समृद्धि फाइनान्सले आज शाखा कार्यालय हेटौंडाबाट रक्तदान कार्यक्रम सम्पन्न गरेको छ । रक्तदान जिवनदान भन्ने नारालाई आत्मसात गर्दै कार्यक्रम आयोजना गरिएको हो । 

कार्यक्रम शाखाको प्राङगणमा सम्मन्न भएको थियो । १८ फाल्गुण बाट सुरु गरिएको कार्यक्रम भोलि २७ गते चितवन र २८ गते बुटवल शाखाबाट आयोजना गर्ने तालिका रहेको संस्थाले जनाएको छ ।

नेपाल राष्ट्र बैंकबाट ‘ग’ वर्गको इजाजतपत्र प्राप्त राष्ट्रिय स्तरको समृद्धि फाइनान्स कम्पनी लिमिटेडले हाल आठ वटा शाखाहरु मार्फत् कारोबार गर्दै आएको छ भने आर.टि.जि.एस, आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ्ग र मोवाइल बैंकिङ्ग, डेबीट कार्ड, क्यू.आर कोड जस्ता डिजिटल सुविधाहरु प्रदान गरिरहेको छ ।

उद्योग वाणिज्य महासंघ कर्णाली प्रदेशसभाको छैटौं साधारणसभामा बोल्दै उद्योगी तथा व्यवसायीहरूले बैंकको ब्याजदर घटाए आफूहरूले बैंकबाट लिएको ऋण तिर्न तयार रहेको बताएका छन् । बिहिबार उद्योग वाणिज्य महासंघ कर्णाली प्रदेशसभाको छैटौं साधारणसभामा बोल्दै उद्योगी तथा व्यवसायीहरूले यस्तो बताएका हुन्। 

उद्योग वाणिज्य महासंघ केन्द्रीय समितिका बस्तुगत उपाध्यक्ष उमेशलाल श्रेष्ठले राष्ट्र बैंकको नीतिकै कारणले बैंक चर्को ब्याज लिएको बताए।  उनले सरकारले नयाँ मौद्रिक नीति ल्याउन समेत माग गरे । 

उपाध्यक्ष श्रेष्ठले भने, ‘अहिले सरकार र राष्ट्र बैंकका कारणले नै उद्योगी तथा व्यवसायीहरू मारमा परेका छन् । सरकार र राष्ट्र बैंकले नयाँ मौद्रिक नीति ल्याएर देशमा निम्तिएको आर्थिक संकटलाई सच्याउनुपर्छ ।’ विश्वमा आएको आर्थिक मन्दीका कारण नेपालमा त्यसको लक्षण देखिन थालेको उपाध्यक्ष श्रेष्ठले बताए । ‘अहिले विश्वमा नै आर्थिक मन्दी आएको छ । नेपालमा बैंकहरू ब्याज बढाएका छन् ।’ उनले भने,‘यसको असर अहिले बजारमा देखिन थालेका छन् ।’

आर्थिक विकासका लागि नीजि क्षेत्रमा महत्त्वपूर्ण भूमिका रहेको आर्थिक मन्दीको असर अहिले बजारमा देखिन थालेको यसलाई सच्याउनका लागि सरकारले पहल थाल्नुपर्ने उद्योग वाणिज्य महासंघ कर्णाली प्रदेशका अध्यक्ष पदमबहादुर शाहीले बताए । ठूलाबडाहरूलाई अहिलेको आर्थिकको मन्दीले न छोएको तर साना व्यवसायी तथा सर्वसाधारणमा आर्थिक मन्दीको असर देखिन थालेको अध्यक्ष शाहीले प्रष्ट्याए।

लघुवित्त संस्था नै धरासायी हुने गरी भएका गलत कार्य रोक्न माग गर्दै कोसी प्रदेशको राजधानी विराटनगरमा प्रदर्शन भएको छ । विभिन्न लघुवित्त संस्थामा आवद्ध महिला सदस्यहरूले शुक्रबार जुलुस प्रदर्शन गर्दै लाखौं महिला संलग्न संस्था नै धरासायी हुने गतिविधि रोक्न भन्दै सरकारको ध्यानाकर्षण गराएका हुन् ।
 
मेडिकल व्यवसायी दुर्गा प्रसाईंले बैंकिङ र लघुवित्त क्षेत्रविरुद्ध अभिव्यक्ति दिएसँगै कर्मचारीहरूसमेत आक्रमणमा पर्न थालेका छन् । बनिबनाऊ संस्थाको संरचना ध्वस्त हुने देखिएपछि आफूहरू सडकमा उत्रन बाध्य भएको सहभागी महिलाले बताएका छन् ।
 
मोरङको कटहरी गाउँपालिकासहित आसपासका पालिकाबाट भेला भएका लघुवित्त संस्था सम्बद्ध महिलाले संस्था नै खराब हुन भन्ने ढंगको सन्देश दिने गरी भएका गतिविधिले आफूहरूको रोजीरोटीमा समेत असर पुग्ने बताएका छन् । सन्देशमुलक र दबाबमुलक प्लेकार्ड बोकेर सयौंको संख्यामा प्रदर्शनमा उत्रिएका उनीहरूले लघुवित्तको सेवा प्रवाहबाट नराम्रो भन्दा धेरै राम्रो धेरै भएकाले सरकारले ध्यान दिनुपर्ने नारा लगाएका थिए ।