आज सेयर बजार ५.८४ अङ्कले बढेको छ । नेप्से ०.२७ प्रतिसतले बढेर २१०६ अङ्कमा बन्द भएको छ ।
नेप्सेमा सुचिक्रित कम्पनिमध्ये आज १११ कम्पनिको मुल्य बढेको छ भने ९९ कम्पनिको मुल्य घटेको छ ।
आज बजारमा १ अर्ब ८५ करोड भन्दा बढीको कारोबार भएको छ ।
सर्बाधिक कमाउने कम्पनिहरुमा सरराइज ब्लुचीप फन्ड ,बलेफी हाइड्रो ,एनआइसी एसिया फ्लेक्सी क्याप फन्ड, लक्ष्मी उन्नती कोष लगायतका कम्पनीहरु रहेका छन भने सर्बाधिक गुमाउनेमा विन नेपाल लघुबित्त , एसियन हाइड्रो ,मेनचियाम हाइड्रो, नारायणी डिभलपमेन्ट लगायतका कम्पनीहरु रहेका छन ।
त्यस्तै सर्बाधिक कारोबार गर्ने कम्पनीहरुमा शिभम सिमेन्ट, सोल्टी होटेल, एसियन लाइफ , हिमालयन लाइफ इन्सुरेन्स , एनआइसी एसिया बैंक लगायतका कम्पनीहरु रहेका छन ।
प्रतिनिधि सभाको बैठक स्थगित भएको छ। एमालेले छनबिनका लागि समिती बनाउनु पर्ने अडान लिएपछी बैठक स्थगित भएको हो ।
सत्तारुढ दल माओवादीका नेताको नाम जोडीएकोले तिनिहरुलाई जोगाउने प्रयास भएको भन्दै एमालेले छनबिनको माग राख्दै आइरहेको छ ।
सोमबार दिउँसो १ बजेका लागि प्रतिनिधि सभा बैठक बस्ने तय भएको थियो। तर बैठक बस्दै नबसी स्थगित भएको छ।
सभामुख देवराज घिमिरेका प्रेस सल्लाहकार शेखर अधिकारीले मंगलबार दिउँसो १ बजे बस्ने गरी सूचना टाँस गरेर बैठक स्थगित गरिएको बताए।
यसै बिषयमा छलफल गर्न सोमबार बिहान प्रधानमन्त्री पुष्पकमल दाहाल प्रचण्ड र प्रमुख प्रतिपक्षी नेकपा एमालेका अध्यक्ष केपी शर्मा ओलीबीच भेटघाट भएको थियो ।
त्रिभुवन अन्तर्राष्ट्रिय विमानस्थलमा केही दिन पहिले करिब एक सय किलो सुन बिमास्थलको चेकिङ काटेर बाहिर आइसकेपछी ट्याक्सीमा गोदाम लादै गर्दा समातिएको थियो । रेडी ट्रेडरले यसअघी पनि ब्रेकसु भन्दै ठुलो मात्रामा सुन तस्करी गरेको हुन सक्ने र यसमा ठुलै नेताको सहयोग रहेको अनुमान गर्दै उच्च स्तरिय छानबिन समिती बनाउनु पर्ने माग एमालेको छ । सत्तारुढ दलका उच्च स्तरका नेताको सम्लग्नता रहेको आसङ्का एमालेले गरिरहेको छ ।
प्रधानमन्त्री एवम् नेकपा(माओवादी केन्द्र)का अध्यक्ष पुष्पकमल दाहाल ‘प्रचण्ड’ले सुन प्रकरणलाई अन्तिम निष्कर्षमा पुर्याउने बताएका छन् । प्रधानमन्त्री प्रचण्डले उक्त प्रकरणको जरैसम्म पुगेर छानबनि गर्ने र दोषी देखिएका सबैलाई कारवाहीको दायरामा ल्याउने प्रतिबद्धता जनाए ।
प्रधानमन्त्री निवास बालुवाटारमा आज बसेको पार्टी पदाधिकारी बैठकमा उनले सुनप्रकरणलगायत भ्रष्टाचार प्रकरण र अनियमिततालाई अन्तिम निष्कर्षमा पुर्याउन सरकार दृढ रहेको स्पष्ट पारे । यही साउन ३ गते राजश्व अनुसन्धान विभागले सिनामङ्गलबाट ठूलो मात्रामा सुन बरामद गरेका थियो । हाल सरकारले सो सम्बन्धमा अनुसन्धान गरिरहेको छ ।
उक्त प्रकरणमा संलग्न भएको आरोपमा हालसम्म १८ जना पक्राउ परिसकेका छन् । सुन प्रकरणलाई निष्कर्षमा पुर्याएरै छाड्ने प्रतिबद्धता व्यक्त गर्दै प्रधानमन्त्री प्रचण्डले त्यसका लागि सबैको साथ र सहयोग आवश्यक रहेको उल्लेख गरे ।
मुलुक विकासको बाधकका रुपमा रहेको भ्रष्टाचार, अनियमितता, कसिमन जस्ता विषयलाई अन्तिम निष्कर्षमा पुर्याउन कुनै पनि कसर बाँकी नराखिने स्पष्ट पार्दै प्रधानमन्त्रीले निर्दोष नफस्ने र दोषीलाई उम्कन नदिने विषयमा सरकार दृढ रहेको बताएका नेकपा (माओवादी केन्द्र)का सचिव दिनानाथ शर्माले जानकारी दिए ।
बैठकमा पार्टीका उपमहासचिव बर्षमान पुनले सुन प्रकरणको छानबिनका लागि उच्चस्तरीय समिति बनाउन आग्रह गरे । उनले सो प्रकरणमा जोडिएका सबैलाई छानबिनको दायरामा ल्याउन र कानुनी कारवाही गर्नुपर्ने बताए ।
सरकारले अगाडि बढाएको भ्रष्टाचार र अनियमितता विरुद्धको अभियानलाई प्रभावित पारेर अन्यत्रै मोड्न र दोषी उम्काउनका लागि आफ्नो नाम समेत जोडेर प्रचार गरिएको उनको भनाइ छ । उपमहासचिव पुनले भ्रष्टाचार र अनियमितता विरुद्ध सरकारले अगाडि बढाएको अभियानलाई सफल बनाएरै छाड्नुपर्नेमा जोड दिए ।
यही साउन १७ गतेदेखि बस्न लागेको पार्टीको केन्द्रीय समितिको बैठकको कार्यसूची तय गर्नका लागि माओवादी केन्द्रको पदाधिकारी बैठक लगातार बसिरहेको छ । सोही क्रममा आज पनि बैठक बसेको हो ।
केन्द्रीय समितिको बैठकमा पार्टी अध्यक्ष प्रचण्डले राजनीतिक एवम् सांगठनिक प्रतिवेदन पेश गर्नुहुनेछ । सो विषयमा समेत आजको बैठकमा छलफल भएको थियो । यस्तै आगामी मंसिरमा विधान सम्मेलनको आयोजना गरी पार्टीको सांगठनिक संरचनालाई चुस्त दुरुस्त बनाउने समेत तयारी गरिएको छ ।
बैठक प्रत्यक्ष प्रसारण हुन्छ नेकपा (माओवादी केन्द्र)का सचिव शर्माका अनुसार केन्द्रीय समितिको बैठक प्रत्यक्ष प्रसारण गर्ने बताए । उनले आम सर्वसाधरण, पार्टी कार्यकर्ता र देशबासीलाई समेत प्रत्यक्ष जानकारी दिने उद्देश्यले बैठकको सबै कारबाही प्रत्यक्ष प्रसारण गर्न लागिएको जानकारी दिए ।
यसअघि समूहगत रुपमा गरिँदै आएको छलफल नगरी सबै केन्द्रीय सदस्यलाई बोल्न दिइने गरी कार्यक्रम तय भएको उनको भनाइ छ । यसअघि नेपाली कांग्रेसले पनि केन्द्रीय समितिको बैठक सामाजिक सञ्जालमार्फत प्रत्यक्ष प्रसारण गरेको थियो ।
कांग्रेसले केन्द्रीय समितिको बैठक प्रत्यक्ष प्रसारण गरेपछि राष्ट्रियसभा सदस्य बामदेव गौतमले कांग्रेसको उक्त निर्णयको प्रशंसा गर्दैै कम्युनिष्ट पार्टीको बैठक पनि प्रत्यक्ष प्रसारण गर्न सुझाव दिएका थिए ।
यूएईमा एक व्यक्तिले चिठ्ठामा अनौठो पुरस्कार हात पारेका छन्।
हामीलाई प्रायः लाग्न सक्छ कि चिठ्ठामा एकमुष्ठ सानोदेखि ठूलो रकम जित्ने गरिन्छ। तर, यूएईमा एक भारतीयले चिठ्ठामा २५ वर्षसम्म मासिक ठूलो धनराशि पाउने पुरस्कार जितेका हुन्।
ती युवक हुन् भारतका मोहम्मद आदिल खान। उनले चिठ्ठामा पहिलो फास्ट फाइभ पुरस्कार जितेका हुन्। जुन निकै खास छ।
यो चिठ्ठाअन्तर्गत आदिलले २५ वर्षसम्म मासिक २५ हजार दिरहम अर्थात लगभग भारुत साढे ५ लाख रुपैयाँ पाउनेछन्।
आदिल भारतको उत्तर प्रदेशको राजधानी लेखनाउका बासिन्दा हुन्। उनले आफूले यस प्रकारको पुरस्कार जित्ने सपनामा पनि नदेखेको बताउँछन्।
त्यसो त आदिलले पहिलोपटक चिठ्ठा किनेका थिए। तर, पहिलोपटक नै उनले यति ठूलो धनराशि मासिक रुपमा पाउने चिठ्ठा जिते।
आदिलले आफ्नो परिवारका लागि एउटा राम्रो घर किन्ने योजना बनाएका छन्। साथै, उनले राम्रो प्रतिफल पाउने क्षेत्रमा लगानी गर्ने सोच पनि बनाएका छन्।
आदिल सनु २०१८ मा साउदी अरबबाट दुबई पुगेका थिए। ‘प्रायः चिठ्ठामा एकमुष्ठ रकम प्राप्त हुन्छ तर मैले २५ वर्षसम्म मासिक रुपमा ठूलो रकम पाउने चिठ्ठा जितेको छु, यो मेराका लागि निकै खास छ’, स्थानीय सञ्चार माध्यमहरुलाई प्रक्रिया दिँदै आदिलले भने, ‘यो मेरो दोस्रो इनकम हुनेछ। जुन ठूलो लगानीको स्रोत बन्नेछ।’ –एजेन्सी
फर्स्ट माइक्रोफाइनान्स लघुवित्त वित्तीय संस्थ लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ।
यस लघुवित्तले गत आर्थिक वर्षको असार मसान्तसम्ममा १९ करोड ६९ लाख रुपैयाँ खुद नाफा कमाएको छ। अघिल्लो बर्ष यसले २५ करोड ७० लाख रुपैयाँ खुद नाफा कमाएको थियो । यसको अर्थ कम्पनिको नाफा घट्न गएको छ । रिपोर्ट अनुसार लघुवित्तको खुद फि तथा कमिशन आम्दानी घटेको देखिन्छ । यस अवधिमा लघुवित्तको खुद ब्याज आम्दानी बढेको छ भने फि तथा कमिशन आम्दानी ४०.८२ प्रतिशत घटेको छ। त्यस्तै लघुवित्तको कुल सञ्चालन आम्दानी र सञ्चालन मुनाफा घटेको छ।
यो लघुबित्तको एनपीएल समीक्षा अवधि सम्म ०.६६ प्रतिशत रहेको छ। यस लघुबित्तको वितरणयोग्य मुनाफा १७ करोड ७१ लाख रुपैयाँ रहेको देखिन्छ ।
समिक्षा अबधिमा यस लघुबित्तको प्रतिसेयर आम्दानी (ईपीएस) १७ रुपैयाँ १६ पैसा रहेको देखिन्छ । यस कम्पनिको प्रतिसेयर नेटवर्थ १३७ रुपैयाँ ८६ पैसा रहेको देखिन्छ ।
यस लघुबित्तको जगेडा कोषमा भने ४३ करोड ४६ लाख रहेको देखिन्छ ।
नेपाल राष्ट्र बैंकले २१ अर्ब १० करोड रुपैयाँको ट्रेजरी बिल आज बोलकबोल मार्फत नवीकरण गर्ने भएको छ।
राष्ट्र बैंकले २८ दिनका लागि ८ अर्ब रुपैयाँ, ९१ दिनका लागि ८ अर्ब १० करोड रुपैयाँ र १८२ दिनका लागि ५ अर्ब रुपैयाँको ट्रेजरी बिलको नवीकरण गर्नेछ। यी ट्रेजरी बिल क्रमशः भदौ १२ गते, कात्तिक १४ गते र माघ १६ गते परिपक्व हुनेछन्।
यसका लागि आज सोमबार दिउँसो ३ बजे अनलाइनका माध्यमबाट बोलकबोल हुनेछ।
बोलकबोलमा सबैभन्दा बढी मूूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँड हुने गर्दछ।
ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो।
आज हामीले यहाँ बिगत बर्षहरुमा धेरै लाभाम्स दिने नेप्सेमा सुचिक्रित बिकास बैंकहरुको बारेमा चर्चा गर्दैछौ । यसले तपाईंलाई लगानी गर्नका लागि थप सहयोग मिल्छ भन्ने अपेक्षा गरेका छौ ।
हाल रहेका बिकास बैंकहरुमध्ये आफ्ना लगानिकर्तालाई खुशी पार्ने वा धेरै लाभाम्स दिने 5 बिकास बैंकहरु तल उल्लेख गरिएको छ ।
एकपल्ट धेरै लाभाम्स दिनेले सधै धेरै लाभाम्स दिन्छ भन्ने हुन्न तर यसले लगानिका लागि बिस्लेषणमा महत्वपुर्ण भूमिका खेल्छ । प्रस्तुत छ , धेरै लाभाम्स दिने टप ५ बिकास बैंकहरु :
आर्थिक बर्ष २०७८-७९ मा सर्बाधिक डिभिडेन्ट दिने बैंकहरु 1.गरिमा बिकास बैंक लिमिटेड यस बिकास बैंकले आर्थिक बर्ष २०७८-७९ मा लगानिकर्तालाई १४.५ प्रतिसत डिभिडेन्ट दिएको छ ।
2.मुक्तिनाथ बिकास बैंक लिमिटेड यस बिकास बैंकले आर्थिक बर्ष २०७८-७९ मा लगानिकर्तालाई १४.२१ प्रतिसत डिभिडेन्ट दिएको छ ।
3. साइन रेसुङ्गा बिकास बैंक लिमिटेड यस बिकास बैंकले आर्थिक बर्ष २०७८-७९ मा लगानिकर्तालाई १४ प्रतिसत डिभिडेन्ट दिएको छ ।
4. मितेरी डिभलप्मेन्ट बैंक लिमिटेड यस बिकास बैंकले आर्थिक बर्ष २०७८-७९ मा लगानिकर्तालाई १३ प्रतिसत डिभिडेन्ट दिएको छ ।
5. लुम्बिनी बिकास बैंक लिमिटेड यस बिकास बैंकले आर्थिक बर्ष २०७८-७९ मा लगानिकर्तालाई १२ प्रतिसत डिभिडेन्ट दिएको छ ।
S.no
बैंकको नाम
लाभांश (प्रतिसत )
1
गरिमा बिकास बैंक लिमिटेड
१४.५
2
मुक्तिनाथ बिकास बैंक लिमिटेड
१४.२
3
साइन रेसुङ्गा बिकास बैंक लिमिटेड
१४
4
मितेरी डिभलप्मेन्ट बैंक लिमिटेड
१३
5
लुम्बिनी बिकास बैंक लिमिटेड
१२
आर्थिक बर्ष २०७८-७९ मा सर्बाधिक डिभिडेन्ट दिने बिकास बैंकहरु
आर्थिक बर्ष २०७७ -७८ मा सर्बाधिक डिभिडेन्ट दिने बैंकहरु 1. महालक्ष्मी बिकास बैंक लिमिटेड यस बिकास बैंकलेआर्थिक बर्ष २०७७ -७८ मा लगानिकर्तालाई २१.०५ प्रतिसत डिभिडेन्ट दिएको छ ।
2. कामना सेवा बिकास बैंक लिमिटेड यस बिकास बैंकलेआर्थिक बर्ष २०७७ -७८ मा लगानिकर्तालाई १९.४७ प्रतिसत डिभिडेन्ट दिएको छ ।
3. मुक्तिनाथ बिकास बैंक लिमिटेड यस बिकास बैंकलेआर्थिक बर्ष २०७७ -७८ मा लगानिकर्तालाई १८.५ प्रतिसत डिभिडेन्ट दिएको छ ।
4.गरिमा बिकास बैंक लिमिटेड यस बिकास बैंकलेआर्थिक बर्ष २०७७ -७८ मा लगानिकर्तालाई १६ प्रतिसत डिभिडेन्ट दिएको छ ।
5. ज्योति बिकास बैंक लिमिटेड
यस बिकास बैंकलेआर्थिक बर्ष २०७७ -७८ मा लगानिकर्तालाई १५.५ प्रतिसत डिभिडेन्ट दिएको छ ।
S.No.
बैंकको नाम
लाभांश (प्रतिसत )
1
महालक्ष्मी बिकास बैंक लिमिटेड
२१.०५
2
कामना सेवा बिकास बैंक लिमिटेड
१९.४७
3
मुक्तिनाथ बिकास बैंक लिमिटेड
१८.५
4
गरिमा बिकास बैंक लिमिटेड
१६
5
ज्योति बिकास बैंक लिमिटेड
१५.५
आर्थिक बर्ष २०७७ -७८ मा सर्बाधिक डिभिडेन्ट दिने बिकास बैंकहरु
आर्थिक बर्ष २०७६-७७ मा सर्बाधिक डिभिडेन्ट दिने बैंकहरु
1.मितेरी बिकास बैंक लिमिटेड यस बिकास बैंकलेआर्थिक बर्ष २०७६-७७ मा लगानिकर्तालाई १५.७९ प्रतिसत डिभिडेन्ट दिएको छ ।
2. मुक्तिनाथ बिकास बैंक लिमिटेड यस बिकास बैंकलेआर्थिक बर्ष २०७६-७७ मा लगानिकर्तालाई १५.५१ प्रतिसत डिभिडेन्ट दिएको छ ।
3. गरिमा बिकास बैंक लिमिटेड यस बिकास बैंकलेआर्थिक बर्ष २०७६-७७ मा लगानिकर्तालाई १४.२१ प्रतिसत डिभिडेन्ट दिएको छ ।
4.साइन रेसुङ्गा बिकास बैंक लिमिटेड यस बिकास बैंकलेआर्थिक बर्ष २०७६-७७ मा लगानिकर्तालाई १३ प्रतिसत डिभिडेन्ट दिएको छ ।
5.एक्सेल डिभलप्मेन्ट बैंक लिमिटेड यस बिकास बैंकले आर्थिक बर्ष २०७६-७७ मा लगानिकर्तालाई १२।६३ प्रतिसत डिभिडेन्ट दिएको छ ।
S.No.
बैंकको नाम
लाभांश (प्रतिसत )
1
मितेरी बिकास बैंक लिमिटेड
१५.७९
2
मुक्तिनाथ बिकास बैंक लिमिटेड
१५.५१
3
गरिमा बिकास बैंक लिमिटेड
१४.२१
4
साइन रेसुङ्गा बिकास बैंक लिमिटेड
१३
5
एक्सेल डिभलप्मेन्ट बैंक लिमिटेड
१२.६३
आर्थिक बर्ष २०७६-७७ मा सर्बाधिक डिभिडेन्ट दिने बिकास बैंकहरु
सेयर बजार सम्बन्धी यि जानकारी पनि हेर्नुस् , छुटाउनु भएको त छैन ?
नेपाल धितोपत्र बोर्ड (सेबोन)ले गैरआवासीय नेपाली (एनआरएन)लाई पुँजीबजारमा भित्र्याउने तयारी गरेको छ । जसका लागि आबस्यक कानुनको ब्यबस्था गर्न सेबोन लागिपरेको छ ।
चालु आर्थिक वर्षको नीति तथा कार्यक्रममा सेबोनले एनरआएनलाई पुँजीबजारमा भित्र्याउने विषयलाई प्राथमिकतामा राखिएको हो।
पुँजीबजारमा भित्र्याउन हालको व्यवस्थामा ५ लाख डलरको क्याप बाधक रहेको अवस्थामा सेबोनले उक्त कानुन परिमार्जन गर्ने तयारी गरेको हो ।
एनआरएनलाई पुजीबजारमा लगानी गर्न पाउने ब्यबस्था गर्न पहिलादेखी नै माग हुँदै आए पनि पहिलोपटक कार्वान्वयन हुन लागेको हो ।
वैदेशिक रोजागरीमा गएका नेपालीहरुका भनेर लागि जारी गरेको सन नेपाल लाइफ इन्स्योरेन्स कम्पनी लिमिटेडले आईपीओ भर्ने आज साउन १५ गते अन्तिम दिन रहेको छ।
सन लाइफले साउन १ गतेदेखि विदेशमा काम गर्ने नेपालीका लागि ९ लाख ६० हजार कित्ता साधारण सेयरको प्राथमिक निष्कासन गरेको थियो। यो आईपीओमा आज बैंकिङ समयसम्म मात्र आवेदन दिन सकिन्छ ।
यो कम्पनीले अंकित मूल्य रु. १०० मा रु. १३९ प्रिमियम थपेर कुल २३९ रुपैयाँ प्रतिकित्ताका दरले आईपीओ निष्कासन गर्ने अनुमति पाएको छ। कम्पनीले १ अर्ब २६ करोड रुपैयाँ प्रिमियमका रुपमा उठाउने योजना बनाएको छ।
सीडीएससीका अनुसार आइतबार साँझसम्म यो आईपीओमा २६ हजार ४७४ आवेदकबाट कुल १६ लाख ८९ हजार १७० कित्ता सेयर खरिदका लागि आवेदन परेको छ। जुन मागभन्दा १.७६ गुणाले बढी हो।
यो जीवन बीमा कम्पनीको जारी पुँजी ३ अर्ब २० करोड रुपैयाँ रहेको छ भने यसले जारी पुँजीको ३० प्रतिसतको आइपिओ निस्काशन गरेको हो ।
यस कम्पनीको आईपीओ निष्कासन तथा बिक्री प्रबन्धकमा नेपाल एसबीआई मर्चेन्ट बैंकिङ रहेको छ ।
आर्थिक वर्ष २०८०-८१ मा बोनस सेयरमा लाग्ने करको मिलान नगद लाभांसबाट गर्नुपर्ने व्यवस्था लागु हुने भएको छ।
नेपाल धितोपत्र बोर्डले सार्वजनिक गरेको आर्थिक वर्ष २०८०/८१ को धितोपत्र बजार तथा वस्तु विनिमय बजार सम्बन्धी नीति तथा कार्यक्रममा उक्त निर्देशन दिने उल्लेख गरिएको छ ।
त्यस्तै बोर्डले धितोपत्रको दोस्रो बजारमा गैर आवासीय नेपालीहरुको लगानी खुला गर्न धितोपत्र सम्बन्धी कानुनहरुमा आवश्यक संशोधन तथा परिमार्जन गर्ने जनाएको छ ।
