सिटिजन लाइफ इन्स्योरेन्सले आजै मात्र घोषणा गरेको २६.९८ प्रतिशत बोनस सेयर र कर प्रयोजनका लागि १.४२ प्रतिशत नगद लाभांश रद्द हुने भएको छ । नेपाल बीमा प्राधिकरणले एकै वर्ष दुईपटक लाभांश घोषणा गर्न नपाउने तथा आईपीओ निष्कासन गर्दा थप हुन आएको प्रिमियम रकमबाट लाभांश विवरण गर्न नमिल्ने बताउँदै लाभांश रद्द हुने जनाएको छ । कम्पनिले आइपीओ निस्कासन गर्दाको प्रिमियम रकम प्रयोग गरेर लाभांश बितरण गर्ने गरी निर्णय गरेको थियो ।

आईपीओ निष्कासन गर्दा थप हुन आएको प्रिमियम रकम लेखा समितिमा छानबिनकै क्रममा रहेकाले उक्त रकम प्राधिकरणले जगेडा कोषमा सञ्चित गरेर राख्न निर्देशन समेत दिएको थियो ।

सोही कारण कम्पनीले आईपीओ निष्कासन गर्दा थप हुन आएको प्रिमियम रकमबाट यो वर्षका लागि बोनस बाँँड्न पाउदैन । तर त्यसको खिल्ली उडाउदै कम्पनिले लाभांश घोषणा गरेको थियो ।

यस कम्पनीले गत आर्थिक वर्षको मुनाफाबाट ५ प्रतिशत बोनस सेयर र कर प्रयोजनार्थ १।४२ प्रतिशत नगद लाभांश सेयरधनीलाई प्रस्ताव गरी गत माघ १४ गतेको ७औं वार्षिक साधारण सभाले पारित गरिसकेको छ ।

सिटिजन लाइफले प्राधिकरणको निर्देशन लत्याउदै बिमा प्राधिकरणलाई समेत जानकारी नदीई आफुखुसी सेयर प्रिमियमबाट बोनस बाँड्ने निर्णय गरेको छ ।

उक्त प्रस्तावित लाभांश रद्द गरिने र निर्देशन उल्लङ्घन गरेकोले कारबाही समेत गरिने प्राधिकरण श्रोतको भनाई छ ।

नेपाल स्टक एक्सचेन्ज(नेप्से)ले रोड सो ब्रोकर(स्टक ब्रोकर नम्बर ९२) लाई कारबाही गरेको छ । नेप्सेले उक्त ब्रोकरको को टिएमएस(ट्रेड म्यानेजमेन्ट सिस्टम) बन्द गरिदिएको छ । मासिक रुपमा तिर्नुपर्ने प्राविधिक शुल्क नतिरेको भन्दै नेप्सेले स्टक ब्रोकर नम्बर ९२ को टीएमएस बन्द गरेको जानकारी प्राप्त भएको छ ।

उक्त ब्रोकरले मासिक रुपमा तिर्नुपर्ने प्राविधिक शुल्क नतरिेका कारण टीएमएस बन्द गरिएको नेप्से श्रोतले जनाएको छ ।

अब ब्रोकरले तिर्नुपर्ने रकम र जरिवाना तिरेपछि मात्रै टीएमएस सुचारु हुनेछ । रोड सोल अब नेप्सेलाई मासिक रुपमा तिर्नुपर्ने २५ हजार रुपैयाँ र ५० हजार जरिवाना शुल्क तिर्नुपर्ने हुन्छ।

धितोपत्र कारोबार सञ्चालन (तेस्रो संशोधन) विनियमावलि, २०७९ को विनियम २१ को (च) मा कारोबार सदस्यले नेप्सेको कारोवार प्रणालीमा कारोवार व्यवस्थापन प्रणाली आबद्ध गरे बापत नेप्सेलाई अनुसुचि २ (ग) बमोजिमको मासिक प्राविधिक सेवा शुल्क बुझाउनु पर्छ भन्ने व्यवस्था उल्लेख गरिएको छ ।

त्यस्तो शुल्क त्रैमासिक अवधिको पहिलो महिनाको सात गते भित्र बुझाउनु पर्ने उल्लेख गरिएको छ। उक्त अवधिमा शुल्क नबुझाएमा नेप्सेले जुन सुकै बेला सेवा बन्द गर्न सक्ने व्यवस्था छ। सोहि नियममा टेकेर नेप्सेले टिएमएस बन्द गरेको हो ।

सूर्योदय वोमी लघुवित्त वित्तीय संस्था लिमिटेडले अपरिस्क्रित बित्तिय विवरण सार्वजनिक गरेको छ । जसअनुसार कम्पनिको नाफा र आम्दानी दुवै घटेको छ । चालु आवको तेस्रो त्रैमाससम्ममा कम्पनिले २ करोड २९ लाख रुपैयाँ खुद नाफा आर्जन गरेको छ । जुन अघिल्लो आवको सोहि अवधिको तुलनामा ५९.३१ प्रतिशतले कम हो । गत आवको सोहि अवधिमा संस्थाले ५ करोड ६३ लाख रुपैयाँ खुद नाफा आर्जन गरेको थियो ।

संस्थाको खुद ब्याज आम्दानीमा पनि गिरावट आएको छ । संस्थाको खुद ब्याज आम्दानी अघिल्लो आवको तुलनामा १३.८४ प्रतिशतले कमी देखिएको छ । तेस्रो त्रैमाससम्ममा संस्थाले ३७ करोड ८७ लाख रुपैयाँ खुद ब्याज आम्दानी आर्जन गरेको छ।

समीक्षा अवधिसम्म संस्थाको कुल सञ्चालन आम्दानी १३.५३ प्रतिशतले घटेर ४३ करोड १८ लाख रुपैयाँमा सीमित बनेको छ । संस्थाले कर्मचारीको तलब लगायतका सेवा सुविधाका लागि ३२ करोड ८४ लाख र अन्य सञ्चालनका लागि ६ करोड ४८ लाख रुपैयाँ खर्च गरेको छ ।

संस्थाको रिजर्भको आकार १.४६ प्रतिशतले बढ्दै ३४ करोड ७० लाख रुपैयाँ पुगेको छ । संस्थाको रिटेन्ड अर्निङ पनि १५ करोड ७६ लाख रुपैयाँले बढेर १७ करोड ५५ लाख रुपैयाँ पुगेको छ । संस्थाको निक्षेप संलकन ४ अर्ब ७९ करोड ९५ लाख र कर्जा प्रवाह १० अर्ब ९२ करोड रुपैयाँ रहेको छ ।

संस्थाको खराब कर्जा अनुपातमा कमी आएको छ । संस्थाको खराब कर्जा अनुपात ६.२० प्रतिशतमा सीमित बनेको छ । अघिल्लो आवको तेस्रो त्रैमाससम्म संस्थाको खराब कर्जा अनुपात ७.६६ प्रतिशत कायम थियो । संस्थाले इम्पेयरमेन्ट चार्जका लागि ४ करोड ७३ लाख रुपैयाँको व्यवस्था गरेको छ ।

समीक्षा अवधिसम्म संस्थाको प्रतिसेयर आम्दानी(ईपीएस) घटेको छ । संस्थाको ईपीएस ९.४९ रुपैयाँबाट घटेर ३.३६ रुपैयाँमा सीमित बनेको छ । संस्थाको प्रतिसयर नेटवर्थ १५७.३८ रुपैयाँ,प्रतिसेयर कुल सम्पत्तिको मूल्य १ हजार २५६.१९ रुपैयाँ,मूल्य आम्दानी अनुपात २२६.०३ गुणा र तरलता अनुपात ४.७७ प्रतिशत रहेको छ ।

पञ्चकन्या माइ्र्र हाईड्रो लिमिटेडले चालु आवको तेस्रो त्रैमाससम्ममा २ करोड १३ लाख रुपैयाँ खुद नाफा कमाएको छ । यो नाफा अघिल्लो आवको सोहि अवधिको तुलनामा ८५ प्रतिशतले धेरै हो । अघिल्लो आवको तेस्रो त्रैमाससम्ममा कम्पनीले १ करोड १५ लाख रुपैयाँ खुद नाफा आर्जन गरेको थियो ।
यस कम्पनीको कुल विद्युत बिक्री आम्दानीमा भने कमी आएको छ । कम्पनीको कुल विद्युत बिक्री आम्दानी २.१९ प्रतिशतले घटेर २९ करोड २० लाख रुपैयाँ भएको छ । कम्पनीको अन्य आम्दानी ११ लाख ३१ हजार रुपैयाँ रहेको छ ।

कम्पनीको कुल सञ्चालन खर्च ३ करोछ ५१ लाख र कुल प्रशासनिक र अन्य खर्च २३ करोड ६४ लाख रुपेयाँ रहेको छ । १ अर्ब १० करोड चुक्तापूँजी भएको कम्पनीको रिजर्भ १६ करोड ४७ लाख रुपैयाँले ऋणात्मक अवस्थामा छ । कम्पानीको कुल चालु सम्पत्ति ७ करोड ८ लाख र कुल चालु दायित्व ८ करोड ३३ लाख रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस) २.५८ रुपैयाँ ,प्रतिसेयर नेटवर्थ ८५.०२ रुपैयाँ,प्रतिसेयर कुल सम्पत्तिको मूल्य २३५ रुपैयाँ र तरलता अनुपात ०.१६ प्रतिशत रहेको छ ।