय लगानीकर्ताहरुले राष्ट्र बैंकको नीतिले गर्दा सेयर बजार घटेको भनेर बुझेका छन । त्यसैले यि लगानिकर्ता र सेयर ॠण लिन कडाइ गरेपछी ति ठुला लगानिकर्ता गभरनर महाप्रसाद अधिकारी बिरुद्द आगो ओकलिरहेका छन ।

आलोचना वा विरोध गर्न पाईने भए पनि ज्यूँदो मान्छेलाई मर्यो भन्नु अमानबिय र अपराध ठहरिन्छ । त्यसैले, यस्ता कृयाकलाप गर्नेलाई समयमा कारबाहिको दाँयारामा ल्याउनु उचित देखिन्छ नत्र मनमा जे लाग्यो त्यही बोल्ने र समाजमा अराजकता मच्चाउन खोज्नेको मनोबल बढ्ने निस्चित छ ।

भोजपुरको षडानन्द नगरपालिका-७ दनुवार गाउमा करोडौ पर्ने रुद्राक्ष लुटपाटको प्रयास भएको छ ।

हिजो राती लगभग ९ बजेको समयमा बन्दुक र बम बोकेर आएका अन्दाजी ७ जनाको नकावधारी समुहले बहुमुल्य २,३ मुखे र ज्वाला मुखदार फल्ने रुद्राक्षको वोट लुटपाटको प्रयास भएको हो ।

स्थानिय व्यावसायीहरु बुद्धसिं तामाङ् र प्रताप श्रेष्ठले ठेक्का लिएको रुद्राक्षको बोट घरेलु बन्दुक र बम सहित आएको समुहले लुटपाटको प्रयास गरेका थिए । उक्त समयमा बोट धनी धन वहादुर र उनकी श्रीमती जमुना मगर खाना पकाईरहेको बताईएको छ । उक्त समयमा आएर घरधनी नियन्त्रणमा लिन खोज्दा घरधनी चिच्याउदा होहल्ला भएपछी रुद्राक्ष रुङ्न भनेर बसेका ब्याक्ती आएर प्रतिकार गरेका थिए , प्रतिकार गर्दा लुटपाट गर्न आएका ब्याक्तीहरुले बन्दुक पट्काउन खोजेका थिए , तर समयमा बन्दुक नपड्केपछी उनिहरु त्यहाबाट भागेका थिए ।

घट्नास्थल देखि १ सय ५० मिटर पर एउटा मोवाईल र २ वटा सिम फेला परेको प्रहरीले जनाएको छ । प्रहरीले लुटेरा को हुन भन्ने बारे पत्ता लगाइ सकेको छैन , तर अनुसन्धालाई तिब्रता दिएको छ ।

लुट्ने प्रयास भएको वोट अधिकांस दाना २,३ मुखे र ज्वामुखदार फल्ने विशेष रुद्राक्ष भएको वताईएको छ ।

केही बर्ष अघी पनि दिङलामै १ करोड भन्दा बढी पर्ने रुद्राक्ष बोट यसरी नै बन्दुक सहीत आएको टोलिले लुटपाट गरेको थियो , उक्त बोटमा लुटपाट गर्नेलाई अहिले सम्म पहिचान गरी कारबाही गर्ने काम हुन सकेको छैन ।