प्रधानमन्त्री बालेन्द्र शाहले मन्त्रिपरिषद्को बैठक आह्वान गरेका छन्। प्रधानमन्त्री तथा मन्त्रिपरिषद् कार्यालय स्रोतका अनुसार बैठक आज (शुक्रबार) दिउँसो ४ः३० बजे सिंहदरबारस्थित प्रधानमन्त्री तथा मन्त्रिपरिषद् कार्यालयमा बस्नेछ।
प्रधानमन्त्रीको सचिवालयका अनुसार नियमित सरकारी कामकारबाही, समसामयिक राजनीतिक विषय तथा विभिन्न मन्त्रालयबाट प्रस्तुत प्रस्तावहरूमाथि छलफल गर्न बैठक बोलाइएको हो।
बैठकमा विभिन्न मन्त्रालयले पेश गरेका एजेन्डामाथि आवश्यक निर्णय गरिने अपेक्षा गरिएको छ। साथै, देशको वर्तमान राजनीतिक, आर्थिक तथा प्रशासनिक अवस्थाबारे समेत मन्त्रिपरिषद्का सदस्यहरूबीच समीक्षा हुने बताइएको छ।
सिंहदरबारमा बस्ने उक्त बैठकमा सरकारका सबै मन्त्रीहरूको सहभागिता रहनेछ। सरकारका नीति तथा कार्यक्रम कार्यान्वयन, विकास आयोजना, प्रशासनिक निर्णय र समसामयिक राष्ट्रिय विषयहरू बैठकका प्रमुख एजेन्डा बन्ने जनाइएको छ।
मन्त्रिपरिषद् बैठक सम्पन्न भएपछि निर्णयहरूबारे औपचारिक जानकारी सार्वजनिक गरिने प्रधानमन्त्रीको सचिवालयले जनाएको छ।
