समता घरेलु लघुवित्त वित्तीय संस्थाले संस्थापक सेयरधनीको स्वामित्वमा रहेको ४ हजार कित्ता संस्थापक सेयर बिक्रीमा राखेको छ ।
यो सेयर खरिदका लागि विद्यमान संस्थापक सेयरधनीहरुले मात्रै खरिद आवेदन दिन सक्नेछन् ।
सेयर खरिद गर्न चाहने इच्छुक संस्थापक सेयरधनीहरुले सूचना प्रकाशित भएको ३५ दिनभित्र बनेपामा रहेको संस्थाको केन्द्रीय कार्यालयमा आईपुग्ने गरी आवेदन दिनु पर्नेछ ।
उक्त समयभित्र सेयर खरिदका लागि आवेदन नआएमा अन्य व्यक्ति तथा कम्पनीलाई बिक्री गर्ने प्रक्रिया अघि बढाइने संस्थाले जनाएको छ ।
काठमाण्डौ । हिमालयन बैंक लिमिटेडको फलो-ऑन पब्लिक अफर (एफपीओ) बाँडफाँड सम्पन्न भएको छ। आज बिहान ९ बजे राजधानीको कमलादीस्थित बैंकको केन्द्रीय कार्यालयमा एक समारोहका बीच बाँडफाँड प्रक्रिया सम्पन्न गरिएको हो।
धितोपत्र निष्कासन तथा बिक्री प्रबन्धक सिटिजन्स क्यापिटलका अनुसार बैंकको एफपीओमा कुल १८ लाख २५ हजार ९२२ आवेदकबाट ३ करोड ८५ लाख ९१ हजार १६० कित्ता सेयर खरिदका लागि आवेदन परेको थियो। तीमध्ये १ लाख १९ हजार ६११ आवेदन बदर गरी १७ लाख ६ हजार ३११ आवेदन सदर भएका छन्।
सदर भएका आवेदकहरुमध्ये ९ लाख २५ हजार ४६ जनालाई सेयर वितरण गरिएको छ। उनीहरुलाई प्रत्येकलाई १० कित्ताका दरले कुल ९२ लाख ५० हजार ४६० कित्ता सेयर बाँडफाँड गरिएको हो। बाँकी रहेको ९ कित्ता सेयर ९ जनाले १–१ कित्ताका दरले पाएका छन्।
बैंकले गत असार ३२ गतेदेखि साउन ४ गतेसम्म १ अर्ब ४५ करोड २३ लाख २३ हजार रुपैयाँ बराबरको एफपीओ जारी गरेको थियो। प्रति कित्ता १०० रुपैयाँ अंकित मूल्यमा ५७ रुपैयाँ प्रिमियम थप गरी कुल १५७ रुपैयाँ दरमा ९२ लाख ५० हजार ४६९ कित्ता सेयर बिक्री गरिएको हो।
सूर्यज्योति लाइफ इन्स्योरेन्स कम्पनी लिमिटेडले विभिन्न आवमा वितरण गरेको पुरानो नगद लाभांश- बोनस सेयर र हकप्रद सेयर बुझिलिन सेयरधनीहरुलाई आग्रह गरेको छ ।
कम्पनीले हालसम्म उक्त नगद लाभांश रकम प्राप्त गर्न बाँकी सेयरधनीहरुको विवरण कम्पनीको सेयर रजिष्ट्रार एनआईसी एशिया क्यापिटलले आफ्नो वेभसाईटमा उक्त नगद लाभांश वितरण हुन नसक्नुको कारणसहित राखेको हुँदा सोही अनुसारको विवरण अद्यावधिक गरी आफ्नो संकलन गर्न बाँकी लाभांश रकम समयमा नै प्राप्त गर्न आग्रह गरेको छ ।
यस्तै विभिन्न आवहरुमा वितरण गरेको बोनश सेयर र हकप्रद सेयरको प्रमाणपत्र संकलन गरी उक्त सेयर प्रमाणपत्र अभौतीकिकरण गर्न समेत बैंकले आग्रह गरेको छ । साथै, भौतिक रुपमा कायम सेयरधनीहरुको हकमा आफ्नो सेयर प्रमाणपत्र अभौतिकीकरण गरे पश्चात् मात्र नगद लाभांश हितग्राही खातामा उल्लेख गरेका बैंक खातामा पठाउने व्यवस्था मिलाईएको हुँदा आफ्नो सेयर प्रमाणपत्र हालसम्म अभौतिकिकरण नगरेका सेयरधनीहरुले यथाशीघ्र आफूले डिम्याट खाता खोलेको सम्बन्धित निक्षेप सदस्यमा सम्पर्क गरी आफ्नो शेयर प्रमाणपत्र अभौतिकीकरण गरी आफ्नो बैंक खाता नम्बर सहितको विवरण अद्यावधिक गर्न कम्पनीले अनुरोध गरेको छ ।
साथै हालसम्म पनि आफ्नो हितग्राही खातामा बैंक र वित्तीय संस्थाको खाता अध्यावधिक नगराएका तथा हितग्राही खातामा उल्लेखित बैंक खाता भएको बैंक तथा वित्तीय संस्था मर्जरको कारणले गर्दा परिवर्तन भएका सेयरधनीहरुले आफ्नो हितग्राही खाता रहेको सम्बन्धित निक्षेप सदस्यमा सम्पर्क राखि हितग्राही खातामा बैंक खाता अध्यावधिक गराई समयमा नै आफ्नो लाभांश प्राप्त गर्न सकिने समेत कम्पनीले जनाएको छ ।
सिद्धार्थ म्युचुअल फण्ड अन्तर्गत सञ्चालित सिद्धार्थ व्यवस्थित लगानी योजनाको लाभांश घोषणा गरिएको छ । सिद्धार्थ बैंक लिमिटेड कोष प्रवद्र्धक तथा सिद्धार्थ क्यापिटल लिमिटेड योजना व्यवस्थापक रहेको उक्त खुलामुखी योजनाको लाभांश घोषणा गरिएको हो ।
योजना व्यवस्थापक सिद्धार्थ क्यापिटलको साउन ११ गते बसेको सञ्चालक समितिको बैठकले उक्त योजनाका इकाईधनीहरु लाई आर्थिक २०८१/८२ का लागि लाभांश घोषणा गरेको हो ।
बैठकले सिद्धार्थ व्यवस्थित लगानी योजनाका लागि ८ प्रतिशत नगद लाभांश प्रदान गर्ने निर्णय गरेको छ । प्रस्तावित प्रतिफल साउन ११ गतेसम्म इकाईधनी दर्ता किताबमा कायम रहेका इकाईधीहरु मात्रै प्राप्त गर्न योग्य हुनेछन् । सिद्धार्थ व्यवस्थित लगानी योजना एक खुलामुखाी योजना हो र यसको लाभांश पुनः लगानी गर्न सकिनेछ ।
नेपाल इन्फ्रास्ट्रक्चर बैंक (निफ्रा)ले आर्थिक वर्ष २०८०/८१ को चौथो त्रैमाससम्ममा १ अर्ब १४ करोड रुपैयाँबराबरको खुद नाफा आर्जन गरेको छ। यो रकम अघिल्लो आर्थिक वर्षको सोही अवधिको तुलनामा १३.८५ प्रतिशतले कम हो। गत आवको चौथो त्रैमाससम्म निफ्राले १ अर्ब ३२ करोड रुपैयाँ नाफा कमाएको थियो।
कम्पनीको खुद ब्याज आम्दानी २५.५१ प्रतिशतले घटेर १ अर्ब ८९ करोड रुपैयाँमा सीमित बनेको छ। अघिल्लो आवमा यो रकम २ अर्ब ५५ करोड रुपैयाँ थियो।
तर, खुद शुल्क तथा कमिशन आम्दानी २ करोड १० लाख रुपैयाँ पुगेको छ, जुन अघिल्लो आवको १ करोड १७ लाखभन्दा बढी हो।
समीक्षा अवधिसम्म निफ्राले १ अर्ब ६४ करोड रुपैयाँ सञ्चालन मुनाफा र १ अर्ब ९६ करोड रुपैयाँ खुद सञ्चालन आम्दानी आर्जन गरेको छ।
कम्पनीको निक्षेप संकलन ८२ करोड ९८ लाखबाट बढेर ७ अर्ब ६८ करोड रुपैयाँ पुगेको छ।
यस्तै, कर्जा प्रवाह २० अर्ब ८६ करोडबाट बढेर २४ अर्ब ८० करोड रुपैयाँ पुगेको छ।
निफ्राको रिजर्भ कोषमा ४ अर्ब ७ करोड रुपैयाँ सञ्चित छ।
निफ्राले हालको समीक्षा अवधिमा निक्षेप र कर्जा विस्तारमा सशक्त वृद्धि देखाए पनि खुद ब्याज आम्दानीमा कमीले नाफा घटाएको देखिन्छ।
नेपाल राष्ट्र बैंकले आज बैंकिङ प्रणालीबाट ८० अर्ब रुपैयाँ निक्षेप संकलनमार्फत झिक्ने भएको छ। तरलता व्यवस्थापनका लागि केन्द्रीय बैंकले ५६ दिनका लागि निक्षेप संकलनको अल्पकालीन उपकरण प्रयोग गर्दै बजारबाट रकम संकलन गर्न लागेको हो।
बैंक तथा वित्तीय संस्थामा तरलता बढी भएपछि राष्ट्र बैंकले पछिल्ला हप्तादेखि नियमित रुपमा आइतबार र बुधबार बजारबाट पैसा संकलन गर्दै आएको छ। सोही क्रममा आज पनि अनलाइन बिडिङ प्रणालीमार्फत मध्यान्ह ३ बजेदेखि बोलकबोल प्रक्रिया सुरु हुने नेपाल राष्ट्र बैंकले जनाएको छ।
इच्छुक बैंक तथा वित्तीय संस्थाले न्यूनतम १० करोड रुपैयाँ र बढीमा ५ करोडको गुणकमा बोलकबोल गर्नुपर्नेछ। कुल आह्वान रकमभित्र सफल हुने संस्थाले असोज १ गते साँवा र ब्याज भुक्तानी पाउने छन्।
निक्षेप संकलनमा नेपाल राष्ट्र बैंकबाट इजाजत प्राप्त क, ख र ग वर्गका बैंक तथा वित्तीय संस्था सहभागी हुन सक्नेछन्।
झापा इनर्जी लिमिटेडले सौर्य ऊर्जा परियोजनाका लागि पहिलो चरणको साधारण सेयर (आईपीओ) निष्कासन गर्ने भएको छ। कम्पनीले साउन १४ गतेदेखि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीका लागि कुल ४ लाख ३७ हजार २१९ कित्ता साधारण सेयर सार्वजनिक गर्नेछ।
नेपाल धितोपत्र बोर्ड (सेबोन) बाट गत असार ३१ गते प्रति सेयर रू. १०० अंकित दरमा ९ लाख ५० हजार ४७५ कित्ता साधारण सेयर जारी गर्न स्वीकृति पाएको कम्पनीले पहिलो चरणमा स्थानीय र वैदेशिक रोजगारीमा रहेका नेपालीका लागि उक्त सेयर बिक्रीमा ल्याउने जनाएको छ।
आवेदनकर्ताले न्यूनतम १० र अधिकतम ५ हजार कित्ताका लागि आवेदन दिन सक्नेछन्।
आयोजना प्रभावित बासिन्दाले हिमालयन बैंकको देधे शाखा, दमक (१ र २), सुरुङ्गा शाखा, माछापुच्छ्रे बैंकको दमक र सुरुङ्गा शाखा तथा आयोजना स्थलबाट आवेदन दिन सक्नेछन्। वैदेशिक रोजगारीमा रहेका नेपालीले आस्वा सदस्य बैंक/वित्तीय संस्था, तिनका शाखा र मेरो सेयर अनलाइनमार्फत आवेदन दिन सक्नेछन्।
आईपीओ निष्कासन तथा बिक्री प्रबन्धकको जिम्मेवारी हिमालयन क्यापिटल लिमिटेड ले लिएको छ। पहिलो चरणको सेयर वितरणपछि कम्पनीले दोस्रो चरणमा आम सर्वसाधारणका लागि आईपीओ जारी गर्ने योजना बनाएको छ।
हस्पिटल फर एडभान्स्ड मेडिसिन एण्ड सर्जरी लिमिटेडले आईपीओ निष्कासन गर्ने भएको छ । कम्पनीले आईपीओ निष्कासनको विशेष प्रस्तावसहित वार्षिक साधारण सभा आह्वान गरेको छ । साउन ५ गते बसेको कम्पनीको सञ्चालक समितिको बैठकले यही साउन २८ गते साधारण सभा डाकेको हो ।
उक्त सभा बुढानिलकण्ड नगरपालिका–९ मा रहेको कम्पनी रजिष्टर्डको कार्यालयमा बिहान ११ बजेदेखि सुरु हुनेछ । उक्त सभामा आईपीओ निष्कासन गर्ने, प्रिमियम मूल्यमा सेयर कारोबारसम्बन्धी सञ्चालक समितिको निर्णय अनुमोदन गर्ने र कम्पनीको पूँजी वृद्धि गर्ने विशेष प्रस्ीतावहरु पारित गरिनेछ ।
सभामा आर्थिक वर्ष २०८१/८२ को वार्षिक प्रतिवेदन तथा सोही अवधिको वित्तीय विवरणहरु समेत पारित गरिनेछ । यस्तै सञ्चालक समितिले प्रस्ताव गरेको नगद लाभांश तथा बोनस वितरणको प्रस्ताव समेत पारित हुनेछ ।
नबिल बैंक लिमिटेडले आजदेखि ३ अर्ब रुपैयाँबराबरको ऋणपत्र निष्कासन तथा बिक्री आवेदन खुला गरेको छ । बैंकले १ हजार रुपैयाँ अंकित दरका कुल ३० लाख कित्ता भएको ७ प्रतिशत नबिल डिबेञ्चर २०८९’ नामक ऋणपत्र निष्कासन गरेको हो ।
कुल निष्कासनमध्ये १८ लाख इकाई व्यक्तिगत तवरबाट र १२ लाख इकाई आम सर्वसाधारणका लागि निष्कासन गरिनेछ । सार्वजनिक निष्कासनमध्ये ५ प्रतिशत अर्थात ६० हजार कित्ता सामूहिक लगानी कोषका लागि छुट्टाइएको छ ।
८ वर्ष अवधिको यो ऋणपत्रमा वार्षिक ७ प्रतिशत दरले ब्याज भुक्तानी हुनेछ । ।
यो ऋणपत्रमा सि–आस्बा सेवामा सहभागी बैंक तथा वित्तीय संस्थाहरु र तिनका शाखा कार्यालयहरुबाट आवेदन दिन सकिनेछ। यो ऋणपत्रको निष्कासन बन्द छिटोमा साउन ९ गते र ढिलोमा साउन २० गते बैंकिङ समयपछि हुनेछ।
इच्छुक लगानीकर्ताले न्यूनतम २५ कित्ता र अधिकतममा १२ लाख कित्ताका लागि आवेदन दिन सक्नेछन् ।
बैंकको ऋणपत्र निष्कासन तथा बिक्री प्रबन्धकमा नेपाल एसबीआई मर्चेन्ट बैंकिङ लिमिटेड रहेको छ ।
काठमाण्डौ । सिन्धु विकास बैंकले आर्थिक वर्ष २०८०/८१ को चौथो त्रैमाससम्म उल्लेख्य नाफा आर्जन गरेको छ। बैंकले सार्वजनिक गरेको वित्तीय प्रतिवेदनअनुसार यस अवधिमा बैंकको खुद नाफा ११ करोड ७८ लाख रुपैयाँ पुगेको छ, जुन अघिल्लो वर्षको सोही अवधिको ३ करोड ४ लाख रुपैयाँभन्दा २८७.५९ प्रतिशतले बढी हो।
तर, बैंकको खुद ब्याज आम्दानी भने ३०.१४ प्रतिशतले घटेर १३ करोड ३७ लाख रुपैयाँमा सीमित भएको छ। यस्तै, खुद शुल्क तथा कमिशन आम्दानी अघिल्लो वर्षको २ करोड १९ लाख रुपैयाँबाट घटेर १ करोड ४३ लाख रुपैयाँमा पुगेको छ।
सञ्चालन मुनाफा भने २ करोड ९६ लाख रुपैयाँबाट बढेर १५ करोड ३५ लाख रुपैयाँ पुगेको छ। नाफामा आएको यो सुधार बैंकको १७ करोड ९० लाख रुपैयाँको इम्पेयरमेन्ट चार्ज रिभर्सलका कारण भएको हो।
समीक्षा अवधिसम्म बैंकको निक्षेप संकलन ५ अर्ब ८९ करोडबाट घटेर ५ अर्ब ६८ करोड रुपैयाँमा पुगेको छ। कर्जा प्रवाह पनि ३ अर्ब ५८ करोडबाट घटेर ३ अर्ब २५ करोड रुपैयाँमा सीमित छ।
बैंकको रिटेन्ड अर्निङ २० करोड ७५ लाख रुपैयाँले ऋणात्मक अवस्थामा छ। रिजर्भमा भने १३ करोड ३४ लाख रुपैयाँ सञ्चित छ। अघिल्लो वर्षको चौथो त्रैमाससम्म १०.६३ प्रतिशत रहेको खराब कर्जा अनुपात घटेर ६.०३ प्रतिशतमा झरेको छ।
