जीवन विकास लघुवित्त वित्तीय संस्था लिमिटेडले लाभांशको प्रस्ताव पारित गर्ने मुख्य उद्देश्यसहित साधारण सभा डाकेको छ । पुस ५ गते बसेको संस्थाको सञ्चालक समितिको बैठकले आगामी पुस २८ गते मोरङको कटहरीमा रहेको संस्थाको केन्द्रीय कार्यालयमा बिहान साढे १० बजेदेखि सभा आयोजना गर्ने निर्णय गरेको हो ।
सभाले गत आवका लागि सेयरधनीहरुलाई प्रस्तावित १४ प्रतिशत बोनस सेयर र ०.७३८५ प्रतिशत नगद लाभांश गरी कुल १४.७३८५ प्रतिशत लाभांश वितरणको प्रस्ताव पारित गर्नेछ । बोनस सेयर जारी गरेपश्चात संस्थाको चुक्तापूँजी वृद्धि हुने भएकाले सोही बमोजिम चुक्तापूँजी वृद्धि गर्ने प्रस्ताव र संस्थाको प्रबन्धपत्र तथा नियमावली संशोधन गर्ने प्रस्ताव पारित गरिनेछ ।

त्यस्तै, अन्य एकभन्दा बढी उपयुक्त लघुवित्त एक आपसमा गाभ्ने/गाभिने वा प्राप्ति गर्ने कार्यका लागि सम्पूर्ण अख्तियारी सञ्चालक समितिलाई प्रदान गर्ने विशेष प्रस्ताव पनि पारित गरिनेछ ।

सभामा अध्यक्षद्वारा प्रस्तुत गरिने गत आव २०८०/८१ को वार्षिक प्रतिवेदनमाथि छलफल गरी पारित गर्ने, लेखा परीक्षकको प्रतिवेदन सहितको आर्थिक वर्ष २०८०/८१ को वासलात, नाफा नोक्सान हिसाव नगद प्रवाह विवरण र सोसँग सम्बन्धीत अनुसूचिहरु लगायतका वित्तीय विवरणहरु पारित गरिनुका साथै चालु आव २०८१/८२ को लेखा परीक्षणका लागि लेखा परीक्षक नियुक्ती गर्ने तथा निजको पारिश्रमिक निर्धारण गर्ने र ४ जना संस्थापक सञ्चालकको निर्वाचन गर्ने प्रस्ताव समेत पारित गरिनेछ ।

लाभांश वितरण तथा साधारण सभा प्रयोजनका लागि संस्थाले पुस १६ गते एक दिनका लागि बुक क्लोज गर्ने निर्णय गरेको छ । यसर्थ पुस १५ गतेसम्म नेप्सेमा कारोबार भई कायम भएका सेयरधनीहरु मात्रै संस्थाको लाभांश पाउन र सभामा सहभागी हुन योग्य हुनेछन् ।

छिमेक लघुवित्त वित्तीय संस्था लिमिटेडको साधारण सभा आगामी पुस २९ गते आयोजना हुने भएको छ । पुस ६ गते बसेको सञ्चालक समितिको बैठकले संस्थाको २३ औं साधारण सभा हटौडामा रहेको होटल सामना प्रालिमा बिहान ११ बजेदेखि सभा आयोजना गर्ने निर्णय गरेको हो ।
उक्त सभामा गत आवको वितरणयोग्य मुनाफाबाट सेयरधनीहरुलाई प्रस्तावित ८ प्रतिशत बोनस सेयर र ७ प्रतिशत नगद लाभांश(कर समेत)गरी कुल १५ प्रतिशत लाभाश वितरणको प्रस्ताव पारित गरिनेछ ।

यस्तै एकभन्दा बढी उपयुक्त लघुवित्तलाई एक आपसमा गाभ्ने वा प्राप्तिका लागि उपयुक्त देखिएमा सो सम्बन्धी सम्पूर्ण कार्य गर्नका लागि सञ्चालक समितिलाई पूर्ण अख्तियारी प्रदान गर्ने प्रस्ताव पनि पारित गरिनेछ ।

सभामा अध्यक्षद्वारा प्रस्तुत गरिने गत आव २०८०/८१ को वार्षिक प्रतिवेदनमाथि छलफल गरी पारित गर्ने, लेखा परीक्षकको प्रतिवेदन सहितको आर्थिक वर्ष २०८०/८१ को वासलात, नाफा नोक्सान हिसाव नगद प्रवाह विवरण र सोसँग सम्बन्धीत अनुसूचिहरु लगायतका वित्तीय विवरणहरु पारित गरिनुका साथै चालु आव २०८१/८२ को लेखा परीक्षणका लागि लेखा परीक्षक नियुक्ती गर्ने तथा निजको पारिश्रमिक निर्धारण गर्ने र २ जना सर्वसाधारण समूहका सञ्चालकको निर्वाचन गर्ने प्रस्ताव समेत पारित गरिनेछ ।

लाभांश वितरण तथा साधारण सभा प्रयोजनका लागि संस्थाले पुस १६ गते एक दिनका लागि बुक क्लोज गर्ने निर्णय गरेको छ । यसर्थ पुस १५ गतेसम्म नेप्सेमा कारोबार भई कायम भएका सेयरधनीहरु मात्रै संस्थाको लाभांश पाउन र सभामा सहभागी हुन योग्य हुनेछन् ।

नागरिक लगानी कोष र म्याग्दी हाइड्रोपावर लिमिटेडबीच सेयर प्रत्याभूति गर्ने सम्झौता भएको छ । सम्झौतामा कोषका कार्यकारी निर्देशक पर्वत कुमार कार्की र म्याग्दी हाइड्रोपावरका अध्यक्ष भरतप्रसाद नेपालले आइतबार हस्ताक्षर गरेका हुन् ।

म्याग्दी हाइड्रोले प्रतिसेयर १ सय रुपैयाँका दरले ४७ लाख ४५ हजार कित्ता बापतको ४७ करोड ४५ लाख रुपैयाँ बराबरको सेयर निष्कासन गर्ने सम्बन्धमा कोषसँग प्रत्याभूति सम्झौता गरेको हो । सम्झौताको अवधि हस्ताक्षर भएको मितिले ६ महिनासम्म रहने छ ।

गुहेश्वरी मर्चेन्ट बैंकिङ एण्ड फाइनान्स लिमिटेडको पुस ६ गते बसेको कम्पनीको सञ्चालक समितिको बैठकले २३ औं साधारण सभा पुस २८ गते ललितपुरको पुल्चोकमा रहेको गुहेश्वरी भवनमा बिहान ११ बजेदेखि आयोजना गर्ने निर्णय गरेको छ ।

उक्त सभामा अन्य उपयुक्त बैंक तथा वित्तीय संस्थासँग एक आपसमा गाभ्ने/ गाभिने वा प्राप्ति गर्ने प्रयोजनका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।

यस्तै सभामा अध्यक्षद्वारा प्रस्तुत गरिने गत आव २०८०/८१ को वार्षिक प्रतिवेदनमाथि छलफल गरी पारित गर्ने, लेखा परीक्षकको प्रतिवेदन सहितको आर्थिक वर्ष २०८०/८१ को वासलात, नाफा नोक्सान हिसाव नगद प्रवाह विवरण र सोसँग सम्बन्धीत अनुसूचिहरु लगायतका वित्तीय विवरणहरु पारित गर्ने, आव २०८१/८२ को लेखा परीक्षणका लागि लेखा परीक्षक नियुक्ती गर्ने तथा निजको पारिश्रमिक निर्धारण गर्ने र सर्वसाधारण सेयरधनीका तर्फबाट नियुक्त सञ्चालक तथा स्वतन्त्र सञ्चालकको नियुक्ती अनुमोदन गर्ने प्रस्ताव समेत पारित गरिनेछ ।

कम्पनीले साधारणसभा प्रयोजनको लागि पुस १९ गते एक दिनका लागि बुक क्लोज गर्ने निर्णय गरेको छ ।

सिवाईसी नेपाल लघुवित्त वित्तीय संस्था लिमिटेडले गत आवको लागि सेयरधनिलाई लाभांश नदिने निर्णय गरेको छ । कम्पनिले वितरणयोग्य मुनाफा सञ्चित गर्ने निर्णय गरेको छ । पुस ६ गते बसेको संस्थाको सञ्चालक समितिको बैठकले गत आवको वितरणयोग्य मुनाफा सञ्चित गरी सेयरधनीहरुलाई कुनै पनि प्रकारको लाभांश प्रदान नगर्ने निर्णय गरेको हो ।

बैठकले आर्थिक वर्ष २०८०/८१ को वार्षिक कारोबारका आधारमा तयार पारेको प्रारम्भीक लेखापरीक्षण प्रतिवेदन तथा त्यस प्रतिवेदनले औंल्याईएका विषयमा व्यवस्थापनबाट प्राप्त प्रतिउत्तरका आधारमा तयार पारेको आर्थिक वर्ष २०८०/८१ को वित्तीय विवरण, वासलात, नाफा नोक्सान हिसाव नगद प्रवाह विवरण तथा नेपाल राष्ट्र बैंकको निर्देशन अनुसारका सम्पूर्ण अनुसुचीहरु, कर्जा नोक्सानी व्यवस्थाको विवरण समेतसहितको नेपाल वित्तीय प्रतिवेदन मानअनुसार अन्तीम लेखा परिक्षण प्रतिवेदन स्वीकृत गर्ने निर्णय समेत गरेको छ ।