काठमाडौं । नेपाल स्टक एक्सचेञ्ज (नेप्से)मा स्नो रिभर्स लिमिटेडको आईपीओ सूचीकृत भएको छ । कम्पनीको सेयर ‘एसएनओआरएल’ सिम्बोलबाट सूचीकृत भएको हो ।
कम्पनीको अंकित मूल्य १०० रुपैयाँ दरको कुल ९३ लाख ७५ हजार कित्ता सेयर सूचीकृत भएको हो । जसमा सर्वसाधारणहरुलाई बिक्री गरिएको २० प्रतिशत अर्थात १८ लाख ७५ हजार कित्ता र ८० प्रतिशत दरको ७५ लाख कित्ता सेयर संस्थापक सेयरधनीहरुले लगानी गरेको सेयर रहेको छ ।
उक्त सेयर भोलिदेखि नै दोस्रो बजारमा कारोबार खुल्नेछ । नेप्सेले यो कम्पनीको सेयरलाई पहिलो कारोबारको लागि १०० रुपैयाँदेखि ३०० रुपैयाँसम्म ओपनिङ रेञ्ज तोकेको छ ।
