साना किसान विकास लघुवित्त वित्तीय संस्थाको आर्थिक वर्ष २०७९–८०को चौथो त्रैमासको वित्तीय विवरण सार्वजनिक छ।
समीक्षा अवधिसम्म संस्थाको खुद नाफा १६.९३ प्रतिशतले बढेर ८१ करोड ४१ लाख रुपैयाँ भएको छ भने संस्थाले १ अर्ब १६ करोड रुपैयाँ सञ्चालन मुनाफा गरेको छ।
यस अबधिमा खुद ब्याज आम्दानी २३.९७ प्रतिशतले बढेर १ अर्ब ६६ करोड रुपैयाँ भएको छ। त्यस्तै संस्थाको खराब कर्जा अनुपात (एनपीएल) घटेर ०.६१ प्रतिशतमा झरेको छ।
कम्पनिको वितरणयोग्य मुनाफा १ अर्ब ७३ करोड रुपैयाँ रहेको छ। संस्थाको लाभांश ५३ प्रतिशतको हाराहारीमा देखिन्छ।
संस्थाको रिजर्भको आकार अघिल्लो बर्षको तुलनामा १०१.१६ प्रतिशतले बढेर ३ अर्ब ५१ करोड रुपैयाँ पुगेको छ।
संस्थाको प्रतिसेयर आम्दानी (ईपीएस) घटेर ४०.६९ रुपैयाँ कायम भएको छ। संस्थाको मूल्य आम्दानी अनुपात (पीई रेसियो) २२.०९ गुणा र प्रतिसेयर नेटवर्थ २५९.३९ रुपैयाँ रहेको छ।
साना किसान विकास लघुवित्त र आरएमडीसी लघुवित्त हालै १ः०.८७ अनुपातमा मर्ज भएका थिए।
