अघिल्लो आर्थिक वर्षको चौथो त्रैमाससम्म घाटामा रहेको रावा इनर्जी डेभलपमेन्ट लिमिटेड गत आर्थिक वर्षमा नाफामा फर्किएको छ। कम्पनीले समीक्षा अवधिसम्म १ करोड ८२ लाख रुपैयाँ खुद नाफा आर्जन गरेको हो। अघिल्लो आवको सोही अवधिमा कम्पनीले ४६ लाख ५४ हजार रुपैयाँ घाटा बेहोरेको थियो।

आम्दानीमा उल्लेख्य वृद्धि

कम्पनीको आम्दानीमा उल्लेख्य सुधार देखिएको छ। समीक्षा अवधिसम्म कम्पनीले विद्युत बिक्रीबाट ८ करोड ३८ लाख रुपैयाँ आम्दानी गरेको छ, जुन अघिल्लो आवको तुलनामा ४६५.६५ प्रतिशतले बढी हो। अघिल्लो आवको चौथो त्रैमाससम्म कम्पनीले विद्युत बिक्रीबाट मात्र १ करोड ४८ लाख रुपैयाँ कमाएको थियो।

खर्चमा बढोत्तरी

कर्मचारी खर्चमा ठूलो वृद्धि भएको छ। समीक्षा अवधिसम्म कम्पनीले कर्मचारीका लागि ५७ लाख ९९ हजार रुपैयाँ खर्च गरेको छ, जुन अघिल्लो आवको तुलनामा २२६.९४ प्रतिशतले धेरै हो। त्यस्तै, प्रशासनिक तथा अन्य सञ्चालन खर्च अघिल्लो आवको १६ लाख २१ हजार रुपैयाँबाट बढेर १६ लाख २७ हजार रुपैयाँ पुगेको छ।

वित्तीय अवस्था

कम्पनीले समीक्षा अवधिसम्म ३८ करोड ४४ लाख रुपैयाँ दीर्घकालीन कर्जा र ४० करोड ६२ लाख रुपैयाँ अल्पकालीन कर्जा लिएको छ। यद्यपि, कम्पनीको रिटेन्ड अर्निङ ६ करोड ९० लाख रुपैयाँले अझै ऋणात्मक अवस्थामा छ। समीक्षा अवधिमा कम्पनीको कुल चालु सम्पत्ति ३ करोड ११ लाख रुपैयाँ र कुल चालु दायित्व ६ करोड ५४ लाख रुपैयाँ रहेको छ।

प्रतिफल सूचकांक

यो अवधिसम्म कम्पनीको प्रतिसेयर आम्दानी (EPS) ६.५३ रुपैयाँ र प्रतिसेयर नेटवर्थ ७५.३५ रुपैयाँ कायम भएको छ।

श्रृजनशील लघुवित्त वित्तीय संस्थाले आर्थिक वर्ष २०८०/८१ मा २२१.१६ प्रतिशतले नाफा वृद्धि गर्दै ४ करोड ५० लाख रुपैयाँ कमाएको छ। अघिल्लो आवमा संस्थाले जम्मा १ करोड ४० लाख रुपैयाँ मात्र नाफा आर्जन गरेको थियो। नाफा वृद्धि हुने मुख्य कारण खुद ब्याज आम्दानीमा आएको उल्लेख्य सुधार रहेको संस्थाले जनाएको छ।

गत आवमा संस्थाको खुद ब्याज आम्दानी ५६.५९ प्रतिशतले बढेर १६ करोड ८८ लाख रुपैयाँ पुगेको छ। साथै, कमिसन आम्दानी २ करोड ८६ लाख रुपैयाँ रहेको छ। समीक्षा अवधिमा संस्थाको निक्षेप संकलन ११.१७ प्रतिशतले बढेर ८४ करोड ६९ लाख रुपैयाँ पुगेको छ भने कर्जा परिचालन २३.०९ प्रतिशतले बढ्दै २ अर्ब ६९ करोड ९३ लाख रुपैयाँ पुगेको छ।

वितरणयोग्य मुनाफा ३ करोड ५१ लाख ६६ हजार रुपैयाँ रहेको संस्थाको चुक्तापूँजी १० करोड ९३ लाख रुपैयाँ, रिटेन्ड अर्निङ ५ करोड ७ लाख रुपैयाँ र रिजर्भ ११ करोड ६ लाख रुपैयाँ रहेको छ। तर, गैर–सञ्चालित कर्जा अनुपात (NPL) भने अघिल्लो आवको ६.४९ प्रतिशतबाट बढेर ९.७९ प्रतिशत पुगेको छ।

समीक्षा अवधिमा संस्थाको सिडि रेसियो ३४५ प्रतिशत, बेस रेट १२.६० प्रतिशत, कस्ट अफ फण्ड ८.१० प्रतिशत कायम भएको छ। इपीएस १२.८४ रुपैयाँबाट बढेर ४१.२५ रुपैयाँ पुगेको छ। यस्तै, नेटवर्थ २४७.६० रुपैयाँ, मूल्य–आम्दानी अनुपात ५२.६० गुणा र तरलता अनुपात ३२.६४ प्रतिशत रहेको विवरणमा उल्लेख छ।

शिवम् सिमेन्ट लिमिटेडले आर्थिक वर्ष २०८०/८१ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ । प्रकाशित विवरणअनुसार कम्पनीले यस अवधिमा ७९ करोड ४१ लाख रुपैयाँ खुद नाफा आर्जन गरेको छ, जुन अघिल्लो आवको सोही अवधिको तुलनामा २०५.८५ प्रतिशतले वृद्धि भएको हो। अघिल्लो आवमा कम्पनीको नाफा २५ करोड ९६ लाख रुपैयाँ मात्र थियो।

बिक्री आम्दानीतर्फ पनि कम्पनीले उल्लेख्य वृद्धि गरेको छ। चालु आवको चौथो त्रैमाससम्म कम्पनीले बिक्रीमार्फत १ अर्ब ७२ करोड रुपैयाँ आम्दानी गरेको छ, जुन अघिल्लो आवको सोही अवधिमा १ अर्ब ३ करोड रुपैयाँ थियो। यो ६६.२९ प्रतिशतको वृद्धि हो। साथै, कम्पनीले यस अवधिमा १३ करोड ९४ लाख रुपैयाँ अन्य आम्दानी पनि आर्जन गरेको छ।

खर्च नियन्त्रणमा पनि कम्पनी सफल भएको छ। अघिल्लो आवमा ९५ करोड ६५ लाख रुपैयाँ खर्च भएकोमा चालु आवमा यो घटेर ६४ करोड ६ लाख रुपैयाँमा सीमित भएको छ।

वित्तीय संरचनातर्फ, ५ अर्ब ४५ करोड रुपैयाँ चुक्तापूँजी रहेको कम्पनीले सेयर प्रिमियम रिजर्भमा ९५ करोड ६२ लाख रुपैयाँ र अन्य रिजर्भमा ३ अर्ब ८७ करोड रुपैयाँ छुट्याएको छ। समीक्षा अवधिसम्म कम्पनीको प्रतिसेयर आम्दानी (EPS) १४.५५ रुपैयाँ, प्रतिसेयर नेटवर्थ १८५.५७ रुपैयाँ, प्रतिसेयर कुल सम्पत्ति मूल्य २०३.८७ रुपैयाँ र तरलता अनुपात १.८० कायम भएको विवरणमा उल्लेख छ।

कृषि विकास बैंक लिमिटेडले गत आर्थिक वर्ष २०८१/८२ को चौथो त्रैमासको वित्तीय विवरण सार्वजनिक गरेको छ। विवरणअनुसार बैंकले सो अवधिमा ४ अर्ब १५ करोड रुपैयाँ खुद नाफा आर्जन गरेको छ। अघिल्लो आर्थिक वर्ष २०८०/८१ मा बैंकको खुद नाफा २ अर्ब ८९ करोड रुपैयाँ मात्र रहेको थियो। यसरी बैंकको नाफा अघिल्लो वर्षको तुलनामा ४३.३८ प्रतिशतले बढेको छ।

समीक्षा वर्षमा बैंकको वितरणयोग्य नाफा २ अर्ब ८७ करोड रुपैयाँ पुगेको छ। यस आधारमा बैंकले १८.४२ प्रतिशत लाभांश वितरण गर्न सक्ने क्षमता राखेको छ।

गत आर्थिक वर्षमा बैंकको सञ्चालन नाफा ५ अर्ब ८४ करोड रुपैयाँ पुगेको छ। अघिल्लो वर्षमा सञ्चालन नाफा ४ अर्ब १३ करोड रुपैयाँ मात्र रहेको थियो। यसरी सञ्चालन नाफा पनि ४१.२७ प्रतिशतले बढेको हो।

यद्यपि, बैंकको ब्याज आम्दानी भने घटेको छ। समीक्षा अवधिमा बैंकले ९ अर्ब ८२ करोड रुपैयाँ ब्याज आम्दानी गरेको छ, जुन अघिल्लो वर्षको सोही अवधिमा १० अर्ब ५५ करोड रुपैयाँ थियो। यसरी ब्याज आम्दानी ६.९३ प्रतिशतले घटेको छ।

बैंकको चुक्ता पूँजी १९ अर्ब २८ करोड रुपैयाँ रहेको छ। समीक्षा वर्षमा संचित नोक्सानी २ अर्ब ८७ करोड रुपैयाँ नकारात्मकमा छ भने रिजर्भ १६ अर्ब ९९ करोड रुपैयाँ रहेको छ। अघिल्लो वर्षमा संचित नाफा २ अर्ब १३ करोड रुपैयाँ र रिजर्भ १५ अर्ब ११ करोड रुपैयाँ थियो।

गत वर्ष बैंकले २९३ अर्ब ५७ करोड रुपैयाँ निक्षेप संकलन गरेको छ भने २१३ अर्ब १४ करोड रुपैयाँ कर्जा प्रवाह गरेको छ। अघिल्लो वर्ष बैंकको निक्षेप २४३ अर्ब ६२ करोड रुपैयाँ र कर्जा प्रवाह २०३ अर्ब ६१ करोड रुपैयाँ मात्र थियो।

बैंकको असुल नहुने कर्जा अनुपात (NPL) ३.२६ प्रतिशतमा झरेको छ, जुन अघिल्लो वर्षको सोही अवधिमा ३.९१ प्रतिशत थियो।

बैंकको वार्षिक आम्दानी प्रतिकित्ता (EPS) २७ रुपैयाँ ६३ पैसा पुगेको छ। अघिल्लो वर्षको EPS १८ रुपैयाँ ५६ पैसा मात्र थियो। बैंकको प्रतिकित्ता नेटवर्थ २४१ रुपैयाँ ०४ पैसा रहेको छ भने मूल्य आम्दानी अनुपात (P/E ratio) ११.८४ गुणा रहेको छ।