शिवम् सिमेन्ट लिमिटेडको खुद नाफा ५७.९३ प्रतिशतले घटेको छ । कम्पनीले गत आवको असार मसान्तसम्म २५ करोड २ लाख रुपैयाँबराबरको खुद नाफा कमाएको छ । कम्पनीले सिमेन्ट बिक्रीबाट ७ अर्ब ७० करोड रुपैयाँ कमाएको छ । यो रकम अघिल्लो आवको ७ अर्ब ७५ करोड रुपैयाँको तुलनामा ०.५८ प्रतिशतले कम हो ।

कम्पनीको अन्य आम्दानी अघिल्लो आवको तुलनामा ४५.४१ प्रतिशतले घटेर १९ करोड ८५ लाख रुपैयाँमा सीमित भएको छ ।

त्यस्तै अघिल्लो आवसम्म ९९ करोड ८१ लाख रुपैयाँबराबरको खर्च गरेको कम्पनीले गत आवसम्म ९५ करोड ६३ लाख रुपैयाँबराबरको खर्च गरेको छ ।

कम्पनीले सेयर प्रिमियम रिजर्भका लागि ९५ करोड ६२ लाख रुपैयाँ छुट्टाएको छ । यस्तै अन्य रिजर्भका लागि ३ अर्ब ५१ करोड रुपैयाँ राखिएको छ ।

समीक्षा अवधिसम्म कम्पनीको प्रतिसेयर आम्दानी(ईपीएस)४.९८ रुपैयाँ, प्रतिसेयर नेटवर्थ १८९.०२ रुपैयाँ,प्रतिसेयर कुल सम्पत्तिको मूूल्य २३७.८९ रुपैयाँ र तरलता अनुपात १.५६ गुणा कायम भएको छ ।

सेयर बजार केही समययता लगातार बढीरहेको छ । एमाले काङ्ग्रेसको समिकरणबाट दुई ठुला दलको सरकार बनेपछी दिनहु जस्तै बजार बढीरहेको छ ।
सेयर बजारका लगानिकर्ताको एमाले सरकार खासगरी एमाले अर्थमन्त्री बिष्णु पौडेलप्रती सकारात्मक धारणा रहेको छ । बिष्णु पौडेल सेयरबजार प्रती चिरपरिचित नाम हो । उनी अर्थमन्त्री भएकै बेला सेयर बजारले अल टाइम हाइ बनाएकोले लगानिकर्ता उनीप्रती सकारात्मक रहदै आएका छन । लगानीकर्ताले अहिलेका अर्थमन्त्रीलाई सेयर बजारमैत्री अर्थमन्त्रीका रुपमा लिने गरेका छन ।

यसै कारण यो पटक पनि बिष्णु पौडेल अर्थमन्त्री बनेपछी सेयर बजार लगातार झै बढीरहेको छ । यसै महोललाई मध्यनजर गर्दै प्रधानमन्त्री ओलिले पनि सेयर बजारलाई सकारात्मक रुपमा लिदै आफु निकटका लगानिकर्तालाई सेयर बजारमा आएको उत्साहलाई कमी हुन नदिन निर्देशन दिएका छन । प्रधानमन्त्रीको चाहना यो सेयर बजारलाई अल टाइम हाइ बनाउनुपर्ने धारणा राखेको निकट श्रोतले जानकारी दिएको छ ।

केही साम्सदले लगातार सेयर बजारमाथी प्रहार गरेको प्रती आफु जानकार रहेको भन्दै उनले सेयर बजारको बिरोधीलाई चिन्नु पर्ने र त्यस्ता पात्रको बिरोध गर्नु पर्ने धारणा राखेका हुन । पूर्व अर्थमन्त्री डा. प्रकाशशरण महत, सांसद अमरेशकुमार सिंह लगायतले बजारविरोधी अभिब्यक्ती दिएको भन्दै उनले उनीहरु कोही कतैबाट परिचालित भएको आसन्का ब्यक्त गरेका छन ।

उनले आफु निकटलाई भनेका छन , तपाईंहरु लगानी लगानी बढाउनुस् र आफ्ना साथीभाइलाई समेत सेयर बजारमा लगानी थप्न सल्लाह दिनुस् । जे हुन्छ, जसरी हुन्छ बजारको उत्साह घट्न नघटोस , सरकारले गर्नुपर्ने नीतिगत सहजीकरण गरिरहनेछ – ओलिको कुरा उद्धृत गर्दै स्रोतले जनाएको छ ।

पूर्व अर्थमन्त्री डा. प्रकाशशरण महत, सांसद अमरेशकुमार सिंह लगायतले भने बजार बिनाकारण बढेको भन्दै यसको बिरोध गरिरहेका छन । सोझा लगानिकर्तालाई फसाउन चलखेल गरिएको भन्दै उनिहरु सम्सदमै बिरोधका आवाज उठाइरहेका छन । कम ईपियस भएका कम्पनी चलखेल गरेर बढाएको भन्दै नाम किटान गरेरै पूर्व अर्थमन्त्री डा. प्रकाशशरण महत, सांसद अमरेशकुमार सिंह लगायतले बिरोध गरिरहेका छन ।

कालिका लघुवित्तले नाफा बढेको छ । संस्थाले गत आवको चौथो त्रैमाससम्ममा ६ करोड ३१ लाख रुपैयाँ खुद नाफा कमाएको छ । यो रकम अघिल्लो आवमा संस्थाले आर्जन गरेको २ करोड ६९ लाख रुपैयाँको तुलनामा १३४.०२ प्रतिशतले बढी हो ।

संस्थाको खुद ब्याज आम्दानी २५ करोड ५० लाख रुपैयाँ रहेको छ । अघिल्लो आवमा यो रकम २५ करोड ३६ लाख रुपैयाँ थियो । संस्थाले ४ करोड ४३ लाख रुपैयाँबराबरको अन्य सञ्चालन आम्दानी गरेको छ ।

संस्थाको खुद सञ्चालन आम्दानी २४.७३ प्रतिशतले वढेर ३२ करोड ७२ लाख रुपैयाँ पुगेको छ । यस्तै सञ्चालन खर्च २.१४ प्रतिशतले बढेर २३ करोड २७ लाख रुपैयाँ पुगेको छ ।

संस्थाको रिटेन्ड अर्निङ १०१.२६ प्रतिशतले बढेर ६ करोड ६५ लाख रुपैयाँ र रिजर्भ १७.५९ प्रतिशतले बढेर २० करोड ४० लाख रुपैयाँ पुगेको छ ।

संस्थाको निक्षेप संकलन १ अर्ब ३५ करोड र कर्जा प्रवाह ३ अर्ब ९० करोड रुपैयाँ रहेको छ । चौथो त्रैमाससम्म संस्थाले खराब कर्जा अनुपात घटाएको छ । अघिल्लो आवसम्म ४.८५ प्रतिशत रहेको खराब कर्जा अनुपात घटेर ३.७९ प्रतिशत कायम भएको छ ।

समीक्षा अवधिसम्म संस्थाको वितरणयोग्य मुनाफा ३ करोड ४४ लाख र वार्षिक लाभांश क्षमता ९.२७ प्रतिशत रहेको छ ।

प्रतिसेयर आम्दानी १६.९५ रुपैयाँ रहेको संस्थाको प्रतिसेयर नेटवर्थ १७२.७० रुपैयाँ,मूल्य आम्दानी अनुपात ७५.८१ गुणा,प्रतिसेयर कुल सम्पत्तिको मूल्य १ हजार १३३.३७ रुपैयाँ र तरलता अनुपात ८.९८ प्रतिशत रहेको छ ।