सिद्धार्थ बैंकले आर्थिक वर्ष २०७९–८०का लागि लाभांश घोषणा गरेको छ।

बैंक सञ्चालक समितिको बुधबार दिउँसो बसेको बैठकले उक्त आर्थिक वर्षको वितरणयोग्य मुनाफाबाट आफ्ना सेयरधनीहरुलाई हाल कायम चुक्तापुँजी १४ अर्ब ८ करोड ९९ लाख ८० हजार १९० रुपैयाँको ४.२१ प्रतिशतले हुन आउने ५९ करोड ३१ लाख ८८ हजार १६६ रुपैयाँ नगद लाभांश (करसहित) वितरण गर्ने प्रस्ताव गरेको छ।

यो लाभांश अब नेपाल राष्ट्र बैंकले स्वीकृति गरेपछी आगामी वार्षिक साधारणसभाबाट पारीत गरिने छ ।

अघिल्लो वर्ष २०७८–७९मा सिद्धार्थ बैंकले कुल १३.१६ प्रतिशत लाभांश वितरण गरेको थियो।

सोनापुर मिनरल्स एन्ड आयल लिमिटेडको आईपीओ आज बाँडफाँट सम्पन्न गरिएको छ।

धितोपत्र बिक्री प्रबन्धक एनआईबिएम एस क्यापिटलले सोनापुर मिनरल्सको आईपीओ बाँडफाँट लाजिम्पाटस्थित क्यापिटलको कार्यालयमा बिहान ९ बजे गरिएको हो ।

सोनापुर मिनिरल्सले कर्मचारीलाई छुट्याएको पौने ६ लाख बढी कित्ता सेयर कर्मचारीले नकिनेको पाएपछी उक्त सेयर पनि सर्वसाधारणलाई नै वितरण गरिएको छ।

कम्पनीले १०० रुपैयाँ अंकित मूल्यमा १३७.५८ रुपैयाँ प्रिमियम थपेर कुल २३७.५८ रुपैयाँ प्रतिकित्ताको दरले ९७ लाख ३२ हजार ५४४ कित्ता सेयर निष्कासन गरेको थियो।

आबेदन परेकोमध्ये १ करोड १९ लाख ७५ हजार ५२० कित्ता सेयर सदर भएको छ भने ५ हजार ६८९ आवेदकबाट परेको ९४ हजार ३७० कित्ता रद्द तथा बदर भएका छन्।

यो आईपीओमा गोलाप्रथाबाट बाँडफाँट गर्दा १० लाख ३२ हजार १३२ आवेदकले १० कित्ताका दरले सेयर पाएका छन्। तिनै भाग्यमानी आवेदकमध्ये ८ जनाले थप १–१ कित्ता सेयर पाएका छन्। जसअनुसार सदर आवेदकमध्ये ८ हजार ६३८ को हात खाली भएको छ।

यो आईपीओको अन्तिम नतिजा केहीबेरमा सार्वजनिक हुनेछ। अन्तिम नतिजा धितोपत्र बिक्री प्रबन्धक र आईपीओ निष्कासनकर्ता कम्पनीको वेबसाइट र सीडीएससीको iporesult.cdsc.com.np मा हेर्न सकिनेछ।

माण्डू हाइड्रोपावर लिमीटेड र हाथवे इन्भेष्टमेन्ट नेपाल लिमीटेडको सेयर नेपाल स्टक एक्सचेञ्जमा सूचीकृत भएका छन् ।

यी दुई कम्पनीका सेयर सूचीकरण भएपछी ओपनिङ रेन्ज तोकिएको छ ।

माण्डू हाइड्रोले पहिलो कारोबारका लागि न्यूनतम १२४.४२ रुपैयाँदेखि ३७३.२६ रुपैयाँको रेञ्ज तोकिएको छ ।

कारोबारका लागि माण्डू(MANDU) सिम्बोल पाएको यस कम्पनिको कुल १ करोड ३६ लाख ३६ हजार ३७० कित्ता साधारण सेयर सूचीकृत भएको छ ।

यसैगरी, हाथवे इन्भेष्टमेन्टले दोश्रो बजारमा कारोबारका लागि न्यूनतम ९५.०९ देखि अधिकतम रु. २८५.२७ रुपैयाँको ओपनिङ रेञ्ज पाएको छ ।

यो कम्पनीले ५० रुपैयाँ अंकित दरका २ करोड ३४ लाख कित्ता सेयर सर्वसाधारणमा बिक्री गरेको थियो । यो कम्पनीको दोश्रो बजारमा कारोबारका लागि हाथी(HATHY) सिम्बोल दिईएको छ ।

यि दुबै कम्पनीको सेयर कारोबार दोश्रो बजारमा आजबाट कारोबार हुँदैछ ।